சென்னை, வண்டலூர் முதல் கோயம்பேடு வரை செல்லக்கூடிய மாநகர பேருந்தில் காவலர் ஒருவர் குடிபோதையில் பயணிகளிடம் தகராறில் ஈடுபடும் வீடியோ ஒன்று சமூக வலைதளங்களில் வைரலாகி வருகிறது.

அந்த வீடியோவில் குடிபோதையில் காவலர் ஒருவர், பயணியிடம் தகராறில் ஈடுபட்டு அடிக்க முற்படுகிறார். உடனடியாக பயணிகள் அனைவரும் அந்த நபரை கீழே இறக்கிவிடுமாறு நடத்துனரிடம் தெரிவிக்கின்றனர். இதனால் அந்த நபரை நடத்துனர் உட்காறு கூறுயுள்ளார். ஆனால் குடிபோதை காவல்ரோ போதையில் நடத்துனரையும் தாக்க முற்பட்டதாக கூறப்படுகிறது.  இந்த வீடியோ சமூக வலைதளங்களில் வேகமாக பரவி வருகிறது.

இது தொடர்பாக நுண்ணறிவு பிரிவு போலீசார் சம்பவம் நடந்த இடம் குறித்தும், உண்மையிலேயே போதையில் இருந்த நபர் காவலரா ? என விசாரணை மேற்கொண்டு வருகின்றனர். விசாரணையில் உறுதியானால் அந்த நபர் மீது துறை ரீதியான விசாரணை நடத்தப்படும் என போலீசார் தெரிவித்தனர்.

கர்நாடகா மாநிலம் மைசூர் அடுத்த ஹெம்மேராகா கிராமத்தில் திருமணமான பெண் ஒருவர், இளைஞர் ஒருவருடன் தொடர்பு வைத்திருந்ததாக கூறப்படுகிறது. இந்நிலையில் அக்கிராம மக்கள், பெண்ணையும், இளைஞரையும்  கிராமத்திற்கு மத்தியில் உள்ள கம்பத்தில் கட்டி வைத்து இரண்டு நாட்கள் உணவு இன்றி தொடர்ந்து தாக்கியதாக கூறப்படுகிறது. 

தகவலறிந்து வந்த நஞ்சண்குடி போலீசார், அப்பெண்ணையும், இளைஞரையும் மீட்டு மருத்துவமனையில் சிகிச்சைக்காக அனுமதித்த நிலையில், இருவரையும் கட்டி வைத்து தாக்கியதாக 50பேர் மீது வழக்குப்பதிவு செய்து விசாரணை நடத்தி வருகின்றனர். 

சமையல் வீடியோ மூலம் யூடியூப்பில் பிரபலமான டாடி ஆறுமுகத்திற்கு, தமிழகம் மற்றும் புதுச்சேரி உள்ளிட்ட இடங்களில் உணவகங்கள் உள்ளன. இவரது மகன் கோபிநாத், தமது சித்தப்பா மகன் ஜெயராம், நண்பர்கள் தாமு மற்றும் ஒருவர் உடன் தனியார் நட்சத்திர உணவக விடுதியில் மது அருந்தியுள்ளார். அப்போது அங்கு பணிபுரியும் ஊழியர்களை தகாத வார்த்தைகளால் திட்டியுள்ள அவர், மது அருந்தும் நேரம் முடிந்த பின்னரும் மது கேட்டதாகவும், அதற்கு ஜார்ஜ் சினாஸ் என்ற ஊழியர் மறுத்ததாகவும் கூறப்படுகிறது.

இதனால் ஆத்திரம் அடைந்த அவர்கள், ஜார்ஜிடம் கடும் வாக்குவாதத்தில் ஈடுபட்டு, அவரை பீர் பாட்டிலால் தாக்கி, மது அருந்தும் இடத்தில் உள்ள அனைத்து பொருட்களையும் அடித்து நொறுக்கியுள்ளனர். மேலும், சாலைக்கு சென்று ரகளையில் ஈடுபட்டுள்ளனர்‌. தகவலறிந்து சம்பவ இடத்திற்கு சென்ற போலீசாருக்கும், மது போதையில் இருந்தவர்களுக்கும் இடையே தள்ளு முள்ளு ஏற்பட்டுள்ளது.

இதனையடுத்து, அவர்களை கைது செய்து காவல் நிலையம் அழைத்து செல்ல முயன்றபோது, டாடி ஆறுமுகத்தின் மகன் கோபி மற்றும் ஒருவர் அங்கிருந்து தப்பிச் சென்றுள்ளனர். ஆனால் டாடி ஆறுமுகத்தின் தம்பி மகன் ஜெயராம் மற்றும் அவரது நண்பர் தாமு ஆகியோரை கைது செய்த போலீசார், தப்பியோடியவர்களை வலைவீசி தேடி வருகின்றனர்.

 பிரதமர் மோடி உத்தரபிரதேசத்தில் பல்வேறு நலத்திட்டங்களை துவக்கி வைக்கவும், டிஜிபி மாநாட்டில் கலந்து கொள்ளவும் 3 நாள் பயணமாக கடந்த வெள்ளிக்கிழமை அங்கு சென்றிருந்தார். இந்தநிலையில் 56வது டிஜிபி மாநாட்டில் கலந்து கொண்ட மோடி, இடைவெளியின்போது முதல்வர் யோகி ஆதித்யநாத்தை சந்தித்து உரையாடினார்.  அப்போது பேச்சுக்கு இடையே யோகி தோளில் கைப்போட்டபடி பல்வேறு ஆலோசனைகளையும் பிரதமர் மோடி வழங்கினார். 

ஹரியானவை சேர்த்த மருத்துவர் மனோஜ் மிட்டல் என்ற அந்த நபர் பசுவின் சாணத்தை சாப்பிடுவது போன்ற அந்த வீடியோ சமூக ஊடகங்களில் வைரலாகி வருகிறது.  வீடியோவில், மிட்டல் நேரடியாக பசுக்கள் கட்டிவைக்கப்பட்டிருக்கும் தொழுவத்திற்கு சென்று தரையில் இருந்த பசுவின் சாணத்தை எடுத்து சாப்பிட்டபடி பேச்சு கொடுக்கிறார். சாணத்தை சாப்பிடுவதாலும் , ​​பசுவின் சிறுநீரைக் குடிப்பதாலும் ஏற்படும் நன்மைகளை பற்றி மருத்துவர் மிட்டல் அந்த வீடியோவில் விளக்குகிறார்.

இந்த இரண்டு செயல்களும் பல கடுமையான நோய்களைத் தடுக்க உதவுகின்றன. மேலும், சுகபிரசவத்திற்கு பெண்கள் பசுவின் சாணத்தை உண்ண வேண்டும் என்றும் சிசேரியனை தேர்வு செய்ய வேண்டியதில்லை என்றும் அவர் விளக்கினார். மேலும் பேசிய அவர், பசுவிடமிருந்து கிடைக்கும் பஞ்சகவ்யாவின் ஒவ்வொரு பாகமும் மனித குலத்திற்கு மிகவும் மதிப்பு வாய்ந்தது. பாருங்கள், பசுவின் சாணத்தை சாப்பிட்டால் நம் உடலும் மனமும் தூய்மையாகும். நமது ஆன்மா தூய்மையாகிறது.  அது நம் உடலுக்குள் நுழைந்தவுடன், அது நம் உடலை சுத்தப்படுத்துகிறது. மேலும் உயர் ரத்த அழுத்தத்தை சரி செய்கிறது என்று தெரிவித்தார்.

இந்த வீடியோ வைரலாகியதோடு, பசுவின் சாணம் சாப்பிடுவது குறித்த டாக்டர் மிட்டலின் அறிவுரை பலருக்கு அதிர்ச்சியை ஏற்படுத்தியது. இதுதொடர்பாக பலர் ட்விட்டரில் தங்கள் கருத்துக்களைப் பகிர்ந்து கொண்டு வருகின்றனர். கடந்த ஆண்டு இது போன்ற சம்பவத்தில் ஈடுபட்ட மக்களுக்கு பல மருத்துவர்கள் அறிவுரைகளை வழங்கி வந்தனர். மாட்டுச் சாணத்தைப் பயன்படுத்துவதால், Mucormycosis அல்லது Black fungus எனப்படும் பூஞ்சை தொற்று ஏற்படுவதற்கான சாத்தியக்கூறுகள் இருப்பதாகவும் நிபுணர்கள் எச்சரிக்கை விடுத்தனர்.