ஈரோட்டில் தனியார் ( பஜாஜ் ) இருசக்கர வாகன ஷோரூமில் புதிதாக வாங்கிய ( பல்சர்)  இருசக்கர வாகனத்தில் பழுது ஏற்பட்டதால், வேறொரு புதிய வாகனத்தை மாற்றித் தருமாறு கேட்டு இளைஞர் ஷோரூம் முன் அமர்ந்து தர்ணா போராட்டத்தில் ஈடுபட்டதால் பரபரப்பு ஏற்பட்டது. 

ஈரோடு மாவட்டம், அரச்சலூர் பகுதியைச் சேர்ந்தவர் கௌரிசங்கர் ( 28) , தனியார் வங்கியில் மார்க்கெட்டிங் பிரிவில் பணிபுரிந்து வருகிறார். இவர் கடந்த விநாயகர் சதுர்த்தி என்று புதிதாக இருசக்கர வாகனத்தை வாங்கியுள்ளார், வாங்கியதில் இருந்து தொடர்ந்து இருசக்கர வாகனத்தின் இன்ஜினில் இருந்து ஆயில் கசிந்துள்ளது. 

இதுகுறித்து அருகில் இருந்த இருசக்கர வாகன பழுது பார்க்கும் இடத்தில் விட்டு பார்த்தபோது ஏற்கனவே இருசக்கர வாகனத்தில் எஞ்சின் பகுதியில் பிரித்து வேலை செய்துள்ளது தெரியவந்தது. 

இதனால் அதிர்ச்சி அடைந்த இளைஞர் இதுகுறித்து இன்று ஈரோடு - சத்தியமங்கலம் செல்லும் சாலையில் உள்ள இருசக்கர வாகன ஷோரூமில் சென்று வாகனத்தை ஒப்படைத்து வேறு வாகனத்தை தருமாறும் அல்லது கட்டிய பணத்தை திருப்பித் தருமாறு கேட்டுள்ளார். 

ஆனால், அந்நிறுவனம் பழுதான இன்ஜினை சரி செய்து தருவதாகவும், பணத்தை திருப்பித் தருவது அல்லது வேறு இருசக்கர வாகனத்தை தர முடியாது என கூறியுள்ளனர்.   இதனால் அதிர்ச்சி அடைந்த வாலிபர் ஷோரூம் முன்பு இருசக்கர வாகனத்தை நிறுத்தி தர்ணா போராட்டத்தில் ஈடுபட்டார். 

போராட்டத்தில் ஈடுபட்டதையடுத்து ஷோரூம் நிறுவனத்தினர், பணியாளர்களைக் கொண்டு ஷோரூமை அவசர அவசரமாக பூட்டிவிட்டு சென்றுவிட்டனர். மேலும் இதுகுறித்து நுகர்வோர் நீதிமன்றத்தில் புகார் அளிப்பதாக தெரிவித்துள்ளனர். 

இதையும் படிக்க: கூட்டணி குளறுபடி: "அண்ணாமலையின் மறைமுக மிரட்டலுக்கு அதிமுக அஞ்சாது"-ஜெயக்குமார்!!

சூரியனை ஆய்வு செய்யும் ஆதித்யா எல் 1 விண்கலம், அறிவியல் தரவுகளை சேகரிக்கத் தொடங்கியுள்ளதாக இஸ்ரோ அறிவித்துள்ளது.

பூமியில் இருந்து 15 லட்சம் கிலோ மீட்டர் தூரம் பயணித்து நிலைநிறுத்தப்படும் ஆதித்யா, நாளை புவி வட்டப்பாதையில் இருந்து வெளியே செல்கிறது.

இந்நிலையில் ஸ்டெப்ஸ் என்ற கருவியில் பொருத்தப்பட்டுள்ள 6 சென்சார்களின் மூலம் அறிவியல் தரவுகளை சேகரிக்கும் பணி தொடங்கப்பட்டுள்ளது. STEPS கருவியின் சென்சார்கள் பூமியில் இருந்து 50 ஆயிரம் கிலோமீட்டர் தூரத்தில் உள்ள துகல்களை ஆய்வு செய்ய இத்தரவுகள் உதவும் என கூறப்பட்டுள்ளது.

Aditya-L1 Mission:
Aditya-L1 has commenced collecting scientific data.

The sensors of the STEPS instrument have begun measuring supra-thermal and energetic ions and electrons at distances greater than 50,000 km from Earth.

This data helps scientists analyze the behaviour of… pic.twitter.  com/kkLXFoy3Ri

— ISRO (@isro) September 18, 2023

அதிவெப்ப, ஆற்றல்மிகு அனுக்கள் - எலக்ட்ரான்களை அளவீடு செய்து தரவுகள் பெறப்பட்டுள்ளது குறிப்பிடத்தக்கது. அலகுகளில் ஒன்றால் சேகரிக்கப்பட்ட ஆற்றல் துகள் சூழலில் உள்ள மாறுபாடுகளை படம் காட்டுகிறது.  என இஸ்ரோ நிறுவனம் சார்பாக தெரிவிக்கப்பட்டிருக்கிறது.

இதையும் படிக்க   | "சிறப்பு கூட்டத்தொடரில் வரலாற்று முக்கியத்துவம் வாய்ந்த முடிவுகள் எடுக்கப்படவுள்ளது" பிரதமர் மோடி!!

இந்திய சாலைகளுக்கென பிரத்யேகமாக உருவாக்கப்பட்டுள்ள புதிய ஜீப் காம்பஸ் 4x2 எஸ்யுவியை, சந்தையில் அறிமுகபடுத்தியுள்ளது ஜீப் நிறுவனம்.

அமெரிக்க கார் உற்பத்தி நிறுவனமான ஜீப், இந்தியாவில் பெரியளவில் ரசிகர்களை தன் வசம் வைத்துள்ளது. 

அந்த காலத்து ஆண்கள் முதல் இந்த காலத்து இளைஞர்கள் வரை பெரும்பாலும் ஜீப் காரையே விரும்புகின்றனர். தற்போதைய காலகட்டத்தில் பல நிறுவனங்களும் அவர்களது எஸ்யுவி ரக கார்களை, சந்தையில் களம் இறங்கினாலும், ஜீப் தனி இடத்தை பிடித்துள்ளது.

அந்த வகையில், ஜீப் நிறுவனம் தனது படைப்புகளான ஜீப் காம்பஸ், ஜீப் வ்ராங்களர், ஜீப் மெரிடியன் மற்றும் ஜீப் க்ராண்ட் செரோக்கீ போன்ற கார்கள் மூலம் இந்திய சந்தையில் உயர்ந்த இடத்தை பிடித்துள்ளது.

இந்நிலையில், ஜீப் நிறுவனம் தனது புதிய ஜீப் காம்பஸ் 4x2 AT எஸ்யுவி காரை அறிமுகப்படுத்தியுள்ளது. ஏற்கனவே சந்தையில் இருக்கும் கார்களின் 4x4 வரிசையில், இந்த புதிய காம்பஸ் 4x2 ரகம் அறிமுகப்படுத்தப்பட்டுள்ளது.

இதனை, ப்ளாக் ஷார்க் (Black Shark) எடிசன் என அழைக்கிறார்கள். இந்த புதிய காம்பஸ், இந்திய சாலைகளுக்கென பிரத்யேகமாக உருவாக்கப்பட்டுள்ளதாக தெரிவிக்கப்பட்டுள்ளது. இந்த காரின் முன் பகுதி க்ரில் மற்றும் அலாய் வீல்கள் மறு வடிவமைப்பு பெற்றுள்ளது. 

புதிய காம்பஸ் எஸ்யூவியின் இன்ஜின் 170HP மற்றும் 350nm ஆற்றலை வெளிப்படுத்தும் வகையில் வடிவமைக்கப்பட்டுள்ளது. முந்தைய கார்களை போலவே, 9 ஸ்பீட் கியர் பாக்ஸ் உடன் வருகிறது. இந்த கார் 16.2 kmpl மைலேஜ் தரும் என்று ஜீப் தரப்பில் தெரிவிக்கப்பட்டுள்ளது.  அதிக சக்தி கொண்ட ஒரு எஸ்யுவி கார், அதிக மைலேஜ் தருவது வெகுவாக ரசிகர்களை கவர்ந்திழுக்கும் என்பதில் சந்தேகமில்லை.

இந்த புதிய ஜீப் காம்பஸ் 4x2 வின் ஆரம்ப விலை 20.40 L எனவும் ஆட்டோமேட்டிக் ரகத்தின் விலை 23.99L எனவும் நிர்ணயிக்கப்பட்டுள்ளது.

இதையும் படிக்க || சோம்பேறி குடிமகனுக்கு ரூ 88,000 பரிசா... போட்டிக்கு நாங்க வரலாமா??

மிகப் பெரிய எதிர்பார்ப்புக்கு மத்தியில் இன்றைய தினம் ஆப்பிள் நிறுவனம் அதன் புதிய ஐபோன் மாடல்களை வெளியிட உள்ளது. ஆப்பிள் வரலாற்றிலேயே முதல்முறையாக இதில் மாற்றங்கள் இருக்கும் என எதிர்பார்க்கப்படுகிறது.

மேலும், இந்த நிகழ்வில் ஆப்பிள் தனது அடுத்து வரும் சாப்ட்வேர்கள் மற்றும் கருவிகள் குறித்தும் முக்கிய தகவல்களை ஆப்பிள் பகிரும் என்று எதிர்பார்க்கப்படுகிறது. அனைத்தையும் தாண்டி பெரிதும் எதிர்பார்க்கப்பட்ட ஐபோன் 15 மாடல்கள் இன்று வெளியாக இருக்கிறது. இன்றைய நிகழ்வில் எதை நாம் எதிர்பார்க்கலாம் என்பது குறித்துப் பார்க்கலாம்.

ஐபோன்: இந்த நிகழ்வின் முக்கியமான எதிர்பார்ப்பே ஐபோன் 15. உலகமே எதிர்பார்க்கும் ஐபோன் 15இல் 4 புதிய மாடல்களை ஆப்பிள் வெளியிட உள்ளது. ஐபோன் 15, ஐபோன் 15 பிளஸ், ஐபோன் 15 ப்ரோ, ஐபோன் 15 ப்ரோ மேக்ஸ் என்று மொத்தம் 4 மாடல்கள் வெளியாக உள்ளது. வழக்கமான ஐபோன் 15 மற்றும் 15 பிளஸ் அலுமினியம் பிரேம்களை கிளாஸ் பேக்கையும் கொண்டிருக்கும். அதேநேரம் ஐபோன் மேக்ஸ் மாடல்கள் டைட்டானியம் பிரேம்களைக் கொண்டிருக்கும்.

மேலும், ஐபோன் 15 மற்றும் 15 பிளஸ் மாடல்களில் கடந்தாண்டின் ஏ16 பயானிக் சிப் இருக்கும். அதேநேரம் மேக்ஸ் மாடல்கள் அதிநவீன ஏ17 பயானிக் சிப் இருக்கும். கடந்த ஆண்டின் விலைக்கு இணையாகவே இந்தாண்டும் ஐபோன் விலை இருக்கும் என்று எதிர்பார்க்கப்படுகிறது.

முக்கிய மாற்றம்: இந்த ஐபோனில் ஆப்பிள் வரலாற்றில் முதல்முறையாக ஒரு முக்கிய மாற்றம் வர போகிறது. அதாவது வழக்கமாக ஐபோன்களில் சார்ஜ் போடத் தனிப் பின் இருக்கும். ஆண்டிராய்டு மொபைல்களில் பயன்படும் டைப் பி அல்லது டைப் சி கேபிள்களில் இருந்து இது வேறுபட்டு இருக்கும்.

இதற்கிடையே ஐரோப்பிய ஒன்றியம் அனைத்து மொபைல்களும் ஒரே சார்ஜிங் முறையைப் பின்பற்ற வேண்டும் என்ற உத்தரவிட்ட நிலையில், ஆப்பிள் இந்த முடிவை எடுத்துள்ளது. ஐபோன் ஒன்று டைப் சி போர்ட்டுடன் வருவது இதுவே முதல்முறையாக இருக்கும்.

மற்ற சாதனங்கள்: ஐபோன்களுடன் சேர்ந்து இன்றைய தினம் நடக்கும் நிகழ்வில் இரண்டு ஆப்பிள் வாட்ச்களும் வெளியாகும் என்று எதிர்பார்க்கப்படுகிறது. ஆப்பிள் வாட்ச் சீரயஸ் 9 மற்றும் ஆப்பிள் வாட்ச் அல்டிரா 2 ஆகிய மாடல்கள் இதில் வெளியாக உள்ளது. லுக் அளவில் இவை பார்க்கக் கடந்தாண்டு வெளியான ஆப்பிள் வாட்ச்களை போலத் தான் இருக்கும் எனக் கூறப்படுகிறது. அதேநேரம் உள்ளே பயன்படுத்தப்படும் சிப்களில் மாற்றம் இருக்கலாம் என்று கூறப்படுகிறது.

இதையும் படிக்க  |  கர்நாடக அரசு மீது புகாரளிக்க தமிழ்நாடு அரசு திட்டம்...!

மனிதர்களை செவ்வாய் கிரகத்திற்கு அழைத்துக் செல்லும் விண்கலம் தயாராக இருப்பாதாக எலான் மஸ்க் இன் space X நிறுவனம் தெரிவித்துள்ளது. மேலும் அமெரிக்க விண்வெளி நிறுவனத்தின் அனுமதிக்காக காத்திருப்பதாகவும் தெரிவிக்கப்பட்டுள்ளது. 

அமெரிக்காவின் தனியார் விண்வெளி தளமான ஸ்பேஸ் எக்ஸ் நிறுவனம் பிரபல கோடீஸ்வரரும், எக்ஸ் வலைதளத்தின் உரிமையாளருமான எலான் மஸ்க்கிற்கு சொந்தமானது. மனிதர்களை செவ்வாய் கோளுக்கு அனுப்பும் தனது திட்டத்தை எலான் மஸ்க் கடந்த 2020 ஆண்டே வெளிப்படுத்தியிந்தார். மேலும் 2050 ஆம் ஆண்டிற்குள்ளாக 1 மில்லியன் மக்களை செவ்வாய் கிரகத்தில் குடியேற வைக்க திட்டமிட்டுள்ளதாகவும் தெரிவித்திருந்தார்.. அதனை தொடர்ந்து அதற்க்கான முயற்ச்சிகளில் ஸ்பேஸ் எக்ஸ் நிறுவனம் ஈடுபட்டு வந்தது. மேலும் செவ்வாய் கிரகத்தில்  தரையிறங்குவதற்கான வழங்குமாறு நாசாவிடம் கேட்டுள்ளனர்.  

மனிதர்களையும் , பொருட்களையும் செவ்வாய் கிரகத்திற்கு எடுத்து செல்வதற்காக ஒரு Space Ship அ யும் தயார் செய்யும் முயற்ச்சியிலும் Space X நிறுவனம் ஈடுபட்டு வந்தனர். 

இந்த நிலையில் ஸ்பேஸ் எக்ஸ் நிறுவனம் உருவாக்கியுள்ள விண்கலம் அனைத்து சோதனைகளையும் நிறைவு செய்த பின்னர் ப்ளோரிடோ மாகாணத்தில் உள்ள  space X நிறுவனத்திற்கு சொந்தமான ராக்கெட் ஏவுதளத்தில் தயார் நிலையில் நிறுத்திவத்திருப்பதாக,  தனது சமூக வலைதளங்களில்  space X நிறுவனம் பதிவிட்டுள்ளது.   இந்த விண்கலம் தான் மனிதர்களை நிலவிற்க்கும் செவ்வாய் கிரகத்திற்கும் அழைத்து செல்வதற்காக உருவாக்கப்பட்ட விண்கலம் என்றும் 25 முதல் 30 மாடி உயரம் அதாவது சுமார் 120 மீட்டர் உயரம் கொண்ட இந்த விண்கலம் 120 டன் எடையுடன் விண்வெளியை நோக்கி பயணிக்கும் திறன் வாய்ந்தது என்றும் தெரிவிக்கப்பட்டுள்ளது. 

உலகின் மிகவும் சக்தி வாய்ந்த ராக்கெட் என கருதப்படும் டிராகன் பூஸ்டர்ஸ் ராக்கெட் மூலம் பூமியின் ஈர்ப்பு விசையிலிருந்து விடுபட்டு பின்னர் தானாக பயணிக்கவும் தரையிறங்கும் திறனை கொண்டது இந்த ஸ்டார்சிப் விண்கலம் . 

இந்த நிலையில் தற்போது மனிதர்களை ஏற்றிச் செல்வதற்காக அமெரிக்க விண்வெளித்துறையின் அனுமதிக்காக காத்திருப்பதாகவும் Space X நிறுவனம் தெரிவித்துள்ளது.

இதையும் படிக்க  | கிளிமஞ்சாரோ மலை ஏறுவதற்கு, தான்சானியா பறந்த முத்தமிழ் செல்வி!!