சென்னை விமான நிலையத்திலிருந்து புறப்பட இருந்த விமானத்தில் திடீரென ஏற்பட்ட இயந்திர கோளாறால் விமானம் ரத்து செய்யப்பட்டது.

சென்னை விமான நிலையத்தில் இருந்து மலேசியாவின் கோலாலம்பூருக்கு புறப்பட இருந்த விமானம், ஓடுபாதைக்கு சென்றபோது அதில் திடீரென இயந்திரக் கோளாறு ஏற்பட்டது. விமானத்தின் இயந்திரத்தில் கோளாறு ஏற்பட்டதை விமானி கண்டுபிடித்த நிலையில், அது குறித்து உடனடியாக கட்டுப்பாட்டு அறைக்கு தகவல் தெரிவிக்கப்பட்டது.

இதையும் படிக்க : அமைச்சர் எ.வ.வேலுவுக்கு தொடர்புடைய இடங்களில் ஐ.டி.  ரெய்டு... அதிகாலை முதல் அதிரடி சோதனை!

இதையடுத்து விமானத்தில் இருந்து பயணிகள் கீழே இறக்கப்பட்டு ஓய்வறைகளில் தங்கவைக்கப்பட்டனர். பின்னர் இயந்திரக் கோளாறை சரிசெய்ய முடியாததால் விமானம் ரத்து செய்யப்படுவதாக அறிவிக்கப்பட்டது. விமானத்தில் பயணம் செய்ய விருந்த 150 பயணிகளும் தக்க சமயத்தில் இறக்கப்பட்டதால் அனைவரும் நல்வாய்ப்பாக உயிர் தப்பினர். 

எதிர்கட்சிகளின் கடும் விமர்சனத்துக்கு மத்தியில், அரசு ஆதரவு ஹேக்கர்களுக்கும் தங்களது எச்சரிக்கை குறுஞ்செய்திக்கும் எந்த சம்பந்தமும் இல்லை என ஐஃபோன் நிறுவனம் பதிலளித்துள்ளது.

ஹேக்கர்களின் தாக்குதல் முயற்சிக்கு ஆளானதாக, காங்கிரஸின் கே.சி.வேணுகோபால், TMC எம்.  பி மஹுவா மொய்த்ரா, ஆம் ஆத்மியின் ராகவ் சத்தா, சமாஜ்வாடியின் அகிலேஷ் யாதவ், CPM-ன் சீதாராம் யெச்சூரி  உள்ளிட்டோருக்கு ஐஃபோன் நிறுவனம் எச்சரிக்கை குறுஞ்செய்தி அனுப்  பியது. அரசு ஆதரவுடன் தொலைதூரத்தில் இருந்து ஹேக் செய்யப்படுவதாக குறுஞ்செய்தி வந்ததாகத்தெரிகிறது. 

மக்களவைத் தேர்தல் நெருங்கும் நிலையில், சொந்த நாட்டிலேயே உளவுபார்க்கப்படுவதாக எதிர்கட்சிகள் குற்றம்சாட்டின. அதானியை விட்டுவிட்டு, கிரிமினல்கள் போல் எதிர்கட்சியினரை உளவுபார்ப்பதாக காங்கிரஸ் எம்.  பி. ராகுல்காந்தியும் குற்றம்சாட்டினார்.

தொடர்ந்து, இச்சம்பவம் தொடர்பாக விளக்கமளித்த மத்திய தகவல்தொழில்நுட்பத்துறை அமைச்சர் அஷ்வினி வைஷ்ணவ்,  தெளிவற்ற கண்காணிப்பு குறுஞ்செய்தியை எதிர்கட்சிகள் காரணமின்றி விமர்சிப்பதாக கூறினார். ஐஃபோன் எச்சரிக்கை தொடர்பாக விசாரணை தொடங்கப்பட்டுள்ளதாகவும் அவர் தெரிவித்தார்.

 இந்நிலையில் அரசு ஆதரவு ஹேக்கர்களுக்கும் தங்களது எச்சரிக்கைக்கும் எந்த சம்பந்தமும் இல்லை எனவும் பெரும் பொருட்செலவில் அதிநவீன முறையில் ஹேக் முயற்சி நடந்துள்ளதாகவும் ஐஃபோன் விளக்கமளித்துள்ளது.

இதையும் படிக்க  | கர்நாடக அரசு எதிரி நாட்டைப் போல் செயல்படுகிறது” - அமைச்சர் துரைமுருகன்

மனிதர்களை விண்வெளிக்கு அனுப்பும் ககன்யான் திட்டத்தின் முதல்கட்ட ஆளில்லா சோதனை நாளை நடைபெறும் நிலையில்  இதற்கான 24 மணி நேர கவுண்ட் டவுன் காலை 8 மணிக்கு தொடங்கியது.

மனிதர்களை விண்ணுக்கு அனுப்பும் ககன்யான் திட்டத்தின் மாதிரி விண்கலம் டிவி-டி1 ராக்கெட் மூலம் நாளை  விண்ணில் செலுத்தி சோதனை செய்யப்பட உள்ளது.
ரஷ்யா, அமெரிக்கா, சீனா ஆகிய நாடுகளை தொடர்ந்து விண்ணுக்கு மனிதனை அனுப்பும் முயற்சியில் இந்திய விண்வெளி ஆராய்ச்சி நிறுவனம் தீவிரம் காட்டி வருகிறது. 

ககன்யான் என்று பெயரிடப்பட்டுள்ள இந்த திட்டத்தின்கீழ் தரையில் இருந்து 400 கி.மீட்டர் தூரம் சுற்றுவட்டப் பாதைக்கு விண்கலம் மூலம் 3 வீரர்களை அனுப்பி அவர்களை மீண்டும் பூமிக்கு பத்திரமாக திரும்ப அழைத்துவர இஸ்ரோ முடிவு செய்துள்ளது. 

இத்திட்டத்தை 2025-ம் ஆண்டில் செயல்படுத்த இஸ்ரோ திட்டமிட்டுள்ளது. அதற்கு முன் 3 கட்ட பரிசோதனைகள் மேற்கொள்ளப்பட உள்ளன.அந்தவகையில் இஸ்ரோவின் முதல்கட்ட சோதனை நிகழ்வு ஹரிகோட்டாவில் உள்ள முதல் ஏவுதளத்தில் இருந்து நாளை காலை 8 மணிக்கு நடைபெற உள்ளது. இதற்கான இறுதிக்கட்ட பணிகளில் இஸ்ரோ  விஞ்ஞானிகள் தீவிரமாக ஈடுபட்டுள்ளனர். 

இந்த ககன்யான் திட்டம் வெற்றியடைந்துவிட்டால், 2040ம் ஆண்டில் மனிதர்களை இஸ்ரோ நிலவுக்கு அனுப்ப திட்டமிட்டுள்ளது. இந்நிலையில் ககன்யான் சோதனைக்கான 24 மணி நேர கவுண்ட் டவுன் இன்று காலை தொடங்கியது.

இதையும் படிக்க    | செல் ஒலிபரப்பு எச்சரிக்கை சோதனை...!

பருவநிலை மாற்றத்தால் ஏற்படும் பாதிப்பிலிருந்து விவசாயத்தை காக்க நிலவில் ஆய்வு செய்து வருவதாக முன்னாள் இஸ்ரோ தலைவர் மயில்சாமி அண்ணாதுரை தெரிவித்துள்ளார். 

மதுரை மாவட்டம் திருப்பரங்குன்றம் அருகே உள்ள நாகமலை புதுக்கோட்டையில் உள்ள கே எம் ஆர் இன்டர்நேஷனல் பள்ளியில் அறிவியல் கண்காட்சி நடைபெற்றது.

அனைத்து பள்ளி மாணவர்களும் பங்கேற்று தங்களது திறமைகளை நிரூபித்தனர் கண்காட்சியில் வெற்றி பெற்ற மாணவர்களுக்கு பரிசு அளிப்பு விழா நடைபெற்றது. இதில் முன்னாள் இஸ்ரோ தலைவர் மயில்சாமி அண்ணாதுரை கலந்து கொண்டு மாணவர்களுக்கு சான்றிதழ்கள் மற்றும் கேடயங்கள் வழங்கினார். தொடர்ந்து மாணவர்களுக்கு பல்வேறு அறிவுரைகளை வழங்கி பேசிய மயில்சாமி அண்ணாதுரை செய்தியாளர்களை சந்தித்தார்.
 
குலசேகரப்பட்டினத்தில் ஏவுதளம் அமைப்பதற்கான சாத்தியக்கூறு எப்படி உள்ளது என்ற செய்தியாளர் கேள்விக்கு:-
 
நீண்ட காலமாக சொல்லிக் கொண்டிருந்தது தான். குலசேகரப்பட்டினத்தில் ஏவுதளம் அமைப்பதற்கான பணிகள் தற்போது உருவாகி இருக்கிறது. ஸ்ரீஹரிகோட்டாவில் இருந்து ராக்கெட் செலுத்துவதற்கான செலவுகள் அதிகரிக்கும். ஆனால் அதற்கான செலவு குலசேகரப்பட்டினத்தில் குறைவாக இருக்கும்
 
 மேலும் ஸ்ரீஹரிகோட்டாவில் பெரிய அளவிலான ராக்கெட் ஏவப்பட்டு வந்த நிலையில் குலசேகரப்பட்டினத்தில் இந்தியாவில் கிடைக்கக்கூடிய பொருட்களை வைத்து தயாரிக்கப்படும் சிறியதாக ராக்கெட்டுகளை ஏவுவதற்கு பொருத்தமான இடமாக இருக்கிறது. இந்தியாவிலிருந்து கிடைக்கக்கூடிய பொருட்களால் தயாரிக்கப்படுவதால் அடிக்கடி ராக்கெட்டுகள் விண்ணில் செலுத்துவதற்கான வேலைகளும்  
 தொடர்ந்து மேலும் அதன் மூலம் நிறைய பேருக்கு வேலைவாய்ப்பு கிடைப்பதற்கான வழி உள்ளது.

நீண்ட காலமாக இதற்கான வேலைகள் நடைபெற்று வந்த நிலையில் தற்போது அதற்கான பணிகள் நடைபெற்று வருவது மகிழ்ச்சி அளிக்கிறது”, எனத்  தெரிவித்தார். 
 
ஆசாத்தி சாட் ஒன்று மசாஜ் சாட் இரண்டு செயற்கைக்கோள்கள் வெளியில் செலுத்துவதற்கு ஆன மென்பொருளை பள்ளி மாணவர்கள் தயாரித்த சூழ்நிலையில் வரும் காலங்களில் செயற்கைக்கோள் தயாரிப்பில் மாணவர்களின் பங்கு இருப்பதற்கான வழிவகைகளை இஸ்ரோ ஏற்படுத்துமா என்ற செய்தியாளரின் கேள்விக்கு:- 

“தற்போதுள்ள சூழ்நிலையில் செயற்கைக்கோள் தயாரிப்பில் ஐஐடி துறையில் இருந்து வரக்கூடிய மாணவர்கள் ஊதியத்தை எதிர்பார்ப்பதால் ஆர்வம் காட்டாமல் இருப்பதாக ஒரு கருத்து உள்ளது.  இருந்தாலும் பள்ளி மற்றும் கல்லூரி காலங்களில் மாணவர்களுக்கான அறிவியல் ஆய்வு குறித்து சிறு வயது முதலே விழிப்புணர்வை ஏற்படுத்தினால் அதிகமாக மாணவர்கள் செயற்கைக்கோள் தயாரிப்பில் பங்கேற்பதற்கான வாய்ப்புகள் அதிகரிக்கும்”, என தெரிவித்தார்.

”செஸ் வீரரை உருவாக்குகிறோம், பல்வேறு விளையாட்டு வீரர்களை உருவாக்குகிறோம்;  அது போல் சிறுவயதிலேயே விஞ்ஞானிகளை உருவாக்க வேண்டும்” என தெரிவித்தார். 
 
ககன்யான் திட்டத்தின் மூலம் விண்வெளிக்கு மனிதர்களை அனுப்பி ஆய்வு செய்யும் முயற்சி தொடர்பான கேள்விக்கு:-

“ககன்யா திட்டத்தின் மூலம் நடத்தப்படும் ஆய்வுகள் அனைத்தும் முழுக்க முழுக்க விண்வெளியிலேயே நடைபெறுவதால் அதிலிருந்து மனிதர்களுக்கு பாதிப்பு ஏற்படக்கூடிய சூழ்நிலையில் தப்பித்து வருவதற்கான வழிமுறைகளையும் ஆய்வு செய்து வருகிறார்கள். படிப்படியாக திட்டத்திற்கான ஆய்வுகள் நடைபெற்று வருவதால் நிச்சயம் வெற்றி பெறும்”,  என்று தெரிவித்தார்.   
 
சந்திராயன் - 3  விண்கலத்தில் ரோவர் உறக்க நிலைக்குச் சென்ற நிலையில் மீண்டும் எழுவதற்கான வாய்ப்பு உள்ளதா?  என்ற கேள்விக்கு:- 

அது 14 நாட்களை கடந்து விட்டதால் நிச்சயம் மீண்டும் எழுவதற்கான வாய்ப்பு இல்லை. வேறு ஏதேனும் நிகழ்வுகள் ஏற்பட்டால் மட்டுமே அது மீண்டும் வரக்கூடிய சாத்தியக்கூறுகள் உள்ளதாக தெரிவித்தார். 
 
தொடர்ந்து கடந்த 10 ஆண்டுகளுக்கு முன்பு இருந்த இஸ்ரோவின் வளர்ச்சி பத்தாண்டுகளில் அதிக வளர்ச்சி பெற்றிருப்பது ஆட்சியாளர்களின் ஒத்துழைப்பு மற்றும் தற்போது சுதந்திரமாக செயல்படுவதும் ஒரு காரணமா? என்ற செய்தியாளர்களின் கேள்விக்கு

“ஆராய்ச்சியாளர்கள் சுதந்திரம் எப்போதும் உள்ளது. தற்போது ஆராய்ச்சிகளின் தேவை அதிகரித்துள்ளது. அதற்கான கட்டமைப்புகளும் உருவாக்கப்பட்டுள்ளது. இதனால் ஒரு காலத்தில் இந்தியா மற்ற நாடுகளை எதிர்பார்த்திருந்த நிலையில்,  தற்போது இந்தியாவின் ஆராய்ச்சியை அனைத்து நாடுகளும் உற்று நோக்குகின்றன. இந்தியாவின் வளர்ச்சிக்கு விண்வெளி துறையும் ஒரு காரணமாக உள்ளது என உலக நாடுகள் பார்க்கும் ஒரு நிலை உருவாகியுள்ளது”, என்று தெரிவித்தார். 
 
பருவநிலை மாற்றத்தால் விவசாயம் பெருமளவில் பாதிக்கப்படுவதால்   இந்திய விஞ்ஞானிகள் விவசாயத்தை பாதுகாப்பதற்கான வழிவகை குறித்து ஆய்வு நடத்தப்படுகிறதா?  என்ற கேள்விக்கு:-

“ஓசோனில் இருந்த ஓட்டையை ஆய்வு மூலம் தான் கண்டறிந்தோம். அது போல் பருவ நிலை மாற்றத்திற்கு ஏற்ப பாதிப்புகள் ஏற்படாத வகையில் நிலவில் கிடைக்கக்கூடிய பொருட்களை வைத்து உலக ஆராய்ச்சியாளர்கள் அனைவரும் ஒன்றிணைந்து ஆய்வு செய்து வருகின்றனர். அது வெற்றி பெறும் பட்சத்தில் நிலவில் கிடைக்கும் பொருட்களை வைத்து பூமியில் ஏற்படும் பருவநிலை மாற்றத்திற்கு ஏற்ப பாதுகாப்பு நடவடிக்கைகள் மேற்கொள்வதற்கான வழிவகைகள்  கிடைக்கும் என தெரிவித்தார்.

இதையும் படிக்க   | தேசியக்கல்விக் கொள்கைக்கு எதிராக புதுச்சேரி மாணவர்கள் போராட்டம் ..!

குலசேகரபட்டினம் இரண்டாம் ஏவுதளம்  அமைப்பதற்கு தமிழக அரசு 2000 ஏக்கர் வழங்கியதற்கு இஸ்ரோ தலைவர் சோம்நாத்  தமிழக முதலமைச்சரை நேரில் சந்தித்து நன்றி தெரிவித்தார்.

இரண்டு ஆண்டுகளில் குலசேகர பட்டினத்தில் இரண்டாம் ஏவுதளம்  பணிகள் முடிவடையும் என்றும் இஸ்ரோ தலைவர் சோம்நாத் தெரிவித்தார்.

தலைமைச் செயலத்தில் இன்று இஸ்ரோ தலைவர் சோம்நாத் தமிழக முதலமைச்சரை நேரில் சந்தித்து  சந்திராயன் மூன்று மாதிரி உருவ சிலையை முதலமைச்சருக்கு பரிசாக வழங்கினார்.

அதன் பின்னர் செய்தியாளர்களிடம்  பேசிய இஸ்ரோ தலைவர் சோம்நாத்:- 

இன்னும் இரண்டு ஆண்டுகளில் குலசேகரப்பட்டினத்தில் இரண்டாம் ஏவுதளம்  பணிகள் முடிவடையும், அதற்காக தமிழக அரசு  2000 ஏக்கர் நிலம் வழங்கியதற்கு நன்றி தெரிவிப்பதாக இஸ்ரோ தலைவர் சோம்நாத் தெரிவித்தார்.

தமிழகம் தற்போது பல்வேறு தொழில் வளர்ச்சியில் சிறந்து விளங்குவதாகவும், குறிப்பாக விண்வெளி மற்றும் பாதுகாப்பு தளத்திற்கான உதிரி பாகங்கள் தயாரிப்பதற்கான தொழிற்சாலைகள் தமிழகத்தில் அமைக்கப்பட்டுள்ளதற்கு முதல்வருக்குநன்றி தெரிவிப்பதாகவும் கூறினார்.

சென்னை, மதுரை, திருச்சி கோவை உள்ளிட்ட தமிழகத்தை சுற்றியும் தொழில் வழித்தடங்களை தமிழக அரசு அமைத்து வருவதால் தமிழகத்தின் தொழில் வளர்ச்சி சிறப்பாக இருப்பதாக இஸ்ரோ தலைவர் சோம்நாத் தெரிவித்தார். ஏசியன் விளையாட்டு போட்டியில் தமிழக வீரர்கள் 17 பேர் பதக்கங்கள் வென்றது பாராட்டத்துக்குரியது என்றும் அவர் தெரிவித்தார்.

இஸ்ரோ ஸ்ரீஹரிகோட்டா 50 ஆண்டுகள் பழமையானது என்றும் ஏவுகணைகள் ஸ்ரீலங்கா வழியாக செல்வதால் காலதாமதம் ஏற்படுகிறது தற்போது குலசேகரப்பட்டினத்தில் இரண்டாம் ஏவுதளம் அமைத்தால் எளிதாக சிறிய ராக்கெட்டுகள் செல்வதற்கு உதவியாக இருக்கும் என்றும் தெரிவித்தார். 

கன்னியாகுமரி மாவட்டம் மகேந்திர கிரி ராகெட் உதிரி பாகங்கள் தயாரிக்கும் தொழிற்சாலை பணிகள் மேற்கொள்ளப்பட்டு வருகிறது.

தமிழகத்தில் பல்வேறு தொழிற்சாலைகள் விண்வெளி மற்றும் பாதுகாப்பிற்காக தயாரிக்கப்படும் இடமாக தமிழகம் விளங்குவது பாராட்டுக்குரியது என்றும் இஸ்ரோ தலைவர் சோம்நாத் தெரிவித்தார்.

இதையும்  படிக்க   | "சமாதானத் திட்டம்", இன்று துவக்கம்..!