மத்திய அரசு ஊழியர்களுக்கு 4% விழுக்காடு அகவிலைப்படி உயர்வை பின்பற்றி தமிழ்நாடு அரசு ஊழியர்களுக்கும் அகவிலைப்படி உயர்வை அறிவிக்க  வேண்டும் என கோரிக்கை வைத்துள்ளனர்.

ஒன்றிய அரசு ஊழியர்களுக்கு 4% விழுக்காடு  அகவிலைப்படி உயர்வை ஜனவரி மாதம் 1ம் தேதி முதல் முன்தேதியிட்டு 38% விழுக்காட்டில் இருந்து 42% விழுக்காடாக  வழங்க ஒப்புதல் அளித்துள்ளதை தமிழ்நாடு அரசு ஊழியர்கள் மற்றும் ஆசிரியர்கள் நல கூட்டமைப்பு சார்பில் வரவேற்கிறோம் எனக் கூறியதோடு மத்திய அரசை பின்பற்றி  தமிழ்நாடு அரசும் அதே ஜனவரி 1ம் தேதி முதல் முன்தேதியிட்டு வழங்க வேண்டும் என கோரிக்கை வைத்துள்ளனர்.

ஏற்கனவே மூன்று முறை 6 மாதங்கள் காலம் தாழ்த்தி வழங்கப்பட்டதை போன்று வழங்காமல் ஜனவரி மாதம் முன் தேதியிட்டு  வழங்க வேண்டும் எனவும் தமிழ்நாடு அரசு ஊழியர்கள் மற்றும் ஆசிரியர்கள் கூட்டமைப்பு கோரிக்கை விடுத்துள்ளனர்.

இதையும் படிக்க:   தலைக்கவசம் அணிந்திருந்தும் மண்டை உடைந்து உயிரிழப்பு...!

தமிழ்நாட்டில் பல்வேறு பகுதிகளில் பெய்த இதமான மழையால் பொது மக்கள் மற்றும் விவசாயிகள் பெரும் மகிழ்ச்சியடைந்துள்ளனா். 

தமிழ்நாட்டில் கோடை வெயில் துவங்கி உள்ள நிலையில் பொதுமக்கள் மிகுந்த சிரமத்திற்கு உள்ளாகி வருகின்றனர்.  இந்நிலையில், விருதுநகர் மாவட்டம்  ஸ்ரீவில்லிபுத்தூர் மற்றும் அதன் சுற்றுவட்டார பகுதிகளில் இடி மின்னலுடன்  சுமார் ஒரு மணி நேரத்திற்கும் மேலாக கனமழை பெய்தது.  இதனால் வெப்பம் தணிந்து குளிர்ச்சியான சூழல் நிலவுவதால் பொதுமக்கள் மிகுந்த மகிழ்ச்சி அடைந்தனா். 

இதே போன்று திருப்பூர் மாவட்டத்தில் வெயில் காரணமாக பகல் நேரங்களில் மக்கள் வீட்டில் இருந்து வெளியே செல்ல முடியாமல் மிகவும் அவதி அடைந்து வந்தனர்.  இந்நிலையில், திருப்பூர் மாநகர்  பகுதிகளை சுற்றியுள்ள அனுப்பர்பாளையம், காந்தி நகர் உள்ளிட்ட பகுதிகளில் பலத்த காற்றுடன் கூடிய கனமழை பெய்தது.  இதனால் சாலைகளில் தண்ணீர் நீர் வெள்ளம் போல் பெருக்கெடுத்து ஓடியது.

கிருஷ்ணகிரி மாவட்டம் போச்சம்பள்ளி அதன் சுற்று வட்டாரப் பகுதிகளில் வானம் மேகமூட்டத்துடன் காணப்பட்ட நிலையில் திடீரென மழை பெய்தது.  இதனால் சாலைகளில் மழை நீர் பெருக்கெடுத்து ஓடியதால் வாகன ஓட்டிகள் பெரும் அவதிக்குள்ளாகினர். இந்த மழையால் அப்பகுதி மக்கள் மற்றும் விவசாயிகள் மிகுந்த மகிழ்ச்சி அடைந்துள்ளனர். 

தென்காசி மாவட்டம் சங்கரன்கோவில் பருவநிலை மாற்றம் காரணமாக திடீரென இடியுடன் கூடிய கனமழை பெய்தது. இதனால் சங்கரன்கோவில் மற்றும் அதன் சுற்றுவட்டார பகுதிகளான இருமன் குளம் வடக்கு புதூர் உள்ளிட்ட பகுதிகளில் ஒரு மணி நேரத்திற்கு மேலாக கனமழை பெய்தது.  இந்த திடீர் மழையால் கோடை வெப்பம் தணிந்த  விவசாயிகளும் பொதுமக்களும் மகிழ்ச்சி அடைந்தனர்.

இதையும் படிக்க:   ராகுல் காந்தி சிறை தண்டனை.... தமிழ்நாடு முழுவதும் கண்டன ஆர்ப்பாட்டம்!!

ராகுல் காந்திக்கு இரண்டு வருடம் சிறை தண்டனை விதிக்கப்பட்டதை கண்டித்து தமிழ்நாட்டின் பல்வேறு பகுதிகளில் காங்கிரஸ் கட்சியினர் ஏராளமானோர் போராட்டத்தில் ஈடுபட்டதால் பரபரப்பு ஏற்பட்டுள்ளது.

கமலாலயத்தில்:

சென்னை, தியாகராய நகரில் உள்ள பாஜக அலுவலகமான கமலாலயத்தில் காங்கிரஸ் கட்சியினர் ராகுல் காந்திக்கு இரண்டு வருடம் சிறை தண்டனை வழங்கி அளிக்கப்பட்ட தீர்ப்பை கண்டித்து முற்றுகை போராட்டம் நடத்தினர்.  அப்போது பாஜக அரசுக்கும், பிரதமர் மோடிக்கும் எதிராக கோஷங்களை எழுப்பினர்.  இதனையடுத்து அங்கு விரைந்த போலீசார், போராட்டத்தில் ஈடுபட்ட காங்கிரஸ்  கட்சியினரை கைது செய்தனர்.

திருவள்ளூரில்:

இதேப்போன்று திருவள்ளூர் மாவட்டம் ஆவடியில்,  மாநில இளைஞர் காங்கிரஸ் துணை தலைவர் நரேந்திர தேவ், காங்கிரஸ் நகர செயலாளர் அமித் பாபு தலைமையில், சென்னையில் இருந்து அரக்கோணம் செல்லும்  ரயிலை மறித்து ஆர்ப்பாட்டத்தில் ஈடுபட்டனர். இதனைதொடர்ந்து அங்கு விரைந்த போலீசார் அனைவரையும் அப்புறப்படுத்தினர்,.

தாம்பரத்தில்:

இதேப்போல்,  தாம்பரம் பேருந்து நிலையம் ஜிஎஸ்டி சாலையில், நாங்கேரி சட்டமன்ற உறுப்பினரும், மாவட்ட தலைவர் செந்தில் தலைமையிலும் கண்டன ஆர்ப்பாட்டம் நடந்தது.  அப்போது சாலை மறியலில் ஈடுப்பட்ட நபர்களை குண்டு கட்டாக போலீசார் தூக்கிச் சென்றனர்.  இதனால் சிறிது நேரம் போக்குவரத்து பாதிக்கப்பட்டது.

கடலூரில்:

இதனைதொடர்ந்து கடலூர் மாவட்டம் சிதம்பரத்தில் காங்கிரஸ் கட்சியினர் திடீர் உண்ணாவிரதப் போராட்டத்தில் ஈடுபட்டனர்.  அப்போது பாஜக அரசுக்கு எதிரான பதாகைகளை ஏந்தி, கையில் மெழுகுவர்த்தியுடன் காந்தி சிலையின் அடியில் அமர்ந்து பாஜக அரசை கண்டித்து முழக்கங்களை எழுப்பினர். இதன் காரணமாக அப்பகுதியில் பரபரப்பு ஏற்பட்டது.  மேலும், போராட்டத்தில் ஈடுபட்டவர்களையும் போலீசார் கைது செய்தனர்.

இதையும் படிக்க:    “தமிழ் புத்தாண்டு அன்று தமிழ்நாட்டில் அரசியல் புரட்சி இருக்கும்....” அண்ணாமலை கூற காரணம் என்ன?!!

தமிழ் புத்தாண்டான ஏப்ரல் 14.ம் தேதி திமுக-வின் 27 முக்கிய புள்ளிகளின் 2 லட்சத்தி 24 ஆயிரம் கோடி மதிப்பிலான சொத்து பட்டியல் வெளியிடப்படும் என்றும் அன்று தமிழகத்தில் அரசியல் புரட்சி ஏற்படும் என்றும்  பாஜக மாநில தலைவர் அண்ணாமலை பரபரப்பு  தகவலை வெளியிட்டுள்ளார்.

அய்யன் திருவள்ளுவர்:

தென்காசி வாய்க்கால் பாலம் அருகே பாஜக சார்பில் பொதுக் கூட்டம் நடந்தது.  இந்த  கூட்டத்தில் பங்கேற்று பேசிய பாஜக மாநிலத் தலைவர் அண்ணாமலை, தி.மு.க, பொய்களை சொல்லியே  அரசியல் நடத்தி வருவதாக விமர்சித்தார்.  தாய் மொழியை கற்க வேண்டும் என்று கூறும் தி.மு.க, பட்ஜெட் கூட்டத் தொடரில் நிதியமைச்சர் பேசிய தமிழை கண்டுபிடிக்க அய்யன் திருவள்ளுவரை தான் அழைக்க வேண்டும் என பேசியுள்ளார்.

ஏமாற்று வேலை:

செப்டம்பர் மாதம் முதல் குடும்ப தலைவிகளுக்கு 1000 ரூபாய் வழங்கப்படும் என்று அறிவித்திருப்பது ஏமாற்று வேலை என்று அண்ணாமலை குற்றம்சாட்டினார்.  தமிழகத்தில் சாராயம் விற்பதின் மூலம்  கிடைக்கும் வருவாயில் இருந்து 2 ஆயிரம் கோடி ரூபாய் மத்திய அரசுக்கு கடனாக கொடுத்தால்  மதுரையில் எய்ம்ஸ் மருத்துவமனையை கட்டி விடலாம் என்று தெரிவித்தார். 

அரசியல் புரட்சி:

மேலும் வரும் ஏப்ரல் 14-ம் தேதி தமிழ் புத்தாண்டு அன்று திமுகவில் உள்ள 27 முக்கிய நபர்களின் சொத்து மதிப்பு  வெளியிடப்படுகிறது எனவும்  அதன் பிறகு தமிழ்நாட்டில் அரசியல் புரட்சி இருக்கும் என்றும் அண்ணாமலை திட்டவட்டமாக கூறினார்.

பங்கேற்றோர்:

இந்தக் கூட்டத்தில் மாநிலத் துணைத் தலைவர் நயினார் நாகேந்திரன், மகளிரணி நிர்வாகி சசிகலாபுஷ்பா உள்ளிட்ட மாநில, மாவட்ட, நிர்வாகிகள் தொண்டர்கள் பலர் கலந்து கொண்டனர்.

இதையும் படிக்க:  “கோவையின் மீது அக்கறை கொண்டு.....” அமைச்சர் செந்தில் பாலாஜி!!

லண்டன் சென்று  இந்தியா குறித்து அவதூறு பரப்பி வரும் ராகுல்காந்தியை தேசிய பாதுகாப்பு சட்டத்தில் கைது செய்ய வேண்டும் : தூத்துக்குடியில் இந்து மக்கள் கட்சி தலைவர் அர்ஜூன் சம்பத் பேட்டி.

அர்ஜூன் சம்பத்

தூத்துக்குடி முத்தம்மாள் காலனி இந்துமக்கள்கட்சி அலுவலகத்தில் இந்துமக்கள்கட்சி மாவட்ட நிர்வாகிகள் சந்திப்பு நிகழ்ச்சி இன்று நடைபெற்றது. இதில் கலந்து கொண்ட அக்கட்சியின் தலைவர் அர்ஜூன் சம்பத் பின்னர் செய்தியாளர்களை சந்தித்தார். அப்போது அவர் கூறுகையில், இலங்கையில் காருண்யா பால் தினகரன் அவர்கள் குடும்பத்தோடு கைது செய்யப்பட்டிருக்கிறார். மூடவர் பார்க்கிறார் செவிடர் கேட்கிறார் என்று மக்களை ஏமாற்றி மோசடி மதமாற்றத்தில் ஈடுபட்டு வந்த பால் தினகரன் யாழ்ப்பாணத்திலே ஒரு நிகழ்ச்சி நடத்துவதற்காக அங்கே சென்று இருக்கிறார்.

இலங்கை அரசாங்கம் கைது

அங்கே இருக்கக்கூடிய தமிழ் மக்கள் ஒன்று கூடி மோசடி மதமாற்றத்தை இலங்கையிலே அனுமதிக்க மாட்டோம் என்று எதிர்ப்புத் தெரிவித்தார்கள் இலங்கை அரசாங்கம் அவரை விமான நிலையத்திலேயே கைது செய்து அவருடைய பாஸ்போர்ட்டை பறிமுதல் செய்து அங்கிருந்து கொழும்புக்கு கொண்டு சென்று கொழும்பில் இருந்து அவர்களை இந்தியாவுக்கு திருப்பி அனுப்புயிருக்கிறார்கள். இந்திய அரசாங்கம், தமிழக அரசாங்கம் இங்கே தமிழ்நாட்டிலேயே இந்தியா முழுக்க இந்த மோசடி மதமாற்ற செயல்களுக்கு எதிராக எப்படி இலங்கை அரசு நடவடிக்கை எடுத்ததோ அதேபோல நடவடிக்கை தமிழகத்திலும் அவர் மீது எடுக்க வேண்டும் பால் தினகரனுடைய சொத்துக்களை எல்லாம் அரசுடமையாக்க வேண்டும் என்கிற கோரிக்கையை முன் வைக்கின்றோம் என்றார்.

பொய் பிரச்சாரம்

தொடர்ந்து ஆர்எஸ்எஸ் குறித்து அவதூறு பரப்பி வந்தார் காங்கிரஸ் கட்சியினுடைய தலைவர் ராகுல் ஆகவே அவர் மீது வழக்குத் தொடுக்கப்பட்டது அந்த வழக்கில் நீதிமன்றத்தில் சென்று மன்னிப்பு எழுதிக் கொடுத்து காந்தியைக் கொன்றது ஆர்எஸ்எஸ் என்று அவர் பிரச்சாரம் செய்து வந்தார் கம்யூனிஸ்டுகளின் தூண்டுதலால் ஆனால் அந்தப் பிரச்சாரம் பொய் பிரச்சாரம் என்பதை நீதிமன்றத்தில் அவர் ஒத்துக் கொண்டு மன்னிப்பு கேட்டார். தொடர்ந்து மோடிக்கு எதிராக அவதூறு கருத்துக்களை பரப்பி வந்தார் சூரத் நீதிமன்றம் அவருக்கு 2 ஆண்டு தண்டனை விதித்திருக்கிறது. அவதூறு பரப்பி கொண்டிருக்கின்ற கிடைத்திருக்கின்ற தண்டனை எங்களுக்கு நீதிமன்றத்தின் மீதான நம்பிக்கை அதிகரித்து இருக்கிறது. ராகுல் அவர்களை தேசிய பாதுகாப்பு சட்டத்தில் கைது செய்ய வேண்டும் லண்டனில் சென்று இந்தியாவிற்கு எதிராக மிக மோசமாக இந்தியா குறித்து அவதூறு பரப்பி கொண்டிருக்கிறார். எனவே அவரை தேசிய பாதுகாப்புச் சட்டத்தில் கைது செய்ய வேண்டும் என்கிற கோரிக்கையை இந்நேரத்தில் முன்வைக்கின்றோம்.

மேலும் படிக்க |அதிமுக பொதுக்குழு தேர்தல் வழக்கு: ஓ.பி.எஸ் தரப்பு எழுத்துப்பூர்வ வாதங்கள் தாக்கல் 

முதலில் அவருக்கு தமிழ் படிக்கச் சொல்லிக் கொடுக்க வேண்டும்

தமிழகத்திலே பட்ஜெட் தாக்கல் செய்திருக்கிறார்கள் இந்த பட்ஜெட்டில் லாபம் வருமானம் வரக்கூடிய விஷயங்கள் எல்லாமே தனியாருக்கு அதாவது திமுக குடும்பத்தினர் நடத்துகின்ற அவர்களுக்கு அந்த வரவினங்கள் எல்லாமே நஷ்டத்தில் இயங்குவது எல்லாமே அரசாங்கத்திற்கு அப்படி கணக்கு போட்டுத்தான் நிதியமைச்சர் பட்ஜெட் தாக்கல் செய்துள்ளார். முதலில் அவருக்கு தமிழ் படிக்கச் சொல்லிக் கொடுக்க வேண்டும் என்றார். இந்த பட்ஜெட் பயனற்ற பட்ஜெட் எனவே இந்த பட்ஜெட் டில் வெற்று அறிவிப்புகள் தான் இருக்கிறது இந்த பயனற்ற பட்ஜெட் அந்த கருத்துக்களை அவர்கள் மாற்றியமைத்து உண்மையிலேயே மக்களுக்கு நன்மை செய்யக்கூடிய வகையிலே நம்முடைய தமிழகத்தினுடைய இப்பவும் ஒவ்வொரு குடும்பத்துக்கும் சுமார் ஒன்றரை லட்சம் ரூபாய் கடனை தனிநபருக்கு ஏற்படுத்தியிருக்கிறார்கள். இவர்கள் தேர்தல் வாக்குறுதியில் சொன்னது ஒன்று ஆனால் நடந்து கொள்வது வேறுவிதமாக இருக்கிறது எனவே இந்த பட்ஜெட்க்கு எங்களுடைய கடுமையான எதிர்ப்பைத் தெரிவித்து கொள்கிறோம்.

மேலும் படிக்க | விருது வழங்கும் விழாவில் டீ வாங்க சென்ற மாணவர்கள்

ஆன்லைன் ரம்மி தடை செய்யப்படவேண்டிய விளையாட்டு ஆனால் தொடர்ந்து தமிழக அரசாங்கம் இந்த விஷயத்தில் நாடகம் போடுகிறது. கவர்னர் மீது தமிழக அரசு பலி போடுகின்றனர். ஆன்லைன் ரம்மி விவகாரத்தில் திமுக அரசு இடைக்கால சட்டம் மூலம் யார் மீதும் இதுவரை நடவடிக்கை எடுக்கவில்லை என்றார். தமிழக அரசுக்கே ஆன்லைன் ரம்மி தடை சட்டம் மீது நம்பிக்கை இல்லை என தூத்துக்குடியில் இந்து மக்கள் கட்சி தலைவர் அர்ஜூன் சம்பத் தெரிவித்தார்