மாலைமுரசு தொலைக்காட்சி செய்தி எதிரொலியாக காஞ்சிபுரம் மாவட்டம் உத்திமேரூரில் மேற்கூரை இடிந்து விழுந்த அரசு பள்ளியில் புதிய கட்டடம் கட்ட அடிக்கல் நாட்டப்பட்டுள்ளது.

காஞ்சிபுரம் மாவட்டம் உத்திரமேரூரில் செயல்பட்டு வரும் அரசு பெண்கள் மேல்நிலைப் பள்ளியின் கட்டிடங்கள் சுமார் 1972 ஆம் ஆண்டு அப்போதைய முதலமைச்சர் கலைஞரால் திறந்து வைக்கப்பட்டதாக கூறப்படுகிறது.

இந்தப் பள்ளியில் சுமாா் 1500 மாணவிகள் கல்வி பயின்று வருகின்றனர். ஒன்றாம் வகுப்பு முதல் பன்னிரெண்டாம் வகுப்பு வரை இங்கு செயல்பட்டு வருகிறது. இந்த நிலையில் இந்தப் பள்ளியின் மேற்கூறையானது அடிக்கடி இடிந்து விழுந்து வந்தது.

இதுகுறித்து மாலை முரசு தொலைக்காட்சியில் செய்தி ஒளிபரப்பானது. இதனை அடுத்து உத்திரமேரூர் சட்டமன்ற உறுப்பினர் சுந்தர் மாவட்ட ஆட்சித் தலைவர் உட்பட உயர் அதிகாரிகள் இந்தப் பள்ளியை பார்வையிட்டனர்.

இதனை அடுத்து இந்தப் பள்ளிக்கு 63.  54 லட்சம் மதிப்பீட்டில் மூன்று வகுப்பறைகள் கட்டுவதற்கான நடவடிக்கைகள் மேற்கொள்ளப்பட்டு, பள்ளியில் வேதமடைந்து இருந்த ஒரு பள்ளி கட்டிடம் இடிக்கப்பட்டு அதில் புதிய பள்ளி கட்டிடம் கட்டுவதற்கான அடிக்கல் நாட்டு விழா இன்று நடைபெற்றது.

உத்திரமேரூர் சட்டமன்ற உறுப்பினர் சுந்தர் அடிக்கல் நாட்டி கட்டுமான பணியை துவக்கி வைத்தார். மேலும் பள்ளி ஆசிரியர்கள் மற்றும் மாணவிகளுக்கு இனிப்புகள் வழங்கினார்.

இதில் அரசு அதிகாரிகள், உள்ளாட்சிப் பிரதிநிதிகள், ஆசிரியர்கள், மாணவிகள் என ஏராளமானோர் கலந்து கொண்டனர். அதனைத் தொடர்ந்து அங்கு செயல்படுத்தப்பட்டு வரும் காலை உணவு திட்டத்தையும் பார்வையிட்டார்.

இதையும் படிக்க   | "வருகிற நாடாளுமன்ற தேர்தலில் திமுகவுக்கு தக்க பதிலடி கொடுக்க வேண்டும்" - அமமுக பொதுக்கூட்டத்தில் விவாதம்

அக்டோபர் 2-ஆம் தேதி 'காந்தி ஜெயந்தி' அன்று அனைத்து ஊராட்சிகளிலும் கிராம சபைக் கூட்டங்கள் நடத்தப்பட வேண்டும் என தமிழ்நாடு அரசு அறிவுறுத்தி உள்ளது. 

காந்தி ஜெயந்தியன்று அனைத்து கிராம ஊராட்சிகளிலும் கிராம சபைக் கூட்டம் நடத்தப்பட வேண்டும் என்றும், கிராம சபைக் கூட்டத்தினை ஊராட்சியின் எல்லைக்குட்பட்ட வார்டுகளில் சுழற்சி முறையை பின்பற்றி காந்தி ஜெயந்தியன்று காலை 11மணியளவில் நடத்த வேண்டும் எனவும் தெரிவிக்கப்பட்டுள்ளது.

அனைத்து கிராம மக்களும் ஆர்வத்துடன் எதிர்வரும் கிராம சபைக் கூட்டத்தில் கலந்துக் கொள்ள ஏதுவாக கிராம சபைக் கூட்டத்தினை நடத்த வேண்டும் என்றும் அறிவுறுத்தப்பட்டுள்ளதோடு, கிராம சபைக் கூட்டம் நடைபெறவுள்ள இடம், நேரம் ஆகியவற்றை கிராம மக்களுக்கு தெரியப்படுத்த வேண்டும் என்றும், கிராம சபைக் கூட்டங்கள் மதச்சார்புள்ள எந்தவொரு வளாகத்திலும் நடந்திடக் கூடாது எனவும் குறிப்பிடப்பட்டுள்ளது.

மேலும், கிராம சபை கூட்டத்தில் வடகிழக்கு பருவமழை முன்னேற்பாடுகள், டெங்கு காய்ச்சல் கட்டுப்படுத்தும் நடவடிக்கைகள், மழைநீர் சேகரிப்பு, அண்ணா மறுமலர்ச்சி திட்டம்,  தூய்மை பாரத இயக்கம், பிரதம மந்திரி ஊரக குடியிருப்பு திட்டம் உள்ளிட்ட பல்வேறு அம்சங்கள் குறித்து கிராம சபை கூட்டத்தில் ஆலோசித்து நடவடிக்கை எடுக்க வேண்டும் எனவும் தமிழ்நாடு அரசின் சார்பில் தெரிவிக்கப்பட்டுள்ளது. 

இதையும் படிக்க   | "அதிமுகவுடன் விசிக கூட்டணி சேருவதாக சிலர் ஜோசியம் சொல்கின்றனர்" வன்னி அரசு விமர்சனம்!!

வருகிற நாடாளுமன்ற தேர்தலில் திமுகவுக்கு தக்க பதிலடி கொடுக்க வேண்டும் என அமமுக பொதுக்கூட்டத்தில் பேசிய தஞ்சை வடக்கு மாவட்ட கழக  துணைப்பொதுச்செயலாளர் ரெங்கசாமி   கூறியுள்ளார்.

புதுக்கோட்டை மாவட்டம் கந்தர்வக்கோட்டை பேருந்து நிலையத்தில் பேரறிஞர் அண்ணாவின் 115-வது பிறந்தநாள் விழாவை முன்னிட்டு அம்மா மக்கள் முன்னேற்றக் கழக ஒருங்கிணைந்த புதுக்கோட்டை மாவட்ட கழகம் சார்பில் மாபெரும் பொதுக்கூட்டம் நடைபெற்றது.

இந்த கூட்டம்,  புதுக்கோட்டை வடக்கு மாவட்ட கழக செயலாளர் ஓ.கார்த்திக் பிரபாகரன் புதுக்கோட்டை மத்திய மாவட்ட கழக செயலாளர் வீரமணி ஆகியோர் தலைமையில் நடைபெற்றது. இதில் தஞ்சை வடக்கு மாவட்ட கழக துணைப்பொதுச் செயலாளர் ரெங்கசாமி சிறப்புறையாற்றினார். 

இந்த சிறப்புரையில் திமுக கூட்டணி கட்சியான காங்கிரஸ் கர்நாடகாவில் ஆட்சி அமைந்துள்ளதாகவும் திமுகவினர் கர்நாடக அரசிடம் பேசி தமிழகத்திற்கு தண்ணீர் திறந்து விட வழிவகை செய்யுமா?  இல்லை வருகின்ற நாடாளுமன்ற தேர்தலில் ஓட்டு கேட்கும் பொழுது கர்நாடகத்தில் இருந்து குடிநீர் கொண்டுவர வழிவகை செய்யுமா? என்று குற்றச்சாட்டை முன்வைத்தார்.   

தொடர்ந்து, திமுக அரசு கொடுத்த 500 வாக்குறுதிகளை அறிவித்து அதில் இரண்டு வாக்குறுதிகளை மட்டுமே நிறைவேற்றி மக்களை ஏமாற்றி வருவதாகவும், திமுக ஆட்சிக்கு வந்தவுடன் முதலில் நீட் தேர்வை ரத்து செய்வதாக கூறி வாக்குறுதி அளித்தனர் ஆனால் இன்றுவரை நடவடிக்கை எடுக்காமல் மக்களை ஏமாற்றி வருவதாகவும், அணைத்து பெண்களுக்கும் மாதம் தோறும் ஆயிரம் ரூபாய் பணம் வழங்கப்படும் என்று முதல்வர் ஸ்டாலின் அறிவித்ததுவிட்டு ஒரு சில பெண்களுக்கு மட்டுமே வழங்கி அதற்கு ஆயிரம் காரணம் கூறி மக்களை ஏமாற்றி வருவதாகவும் குற்றம் சாட்டினார். 

மேலும் வருகின்ற நாடாளுமன்ற தேர்தலில் திமுகவிற்கு தக்க பதிலடி கொடுக்க வேண்டும் கூறினார். இந்நிகழ்ச்சியில் புதுக்கோட்டை வடக்கு மேற்கு மாவட்ட ஒன்றிய நகர பேரூர் ஊராட்சி கிளைகழக நிர்வாகிகள் சார்பு அணி நிர்வாகிகள் மற்றும் பொதுமக்கள் என 500கும் மேற்பட்டோர் பங்கேற்றனர்.

இதையும் படிக்க   | "உச்சநீதிமன்ற தீர்ப்பே இறுதி தீர்ப்பு" அமைச்சர் துரைமுருகன்!!

மக்களவை தேர்தலிலும் திமுக உடனான கூட்டணி தொடரும் என விசிக துணைப் பொதுச் செயலாளர் வன்னி அரசு உறுதியளித்துள்ளார். 

பாஜக தலைமையிலான தேசிய ஜனநாயக கூட்டணியில் இருந்து விலகுவதாக அதிமுக பொதுச் செயலாளர் எடப்பாடி பழனிசாமி தலைமையில், நேற்று நடைபெற்ற மாவட்ட செயலாளர்கள் கூட்டத்தில் அதிரடி முடிவு எடுக்கப்பட்டுள்ளது. 

இதையடுத்து, அதிமுக பாஜவை விட்டு விலகியதாயால், விசிக அதிமுகவுடன் கூட்டணியில் சேரும் என சமூக வலைத்தளங்களில் செய்திகள் பரவத் தொடங்கின.

இந்நிலையில், மக்களவை தேர்தலிலும் திமுக உடனான கூட்டணி தொடரும் என விசிக துணைப் பொதுச் செயலாளர் வன்னி அரசு உறுதியளித்துள்ளார். 

இதுகுறித்து தனது எக்ஸ் தளத்தில் பதிவிட்டுள்ள அவர், திமுக தலைமையிலான கூட்டணி பாஜகவையும், சனாதனத்தையும் வலுவாக எதிர்க்கும் கூட்டணி என குறிப்பிட்டுள்ளார்.  அதிமுக கூட்டணியில் விசிக சேரப்போவதாக பரவிய தகவலில் உண்மையில்லை எனவும் தெரிவித்துள்ளார். 

மேலும், அதிமுக கூட்டணிக்கு விசிக வருவதாக சிலர் ஜோசியம் சொல்ல ஆரம்பித்துவிட்டதாகவும் வன்னி அரசு விமர்சித்துள்ளார்.

இதையும் படிக்க || இபிஎஸ்-ஐ கொடநாடு வழக்கில் தொடர்புபடுத்தி பேச தனபாலுக்கு இடைக்காலத் தடை!!

இந்தியாவில் விற்பனை செய்யப்பட்ட மின்சார வாகனங்களில் 40% தமிழ்நாட்டில் உற்பத்தி செய்யப்பட்டதாக தொழில்துறை அமைச்சர் டி.ஆர்.பி.ராஜா தெரிவித்துள்ளார்.

தொழில்துறை அமைச்சர் டி.ஆர்.பி.ராஜா செய்தியாளர் சந்தித்த பொழுது, " இந்தியாவில் உற்பத்தியாகும் மின்சார வாகனங்களில் 40% தமிழ்நாட்டில் இருந்து உற்பத்தி ஆகிறது.  இந்தியாவில் விற்பனை செய்யப்பட்ட மின்சார வாகனங்களில் சுமார் 4 லட்சத்து 10 ஆயிரம் மின்சார வாகனங்கள் தமிழ்நாட்டில் உற்பத்தி செய்யப்பட்டது. கடந்த ஓராண்டில் 10,44,600 மின்சார வாகனங்கள் இந்தியா முழுவதும் உற்பத்தி செய்யப்பட்டுள்ளது" எனத் தெரிவித்துள்ளார்.

மேலும், "சென்னை, கோவை, திருச்சி, நெல்லை, மதுரை, சேலம், ஆகிய 6 நகரங்களில் மின்சார வாகன மையங்களாக அடையாளம் காணப்பட்டுள்ளது. மின்சார வாகன உற்பத்தியை அதிகரிக்க கடந்த இரண்டு ஆண்டுகளில் மேற்கண்ட முயற்சி பண்ணலாக உற்பத்தி தற்போது அதிகரித்திருக்கிறது" என கூறியுள்ளார்.

மேலும், நவம்பர் 21 ஆம் தேதி சர்வதேச மின்சார வாகன மாநாடு நடத்தப்படும் எனவும் அறிவித்துள்ளார்.

இதையும் படிக்க || "உச்சநீதிமன்ற தீர்ப்பே இறுதி தீர்ப்பு" அமைச்சர் துரைமுருகன்!!