உலகின் முன்னணி தேடுப்பொறி தளமான கூகுள் நிறுவனம் தனது 23-வது பிறந்த நாளை கொண்டாடி வருகிறது.

உலகில் சிறு குழந்தை முதல் பெரியவர்கள் வரை தனக்கு தேவையான விபரங்களை முதலில் சென்று தேடும் இடம் கூகுள். உலகின் முன்னணி தேடுப்பொறி தளமாக இருக்கும் கூகுள் நிறுவனம் 1988-ம் ஆண்டு செப்டம்பர் மாதம் 27-ம் தேதியன்று துவங்கப்பட்டது.

இந்நிறுவனத்தை செர்ஜி ப்ரின் மற்றும் லேரி பேஜ் இருவரும் இணைந்து துவங்கினர். இவ்வளவு எளிமையாக தொடங்கப்பட்ட நிறுவனம் தற்போது உலகம் முழுக்க பெரும்பாலானோர் பயன்படுத்தும் தேடுப்பொறி கருவியாக கூகுள் உயர்ந்து இருக்கிறது.

அந்த வகையில்,கூகுள் இன்று தனது 23-வது பிறந்த நாளை கொண்டாடி வருகிறது. இதற்கென கூகுள் பிரத்யேக டூடுல் ஒன்றை வடிவமைத்து,அதில் அலங்கரிக்கப்பட்ட கூகுள் வார்த்தைகள், மெழுகுவர்த்தி, கேக் மற்றும் டோநட் கொண்டு டூடுல் உருவாக்கப்பட்டு இருக்கிறது. இத்துடன் 23 என்றும் எழுதப்பட்டு இருக்கிறது.

பிறந்தநாளையொட்டி கூகுள் வெளியிட்டு இருக்கும் அறிக்கையில்,’ஒவ்வொரு நாளும் கூகுள் தளத்தில் பல கோடி தேடல்கள் நடக்கின்றன. உலகம் முழுக்க சுமார் 150-க்கும் அதிக மொழிகளில் கூகுள் தேடுப்பொறி இயங்கி வருகிறது.

’உலக விவரங்கள் அனைவருக்கும் கிடைக்க வேண்டும் என்ற கூகுளின் நோக்கம் இன்றுவரை மாற்றப்படவே இல்லை,' என தெரிவித்துள்ளது.

கொரோனா நெருக்கடி தொடங்கியதில் இருந்து கூகுள் நிறுவன ஊழியர்கள் வீட்டில் இருந்தபடியே பணி செய்து வருகின்றனர்.

இந்நிலையில் வீட்டில் இருந்து பணி செய்யும் ஊழியர்களின் சம்பளத்தை குறைக்க கூகுள் நிறுவனம் முடிவு செய்துள்ளதாக தகவல் வெளியாகியுள்ளது. 

அலுவலகத்திற்கு நேரடியாக வந்து பணி செய்ய விரும்பும் ஊழியர்களுக்கு இந்த சம்பள குறைப்பு கிடையாது என்றும், வீட்டில் இருந்து பணி செய்யும் ஊழியர்களுக்கு மட்டுமே இந்த சம்பள குறைப்பு என்றும் கூகுள் விளக்கமளித்துள்ளது.

தொலை தொடர்பு சேவை வழங்குவதில் நிலவும் தொழில் போட்டி காரணமாக நிறுவனங்கள் லாபத்தை மறந்து வாடிக்கையாளர்களை தக்க வைத்துக்கொள்வதற்கு கூடுதல் சலுகைகளை வழங்கி வருகின்றன.

இதனால் ரிலையன்ஸ் மற்றும் ஏர்செல் நிறுவனங்களை போன்று, வோடபோன் ஐடியா நிறுவனமும் பெரும் கடன் நெருக்கடியால் தத்தளிக்கிறது.

பொதுத்துறை வங்கியில் பெற்ற 23 ஆயிரம் கோடி ரூபாயை திரும்ப செலுத்த முடியாத நிலையும் காணப்படுகிறது. 

இந்த நிலையில் தொடர் கடன் நெருக்கடி காரணமாக இந்த நிறுவனம் வீழ்ந்தால், மத்திய அரசுக்கு ஒன்று புள்ளி 6 லட்சம் கோடி இழப்பு ஏற்படும் அபாயம் உள்ளது. இந்த நிறுவனத்தை மீட்டெடுக்க எந்த நிறுவனங்களும் முன்னுக்கு வரவில்லை என கூறப்படுகிறது.

வோடபோன் பங்குகளை அரசிடம் ஒப்படைக்க தயாராக உள்ளதாக ஆதித்யா பிர்லா குழுமத்தின் தலைவர் குமார் மங்கலம் பிர்லா இரு தினங்களுக்கு முன்பு கூறியிருந்தார்.

இந்த நிலையில் தற்போது குமார் மங்கலம் பிர்லா வோடபோன் ஐடியாவின் நிர்வாகமற்ற இயக்குனர் குழு மற்றும் நிர்வாகமற்ற தலைவர் பதவியில் இருந்து விலகியுள்ளார்.

வோடபோன் ஐடியா நிறுவனம் சந்தித்து வரும் தொடர் நஷ்டமே குமார் மங்கலம் பிர்லா பதவி விலகியதற்கு காரணமாக கூறப்படுகிறது.  குமார் மங்கலம் பிர்லாவின் கோரிக்கை இன்று நிறுவனத்தின் இயக்குநர்கள் குழுவால் ஏற்றுக்கொள்ளப்பட்டது.குமார் மங்கலம் பிர்லா-வுக்கு பதிலாக ஹிமான்ஷு கபானியா நிர்வாகமற்ற தலைவராக நியமிக்கப்பட்ட உள்ளதாகவும் கூறப்படுகிறது. 

உலகம் முழுவதும் தகவல் பரிமாற்றத்திற்காக அதிகளவில் பயன்படுத்தப்படும் செயலி வாட்ஸ் அப். உள்ளூர்வாசிகள் முதல் வெளிநாடுகளில் இருப்பவர்கள் வரை அனைவருக்கும் புகைப்படம், வீடியோ மற்றும் முக்கியமான தரவுகள் உள்ளிட்டவற்றை வாட்ஸ் அப் மூலம் பகிர்ந்து கொள்கின்றன.

சிறுவர்கள், இளைஞர்கள், முதியவர்கள் என அனைத்து தரப்பினருக்கும் வாட்ஸ் ஆப் செயலி பயன்படுத்துகின்றனர்.

சாட்டிங், வீடியோ கால், தரவுகளை பகிர்தல் உள்ளிட்ட பயன்பாடுகளுக்காக பல்வேறு செயலிகள் உருவாக்கப்பட்டாலும், எல்லாவற்றிற்கும் முதன்மையாக வாட்ஸ் அப் இருப்பதற்கு காரணம், அடிக்கடி புதுப்புது அப்டேட்டுகளை வெளியிடுவது தான்.

பகிரப்படும் புகைப்படங்களை ஒருமுறை மட்டுமே பார்க்கும் புது வசதியை வாட்ஸ் ஆப் இப்போது அறிமுகப்படுத்தியுள்ளது.  பயனாளர்கள் ATTACH FILES பட்டன் மூலமாக புகைப்படங்கள் அல்லது வீடியோக்களை பகிரும்போது, sent பட்டனுக்கு முன்னதாக ஒன்று என வட்டமிடப்பட்ட பட்டன் திரையில் தோன்றும். அதனை தேர்வு செய்து அனுப்பப்படும் தரவுகளை ஒரு முறை மட்டுமே பார்க்க முடியும். அதேநேரத்தில், வழக்கம்போல் பகிரப்படும் தரவுகள் பழைய முறைப்படியே பயனாளர்களுக்கு செல்கிறது.

இதன்மூலம், ஒருநபருக்கு தவறுதலாக புகைப்படம் அனுப்பப்பட்டால் கூட, அதனை ஒருமுறைக்கு மேல் அவர்களால் காண முடியாது.