தமிழ்நாட்டின் முக்கிய சுற்றுலாத் தளமான ஏற்காட்டிற்கு விடுமுறை நாட்களில் சுற்றுலா பயணிகள் அதிக அளவில் வருவது வழக்கம்.

முதன்மையான இடங்கள்

அவ்வாறு ஏற்காடு வரும் சுற்றுலா பயணிகள் ஏற்காட்டில் உள்ள தாவரவியல் பூங்கா, ஐந்திணை பூங்கா, ரோஜா தோட்டம் போன்ற இடங்களையும் அதனை தொடர்ந்து  லேடீஸ் சிட், சில்ட்ரண்ஸ் சீட், ஜென்ட்ஸ் சீட், பகோடா பாயிண்ட் உள்ளிட்ட வியு பாய்ண்ட்களையும்  சுற்றி பார்த்து மகிழ்வார்கள்.

தேர்வுகள் காரணமா?

ஆனால் தற்போது பள்ளிகளில் தேர்வுகள் நடைபெற்று வருவதால் விடுமுறை நாளான நேற்றும் இன்றும் ஏற்காட்டிற்கு வரும் சுற்றுலா பயணிகள் வரவு குறைந்து.  இதனால்  இங்குள்ள பூங்காக்கள் சுற்றுலா பயணிகள் இன்றி வெறிச்சோடி காணப்பட்டு வருகிறது. இவ்வாறு இருந்த போதிலும் ஏற்காடு  படகு இல்லத்தில் சுற்றுலா பயணிகள் அதிக அளவில் படகு சவாரி செய்து மகிழ்ந்தனர்.

சென்னை: எழும்பூர் பகுதியில் நேற்று இரவு போலீசார் வாகன சோதனையில் ஈடுபட்டும் ரோந்து பணியில் ஈடுபட்டும் இதுந்துள்ளனர். அப்போது பி.வி செழியன் சாலை பகுதியில் சந்தேகத்திற்கிடமான முறையில் டாட்டா ஏஸ் வாகனம் ஒன்று நிறுத்தி வைக்கப்பட்டிருந்தது. போலீசார் அதனை சோதனை செய்து பார்த்தபோது அதில் சிறிய சிறிய மூட்டைகளாக 25 மூட்டைகள் மலேசிய காயின்கள் இருப்பது தெரியவந்தது.

இதனையடுத்து டாட்டா ஏஸ் வாகனத்தை பறிமுதல் செய்த எழும்பூர் போலீசார் மலேசியன் காயின்களை கொண்டு வந்த செழியன் சாலையைச் சேர்ந்த ஆசிப் மற்றும் டாட்டா ஏஸ் வாகன ஓட்டுனரான பாபு ஆகியோரை காவல் நிலையம் அழைத்து வந்து விசாரணை மேற்கொண்டு வருகின்றனர். 

மேலும் படிக்க | துபாயில் இருந்து மதுரை வந்த பயணியிடம் பறிமுதல் செய்யப்பட்ட 697 கிராம் தங்கம்..!

25 சிறிய சிறிய மூட்டையில் உள்ள மலேசிய காயின்கள் எங்கிருந்து கொண்டுவரப்பட்டது என்றும், இவர்கள் யாருக்கு எடுத்துச் சென்றார்கள் என்பது குறித்தும் போலீசார் விசாரணை மேற்கொண்டு வருகின்றனர்.

குறிப்பாக மலேசியன் நாணயங்களின் மதிப்புகள் எவ்வளவு என்பது தொடர்பாகவும் விசாரணை நடைபெற்று வருகிறது. மேலும் சுங்கத்துறை அதிகாரிகளுக்கு எழும்பூர் போலீசார் தகவல் தெரிவித்துள்ளனர். இந்த சம்பவம் குறித்து சுங்கத்துறை அதிகாரிகள் நேரில் விசாரணை செய்ய வரவுள்ளனர்.

மேலும் படிக்க | வேனில் கடத்த முயன்ற 5 டன் ரேஷன் அரிசியை அதிகாரிகள் பறிமுதல் செய்தனர்!

சென்னை பூக்கடையில் உள்ள கேசவ பெருமாள் கோவிலில், இன்று  சிறப்பு பூஜைகள் செய்யப்பட்டு, திருப்பதி திருக்குடை ஊர்வலம் தொடங்க இருக்கிறது. திருக்குடை ஊர்வலம், என்.எஸ்.சி.போஸ் சாலை, கோவிந்தப்ப நாயக்கன் தெரு சந்திப்பு, பைராகி மடம், வால்டாக்ஸ் சாலை வழியாக வந்து, மாலை 4 மணி  யானைக்கவுனி தாண்டுகிறது.

மேலும் படிக்க | புரட்டாசி முதல் நாள்...! திருப்பதியில் குவிந்த பக்தர்கள் கூட்டம்...!

யானைக்கவுனி காவல் நிலையம், பேசின் பிரிட்ஜ், யானைக்கவுனி பிரிட்ஜ் ரோடு வழியாக திருக்குடை ஊர்வலம் செல்கிறது. மாலை 6 மணிக்கு சூளை நெடுஞ்சாலை, அவதான பாப்பையா சாலை, ஸ்டேரன்ஸ் சாலை, ஓட்டேரி, பொடிக்கடை வழியாக சென்று இரவு அயனாவரம் காசி விஸ்வநாதர் கோவில் சென்றடைகிறது.

• 26-ந்தேதி காலை 6 மணி, கொன்னூர் நெடுஞ்சாலை, அயனாவரம், பெரம்பூர் அகரம் சந்திப்பு திரு.வி.க.நகர், வில்லிவாக்கம் சென்றடைகிறது.

• 27-ந்தேதி காலை 6 மணிக்கு திருக்குடை ஊர்வலம் புறப்பட்டு பாடி, முகப்பேர், அம்பத்தூர், அத்திப்பட்டு, திருமுல்லைவாயல் சென்றடைகிறது. 

• 28-ந்தேதி காலை 6 மணிக்கு, ஆவடி இந்துக்கல்லூரி, பட்டாபிராம், திருநின்றவூர், வேப்பம்பட்டு, திருவள்ளூர் வீரராகவப் பெருமாள் கோவில் வழியாக செல்கிறது. 

• 29-ந்தேதி திருப்பாச்சூர் கனகம்மாசத்திரம் வழியாக கீழ் திருப்பதி செல்கிறது. திருச்சானூர் பத்மாவதி தாயாருக்கு 2 திருக்குடைகள் சமர்ப்பிக்கப்படுகிறது. 

• 30-ந்தேதி திருக்குடைகள் திருமலை சென்றடையும். அதன்பின் திருமலை மாடவீதியில் திருக்குடைகள் வலம் வந்து வஸ்த்திரம் மற்றும் மங்கலப் பொருட்களுடன், திருப்பதி ஜீயர்கள் முன்னிலையில் திருமலை திருப்பதி தேவஸ்தான அதிகாரிகளிடம் திருப்பதி திருக்குடைகள் சமர்ப்பணம் செய்யப்படுகிறது.

அதைப்போல் பாதுகாப்பு பணியில்  வடக்கு மண்டல இணை ஆணையர் திருமதி ரம்யா பாரதி தலைமையில் ஏழு துணை ஆணையர், பதினாறு உதவியாளர், 52 ஆய்வாளர் உட்பட 2000 காவலர்கள் பாதுகாப்பு பணியில் ஈடுபட்டனர்.

மேலும் படிக்க | புரட்டாசி மாத மஹாலய அமாவாசை....! குவியும் பக்தர்கள் கூட்டம்..! எந்த கோவில்..?

காஞ்சிபுரம்: உத்திரமேரூர் அடுத்துள்ளது ஆணை பள்ளம் என்னும் கிராமம், பல்லவர்கள் காலகட்டத்தில் காஞ்சிபுரத்திலிருந்து உத்திரமேரூர் வரும்பொழுது இங்குள்ள குளத்தில் யானைகள் தண்ணீர் அருந்தி, ஓய்வு எடுப்பதால் இந்த ஊருக்கு ஆணை பள்ளம் என்று பெயர் வந்ததாக கூறப்படுகிறது. 

இந்த நிலையில் பல்லவர்கள் காலத்தில் இங்குள்ள ஆணை பல்லம் குளத்தின் கரையில் கன்னியம்மன் கோவில் ஒன்றை கட்டி வழிபட்டு வந்ததாக கூறப்படுகிறது. இந்த கோவிலில் ஆனை பள்ளம் கிராமத்தை சுற்றியுள்ள பத்திற்கும் மேற்பட்ட கிராம மக்கள் ஒன்று சேர்ந்து ஒவ்வொரு ஆண்டும் ஆடி மூன்றாவது வெள்ளி அன்று துவங்கி ஒரு வாரகாலம், பால்குடம், அன்னதானம், தீமிதி என திருவிழாக்கள் நடத்தி வந்ததாகவும் கூறப்படுகிறது. 

மேலும் படிக்க | தவறு செய்யக்கூடிய அதிகாரிகள் தப்பிக்க முடியாது - அண்ணாமலை எச்சரிக்கை 

கடந்த முன்னூறு ஆண்டு காலமாக தலைமுறை தலைமுறையாக 10க்கும் மேற்பட்ட கிராம மக்கள் வழிபாடு நடத்தி வரும் இந்த கோவிலை குளத்தை தூர் வருவதாக கூறி உத்திரமேரூர் பேரூராட்சியின் 1வது வார்டு கவுன்சிலர் அறிவழகன் என்பவர் இந்தக் கோவிலை இடிக்க ஏற்பாடுகள் செய்து வருவதாகக் கூறப்படுகிறது. 

இந்த கன்னியம்மன் கோவிலில் அன்னதான மண்டபம் ஒன்று இருந்ததாகவும் அது மழை காலத்தில் இடிந்து விட்டதாகவும். இந்த நிலையில் கிராம மக்கள் ஒன்று சேர்ந்து இந்த கோவில் அன்னதான மண்டபத்தை புனரமைப்பு பணி செய்வதற்கான ஏற்பாடுகளை மேற்கொண்டு வருகின்றனர். 

மேலும் படிக்க | இளம்பெண் மரணம்: ஆம் ஆத்மி கட்சியின் மகளிர் அணியினர் போராட்டம்! 

இந்த சூழலில் இந்த கோவிலையே இடிப்பதாக சொல்வதால் ஆத்திரமடைந்த பொதுமக்கள் எதிர்ப்பு தெரிவித்து போராட்டங்களை நடத்தி வருகின்றனர். தினமும் நூற்றுக்கும் மேற்பட்ட பொதுமக்கள் அந்த கோவிலை சுற்றி அமர்ந்து கோவிலைப் பாதுகாக்கும் பணியிலும் ஈடுபட்டு வருகின்றனர். 

மேலும் இந்தக் கோவிலை இடிப்பதற்கு முயற்சித்தால் பத்திற்கும் மேற்பட்ட கிராம மக்களை ஒன்று திரட்டி சாலை மறியல் உட்பட பல்வேறு போராட்டங்களையும் நடத்த திட்டமிட்டுள்ளனர். 

எனவே மாவட்ட நிர்வாகம் இதில் தலையிட்டு இந்த கோவிலை இடிப்பதை தடுப்பதற்கும், அன்னதான மண்டபம் கட்டுவதற்கு வழிவகை செய்யவும் வேண்டும் என்று அந்த கிராமத்து மக்கள் கோரிக்கை விடுத்துள்ளனர். 

மேலும் படிக்க | உழவர் சந்தையில் வியாபாரம் செய்யும் விவசாயிகள் திடீர் போராட்டம்! 

மணப்பாறை நடைபெற்ற மீன்பிடி திருவிழாவில் போட்டி போட்டு மீன்களை பிடித்துச் சென்ற பொதுமக்கள்.

மீன்பிடி திருவிழா

திருச்சி மாவட்டம், மணப்பாறையை அடுத்த கள்ளிப்பட்டியில் சுமார் 30 ஏக்கர் பரப்பளவில் கள்ளிகுளம் உள்ளது. அப்பகுதி மக்களின் பிரதான நீர் ஆதாரமாக விளங்கும் இக்குளத்தில் சுமார் 15 ஆண்டுகளுக்கு பின் இன்று காலை மீன்பிடித்திருவிழா நடைபெற்றது. கடந்த ஆண்டு பெய்த மழையின் போது குளத்தில் நீர் முழுவதுமாக நிறைந்திருந்த நிலையில் அதில் அதிக அளவில் மீன்களும் துள்ளி விளையாடின.

மக்கள் உற்சாகமாக பங்கேற்பு

இந்நிலையில் தற்போது நீரின் அளவு குறைந்து விட்டதால் கிராம மக்கள் சார்பில் மீன்களை பிடித்துக் கொள்ளும் மீன்பிடித் திருவிழா நடைபெற்றது. அதன்படி இன்று அதிகாலை ஊர் முக்கியஸ்தர்கள் விழாவை தொடங்கி வைக்க மக்கள் போட்டி போட்டுக் கொண்டு மீன்பிடி வலைகளுடன் குளத்தில் இறங்கி மீன் பிடிக்கத் துவங்கினர். 

மற்ற மாவட்டங்களைச் சேர்ந்தவர்கள் வருகை

கெண்டை, கெளுத்தி, கட்லா, ஜிலேபி என நாட்டுவகை மீன்கள் அனைவருக்கும் சிக்கியது. அனைவருக்கும் மீன்கள் சிக்கியதால் மீன்பிடி ஆர்வலர்கள் மிகவும் மகிழ்ச்சியடைந்தனர். இதில் சிலருக்கு சுமார் 2 கிலோவில் இருந்து 5 கிலோ எடையுள்ள பெரிய மீன்கள் அதிகளவில் சிக்கியது. மீன்பிடி திருவிழாவில் சுற்றுப்புற பகுதியைச் சேர்ந்தவர்கள் மட்டுமல்லாது கரூர், புதுக்கோட்டை மாவட்டங்களைச் சேர்ந்த  நூற்றுக்கணக்கானோர் ஆர்வமுடன் கலந்து கொண்டனர்.