சூரியனை தொடர்ந்து செயற்கை முறையில் , நிலவையும் உருவாக்கி சீன விஞ்ஞானிகள் சாதனை படைத்துள்ளனர்.

கடந்த ஆண்டு விண்வெளி ஆராய்ச்சியில் அதீத கவனம் செலுத்திய சீனா, பல்வேறு புதுமை திட்டங்களை செயல்படுத்தி,  21 நூற்றாண்டிலேயே சிறந்த ஆண்டாக கடந்த ஆண்டை மாற்றி அமைத்தது.

இந்ததநிலையில்  ஈர்ப்பு விசை சார்ந்த ஆய்வுகளை மேற்கொள்ள வசதியாக சிறிய செயற்கை நிலவை சீனா உருவாக்கியுள்ளது. 

புவியீர்ப்பு விசை கொண்ட செயற்கை நிலவில்,   விரும்பும் காலத்திற்கு ஈர்ப்பு விசையை நீட்டிக்க முடியும் எனவும், இதன் மூலம் பிற நாடுகளைப் போல ஈர்ப்பு விசையற்ற விமானங்களில் விண்வெளி வீரர்களுக்கு பயிற்சி அளிக்காமல் ஆய்வுகளை  எளிய வகையில் மேற்கொள்ள முடியும் எனவும் விஞ்ஞானிகள் தெரிவிக்கின்றனர்.

நிலவை போல் செயற்கையாக 2 அடி விட்டத்தில் உருவாக்கப்பட்டுள்ள சந்திரனில், எடை குறைந்த மணல், கற்கள் துாசிகள் நிரப்பப்பட்டுள்ளதாக தெரிவிக்கப்பட்டுள்ளது. 
 

பி.எஸ்.என்.எல். நிறுவனம், மற்ற நிறுவன வாடிக்கையாளர்களை கவரும் வகையில் புதிய திட்டத்தை அறிவித்துள்ளது.

இந்தியாவின் முன்னணி தொலைதொடர்பு நிறுவனங்களான ஏர்டெல், ஜியோ ஆகியவை  அனைத்து சலுகை கட்டணங்களையும் அதிகபட்சமாக 25 சதவீதம் வரை உயர்த்தின.  

இதனால், ஏராளமானோர் பி.எஸ்.என்.எல். சேவைக்கு மாற துவங்கினர். இதை தக்க வைத்துக்கொள்ளும் வகையில், பி.எஸ்.என்.எல்.  நிறுவனம் புதிய சலுகையை அறிவித்துள்ளது.

அதன்படி, ஏர்டெல், ஜியோ  வாடிக்கையாளர்கள் பி.எஸ்.என்.எல். சேவைக்கு மாறும் போது 5 ஜி.பி. டேட்டா இலவசமாக வழங்கப்படும் என அறிவிக்கப்பட்டுள்ளது.

மற்ற நிறுவன வாடிக்கையாளர்கள் பி.எஸ்.என்.எல். சேவைக்கு ஜனவரி 15ம் தேதிக்கு  முன்பு மாற வேண்டும் எனவும் தெரிவிக்கப்பட்டுள்ளது. 

கடந்த ஆண்டு ஜூலை மாதத்தில் ‘சுல்லி டீல்ஸ்’ என்ற செயலியில், நூற்றுக்கும் மேற்பட்ட இஸ்லாமிய பெண்களின் புகைப்படங்கள் இழிவாக சித்தரிக்கப்பட்டு இருந்தன.

இந்த விவகாரம் பெரும் சர்ச்சையை ஏற்படுத்திய நிலையில், இதுதொடர்பாக டெல்லி போலீசார் வழக்குப்பதிவு செய்து விசாரணையை தொடங்கினார். அதில், மத்தியபிரதேச மாநிலம் இந்தூரை சேர்ந்த ஓம்காரேஷ்வர் தாக்குர் என்பவர் இந்த செயலியை உருவாக்கியது கண்டுபிடிக்கப்பட்டது. 

இதையடுத்து அவரை கைது செய்து காவல்துறையினர் விசாரித்ததில், கடந்த 2020ம் ஆண்டு ட்விட்டர் பக்கத்தில் ஒரு குழு இணைந்ததாகவும், அதில் இஸ்லாமிய பெண்களை இழிவுபடுத்தும் யோசனை பகிரப்பட்டதாகவும் ஒப்புக்கொண்டுள்ளார்.

10 வயது சிறுமிக்கு உயிருக்கு ஆபத்து விளைவிக்கக் கூடிய சேலன்ஞ்யை அமேசானின் அலெக்சா வாய்ஸ் அசிஸ்டன்ட் விடுத்ததையடுத்து அமேசான் நிறுவனம் விளக்கமளித்துள்ளது.

அலெக்சா (Alexa) எனும் செயற்கை நுண்ணறிவு மென்பொருள், அதிர்ச்சி தரும் ஒன்றைச் செய்துள்ளது. Amazon நிறுவனத்தின் மென்பொருளான அது, மனிதர்களிடம் பேசக்கூடியது; மனிதர்கள் கேட்கும் கேள்விகளுக்கு இயல்பாகப் பதிலளிக்கக்கூடியது

இந்நிலையில், அமெரிக்காவைச் சேர்ந்த 10 வயது சிறுமி வீட்டில் பொழுது போகாததால், தனக்கு ஒரு சவாலை விடுமாறு அலெக்சா-விடம் கேட்டுள்ளார். 

அதற்கு பென்னி சேலஞ்ச்' (penny challenge) செய்யச் சொன்னது. 2020 ஆம் ஆண்டில் சமூக ஊடக தளமான Tiktok இல் பென்னி சவால் வெளிவந்தது.  இந்த சவாலில், மின் செருகியின் இரு முனைகளிலும் நாணயத்தை வைத்து நாணயத்தைத் தொடும் 
சவால் வழங்கப்பட்டது.

அவ்வாறு செய்தால் மின்சாரம் தாக்கக்கூடும் என்பதால் சிறுமி அதனை செய்ய மறுத்துவிட்டார். கடந்தாண்டு டிக்-டாக்கில் பிரபலாமான இந்த பென்னி சாலஞ்சை (penny challenge) செய்ய முயன்ற பலருக்கு மின்சாரம் பாய்ந்து விரல்கள், கைகள் பாதிக்கப்பட்ட நிலையில் 10 வயது சிறுமிக்கு அலெக்சா இப்படி ஒரு அபாயகராமான சவாலை விடுத்தது பலத்த சர்ச்சையை ஏற்படுத்தியது.

இது குறித்து சிறுமியின் தாயார் ட்விட்டரில் பதிவிட்டிருந்த நிலையில், தவறை சரி செய்து, அலெக்சா அப்டேட் செய்யப்பட்டுள்ளதாக அமேசான் விளக்கமளித்துள்ளது.

உலகில் படித்தவர்கள் முதல் படிக்காதவர்கள் வரை தெரியாதவற்றை தெரிந்துகொள்ளும் முதல் இடம் கூகுள். வெப் ப்ரவுசர் என்றாலே முதலில் நினைவுக்கு வருவது கூகுள் இணையதளம் தான். நமக்கு தேவையானவற்றை உடனுக்குடன் தருவதில் சிறந்து விளங்கி வருகிறது. 

”ஓகே கூகுள்” என்ற மீம்ஸ் மக்களிடையே அதிகமாக பகிரப்பட்டது. இப்படி மக்களுக்கும் கூகுளுக்கும் இடையே இணைபிரியாத ஒன்றாக இருக்கிறோம்.  இதனாலேயே நீண்ட காலமாக உலகிலேயே மிகவும் பிரபலமான இணையதளம் என்றாலே அது கூகுள் தான், என்ற அளவுக்கு ஆதிக்கம் செலுத்தியது. ஆனால் இப்போது அதை மொத்தமாக மாற்றியமைக்கும் வகையில் ஒரு வீடியோ செயலி முன்னுக்கு வந்துள்ளது.

அமெரிக்காவின் முன்னணி ஐடி செக்யூரிட்டி நிறுவனமான Cloudflare சமீபத்தில் ஆய்வு ஒன்றை மேற்கொண்டுள்ளது. அவர்கள் மேற்கொண்ட ஆய்வில், கூகுள் இணையதளத்தை விடவும் டிக்டாக் தளத்தை மக்கள் அதிகளவில் பயன்படுத்தி வருவதாக அறிவித்துள்ளது. இதன் மூலம் வீடியோ தளமான டிக்டாக் உலகிலேயே அதிகப்படியான மக்களால் பார்க்கப்படும் ஒரு இணையதளமாக மாறியுள்ளது.

உலகின் முன்னணி ஷாட் வீடியோ தளமாக இருக்கும் டிக்டாக்  2021-ல்  பிப்ரவரி, மார்ச், ஜூன் அதன் பின் ஆகஸ்ட் மாதம் வரையில் முதல் இடத்தில் இருந்ததாக Cloudflare நிறுவனம் தெரிவித்துள்ளது. இதனைத்தொடர்ந்து, சுந்தர் பிச்சை தலைமை வகிக்கும் ஆல்பபெட் நிறுவனத்தின் கூகுள் இணையதளம் 2வது இடத்திற்குத் தள்ளப்பட்டு உள்ளது.

எப்படி இந்த குறைந்த காலத்தில் டிக்டாக் இவ்வளவு பெரிய வளர்ச்சி அடைந்தது என்று பார்த்தால், அதற்கு முக்கிய காரணம்  கொரோனா தொற்றுக் காரணமாக உலகம் முழுவதும் அறிவிக்கப்பட்ட லாக்டவுன் தான். கொரோனா காரணமாக உலகம் முழுவதும் 2 வருடமாக லாக்டவுனில் இருந்து வருகிறது. அந்த லாக்டவுன் காலத்தில் மக்கள் தங்கள் பொழுதைக் கழிப்பதற்காக ஷாட் வீடியோ தளமான டிக்டாக் வீடியோக்களைப் அதிகமாக பார்த்து ரசித்ததால் தான் குறுகிய காலத்தில் மிகப்பெரிய வளர்ச்சி அடைந்தது.

ஆனால், தற்போது லாக்டவுன் கட்டுப்பாடுகள் குறைந்து மக்கள் தங்களது வேலைகளுக்குச் செல்ல துவங்கியதற்குப் பின்பு தான் டிக்டாக் பயன்பாடு பெரிய அளவில் குறைந்துள்ளது. இதற்கு ஏற்றார் போல் யூடியூப், பேஸ்புக் மற்றும் இதர பல தளங்கள் ஷாட் வீடியோ சேவையை அளிக்கும் காரணத்தாலும் டிக்டாக்-ஐ பயன்படுத்துவோரும், பயன்படுத்தும் நேரமும் குறைந்துள்ளது. 

அதுமட்டுமில்லாமல், மக்கள் பலர் அதிலேயே பொழுதைக் கழிப்பதாக வந்த சர்ச்சையால் இந்தியாவில் டிக்டாக் செயலியை தடைசெய்துள்ளனர் என்பது குறிப்பிடத்தக்கது.