பல்வேறு வளர்ச்சி திட்ட பணிகளை தொடங்கி வைக்க பிரதமர் மோடி இன்று சென்னை வருகை தரவுள்ள நிலையில், டுவிட்டரில் ‘Go back modi’ ஹேஸ்டேக் மீண்டும் டிரெண்டாகியுள்ளது.

ஒவ்வொரு முறையும் பிரதமர் மோடி தமிழ்நாடு வரும்போதெல்லாம், #GobackModi என்ற ஹேஷ்டேக்கை நெட்டிசன்கள் டுவிட்டரில் டிரெண்ட் செய்வது வழக்கம். அந்தவகையில் வெகுநாட்களுக்கு பிறகு, சென்னை வருகை தரும் மோடி, நேரு அரங்கில்  இன்று 31 ஆயிரத்து  400 கோடி ரூபாய் மதிப்பிலான திட்டங்களை தொடங்கி வைக்கிறார். இந்தநிலையில் அவருக்கு எதிர்ப்பு தெரிவிக்கும் விதமாக டுவிட்டரில் ‘Go back modi’ ஹேஷ்டேக் டிரெண்டாகி வருகிறது. 

இங்கிலாந்து லண்டன் கண்காட்சியில் ஆயிரத்து 500 ஆண்டுகள் பழமை வாய்ந்த தங்கப் புத்தகங்கள் மற்றும் கடிதங்கள் சில மலையாள எழுத்துக்களுடன் வைக்கப்பட்டுள்ளது காண்போரை கவரச்செய்கிறது.

தேர்ந்தெடுக்கப்பட்ட சிலரால் மட்டுமே பார்க்கப்பட்டு வந்த இந்த வரலாற்று சிறப்பு மிக்க பொருட்கள் பொதுமக்கள் பார்வைக்கு வருவது இதுவே முதல்முறை. பல்வேறு காலகட்ட வரலாறு, அரசியல் மற்றும் மதம் சம்பந்தப்பட்டவற்றை விளக்குபவையாக இவை கண்டறியப்பட்டுள்ளது.

இவற்றில் ஒரு புத்தகத்தில் கோழிக்கோடு நிர்வாகத்தினர் மற்றும் டச்சுக்காரர்களுக்கு இடையேயான 17ம் நூற்றாண்டின் ஒப்பந்தம் குறித்தும் மலையாளத்தில் கூறப்பட்டுள்ளது குறிப்பிடத்தக்கது.

கர்நாடக மாநிலம் மைசூரில் காதலனின் அறிவுறுத்தல்படி, சினிமா பாணியில் தாலி கட்டும் நேரத்தில் திருமணத்தை நிறுத்திய மணகளின் சம்பவம் பேசுபொருளாகியுள்ளது.

மைசூரைச் சேர்ந்த பெண் தனது அண்டை வீட்டில் வசிக்கும் இளைஞனை ஏற்கனவே காதலித்து வந்த நிலையில், எஸ்பி கோட்டையைச் சேர்ந்த இளைஞருடன் வீட்டார் திருமணம் நிச்சயித்ததாக கூறப்படுகிறது.

இந்நிலையில், திருமண நாளன்று முன்னதாகவே மணப்பெண் அளித்த தகவலின் பேரில் தாலி கட்டும் நேரத்தில் மண்டபம் வந்த போலீசார் அவரை அழைத்துச் சென்றனர். இதனால் ஆத்திரமடைந்த மணமகன் வீட்டார் திருமண நிகழ்வுக்கு செலவழித்த 5 லட்ச ரூபாயை கொடுக்குமாறு பெண் வீட்டாரிடம் வாக்குவாதத்தில் ஈடுபட்டனர்.

நாயை போல தோற்றமளிக்க வேண்டும் என்ற தனது வாழ்நாள் கனவை நிறைவேற்றியுள்ளார் ஜப்பானை சேர்ந்த டோகோ.

இவர் தனது ட்விட்டர் பக்கத்தில் பகிர்ந்த புகைப்படங்கள் தற்போது வைரலாகி வருகிறது. தத்ரூபமான நாயை போன்ற உடைக்காக இவர் இந்திய மதிப்பில் 12 லட்சம் ரூபாய் செலவு செய்துள்ளார்.

நாய்கள் மிகவும் பிடிக்கும் என்பதால் அவற்றை போலவே மாறியதாக டோகோ தெரிவித்துள்ளார்.  யூ-டியூப் சேனல் நடத்தி வரும் இவரது உண்மையான புகைப்படத்தை இணையத்தில் எளிதாக கண்டுபிடிக்க முடியாது என கூறப்படுகிறது.

இந்நிலையில் நாய் வேடம் அணிந்து, நாயை போலவே அவர் செயல்படும் வீடியோ தற்போது சமூக வலைதளத்தில் வைரலாகி வருகிறது.

நேபாளத்தை சேர்ந்த டோர் பகதூர் கபாங்கி என்பவர், உலகின் மிக குள்ளமான இளைஞர் என கின்னஸ் உலக சாதனை அமைப்பால் அங்கீகரிக்கப்பட்டுள்ளார்.

2004ஆம் ஆண்டு நேபாளத்தில் பிறந்த இவர், 2 அடி 5 அங்குலம் உயரம் மட்டுமே வளர்ந்துள்ளார். இந்த நிலையில், டோர் பகதூர் உலகின் மிக குள்ளமான இளைஞர் என்று கின்னஸ் உலக சாதனை புத்தகத்தில் இடம்பெற்றுள்ளார்.

கின்னஸ் உலக சாதனை நிறுவனத்தால் ஏற்பாடு செய்யப்பட்ட விழாவில், அவருக்கு சான்றிதழ் வழங்கப்பட்டது. மேலும், உலகிலேயே உயரம் குறைந்த பெண் என்ற கின்னஸ் சாதனையை இந்தியாவை சேர்ந்த ஜோதி அம்கே தக்கவைத்துக் கொண்டுள்ளார்.