பெங்களூருவில் பள்ளி சிறுவர்களை அடித்து சித்திரவதை செய்து பீடி பிடிக்க வைத்த இளைஞர்களின் வீடியோ, சமூக வலைதளங்களில் வைரலாகி வருகிறது. பெங்களூருவில் தேவ சந்திரா வார்டு பகுதியில் உள்ள பூங்காவில் சிறுவர்கள் விளையாட சென்ற போது, அங்கிருந்த கொடிய மனம் பதை்த இளைஞர்கள் சிலர் சிறுவர்களை பிடித்து மரத்தில் கட்டி வைத்து, பீடி புகைக்கும் படி கூறி  தொல்லை கொடுத்ததாக தெரிகிறது. மேலும், சிறுவர்களை அடித்ததாகவும் புகார் கூறப்படுகிது.  இது குறித்த புகாரின் பேரில் வழக்கு  பதிவு  செய்த போலீசார் விரைந்து சென்று  கொடிய  செயலில் ஈடுபட்ட இளைஞர்களை கைது செய்து சிறையில் அடைத்தனர்..

கார் முழுவதும் அமிதாப்பச்சனின் டையலாக்கை எழுதி, அதனை அவரிடம் காட்டி ஆட்டோகிராஃப் பெற்ற ரசிகரின் செயலுக்கு ஆச்சரியம் தெரிவித்துள்ளார் ஆனந்த் மகிந்திரா. 

மஹிந்திரா நிறுவனம் லேட்டஸ்டாக அறிமுகப்படுத்திய தார் கார் நல்ல வரவேற்பை பெற்றுள்ளது. இந்தக் காரை அமிதாப்பச்சனின் தீவிர ரசிகர் ஒருவர் அண்மையில் வாங்கியுள்ளார். 

பின்னர், காரின் கதவு, முன்புறம், பின்புறம் என அனைத்து இடங்களிலும் அமிதாப்பச்சன் நடித்த திரைப்படத்தில் இடம்பெற்ற டையலாக்குகளை ஸ்டிகர்களாக ஒட்டியுள்ளார். மேலும், காரின் கதவைத் திறந்தால், அமிதாப்பச்சனின் டையலாக் ஒலிக்கும் வகையில் சவுண்ட் சிஸ்டம் ரெடி செய்யப்பட்டுள்ளது. 

இந்த காரை அமிதாப்பச்சனிடன் கொண்டு சென்று காண்பித்து வாழ்த்து பெற்ற அவர், காரின் டேஸ்போர்டில் அமிதாப்பச்சன் ஆட்டோகிராஃப்  இட்ட பிறகே வண்டியை ஓட்டியுள்ளார். இதனை அமிதாப் பச்சன் தன்னுடைய இன்ஸ்டாகிராம் பக்கத்திலும் பதிவிட அதை பார்த்த ஆனந்த் மகிந்திரா தனது மகிழ்ச்சியை வெளிப்படுத்தியுள்ளார்.  

ஒடிசா மாநிலம் பொலன்கிர் மாவட்டத்தில் உள்ள சுலேகலா என்ற ஊரைச் சேர்ந்த 17வயதான ராஜேஷ் ராணா  இவருக்கு பேஸ்புக் மூலம் பெண் ஒருவரின் அறிமுகம் கிடைத்தது. இருவரும் சில நாட்கள் பேஸ்புக் மூலம் பழகிய நிலையில் காதலிக்கத் தொடங்கினர். அவர்களது காதல் பெற்றோருக்குத் தெரியவந்தது. எனவே இருவருக்கும் முறைப்படி திருமணம் செய்துவைக்க இருவீட்டாரும் முடிவு செய்தனர். இருவருக்கும் ஆகஸ்ட் மாத தொடக்கத்தில் திருமணம் செய்து வைத்தனர். இதையடுத்து கணவன் மனைவி இருவரும் ராஜஸ்தானில் செங்கல் சூளையில் வேலை செய்வதற்காக வந்தனர்.

ஆனால் வேலைக்குச் சேர்ந்த சில நாள்களில் ராஜஸ்தானைச் சேர்ந்த 55 வயது நபர் ஒருவருக்குத் தனது மனைவியை ராஜேஷ் ரூ.1.80 லட்சத்துக்கு விற்பனை செய்ததாகச் கொல்லப்படுகிறது. மனைவியை விற்பனை செய்த பணத்தில் புதிய ஸ்மார்ட் போன் வாங்கியதோடு, ஆடம்பரமாக செலவு செய்திருக்கிறார். அதோடு தனது மனைவியின் பெற்றோருக்கு போன் செய்து, உங்களது மகள் யாருடனோ ஓடிவிட்டார் எனத் தெரிவித்தார் ராஜேஷ். ஆனால் இதனை நம்பாத அப்பெண்ணின் பெற்றோர் தங்களது மகளைக் காணவில்லை என போலீஸில் புகார் செய்தார். போலீஸார் வழக்கு பதிவு செய்து விசாரித்து வந்தனர். காணாமல்போன பெண் ராஜஸ்தானில் இருப்பது தெரிய வந்தது.

 இதையடுத்து ஒடிசாவில் இருந்து தனிப்படை போலீஸார் ராஜஸ்தான் விரைந்தனர். அவர்கள் ஒடிசாவில் உள்ள பரன் என்ற கிராமத்தில் பெண் இருப்பதைக் கண்டுபிடித்து அங்கு சென்றனர். இது குறித்து இன்ஸ்பெக்டர் முண்டா கூறுகையில், 55 வயது நபர் பெண்ணை ரூ.1.80 லட்சத்துக்கு வாங்கி இருப்பதாகத் தெரிவித்தார். ஆனாலும் ராஜஸ்தான் போலீஸாரின் துணையோடு பெண்ணை மீட்டோம். ஆனால் அப்பெண்ணை அழைத்து செல்ல அக்கிராம மக்கள் அனுமதிக்கவில்லை. 

 போலீஸ் வேனை மறித்துக்கொண்டு அனுமதிக்க மறுத்தனர். அவர்களிடமிருந்து போராடி பெண்ணை மீட்டோம். பெண்ணை விற்பனை செய்த ராஜேஷ், தான் தனது மனைவியை விற்பனை செய்யவில்லை என்றும், இருதய சிகிச்சைக்கு பணம் தேவைப்பட்டதால் மனைவியை ரூ.60 ஆயிரத்திற்கு அடமானம் வைத்தேன் என்றும் தெரிவித்திருக்கிறார். ராஜேஷ் கைது செய்யப்பட்டு சிறுவர் முகாமில் அடைக்கப்பட்டிருக்கிறார் என்று தெரிவித்தார்.

குட்டியை காப்பாற்ற தாய் யானை முதலையை காலால் மிதித்து கொல்லும் வீடியோ இணையத்தில் வைரலாகி வருகிறது.

யானைகள் பொதுவாக அமைதியான விலங்காகவே அறியப்படுகிறது. அதன் வாழ்வியலுக்குள் நாம் நுழையாத வரை மட்டுமே. மீறினால் யானையைவிட ஆக்ரோஷமான விலங்கு வேறு எதுவும் இல்லை என சொல்லும் அளவுக்கு மாறிவிடும்.  அப்படியொரு சம்பவம் தான் இங்கும் நடந்துள்ளது.

நீர் குட்டையில் தாயுடன் தண்ணீர் குடிக்க வந்த குட்டி யானையை அங்கிருந்த முதலை பிடிக்க முயல, தன் குட்டியை காப்பாற்ற வெகுண்டெழுந்த தாய் யானை முதலையை தன் காலாலேயே மிதித்து கொன்றுள்ளது. இதனை கிழக்கு ஆப்பிரிக்கா நாடுகளின் ஒன்றான ஜாம்பியாவில் சுற்றுலா சென்ற ஒரு குழு படமாக்கி இணையத்தில் வெளியிட்டுள்ளது. 

கோவை மாவட்டம் கிணத்துக்கடவு அடுத்த உள்ள கோடங்கி பாளையம் அருகே ஊராட்சி ஒன்றிய தொடக்கப்பள்ளி உள்ளது . கொரோனா தொற்று காரணமாக பள்ளிகள் மூடப்பட்டுள்ளன, இதனால் இந்த பள்ளிக்கு தலைமை ஆசிரியர் உட்பட ஆசிரியர்கள் மட்டும் வந்து செல்வதாக கூறப்படுகிறது.

இந்நிலையில்  இந்த பள்ளி வளாகத்தில் உள்ள தேசிய கொடி ஏற்ற கூடிய கொடி கம்பத்தில் சமூக விரோதிகள் சிலர், தகரவாலியைக் தொங்கவிட்டு விட்டு பள்ளி வளாகத்தில் உள்ள கல்வெட்டு பள்ளி சுவர் மற்றும் பள்ளி வளாகத்தில் உள்ள பூட்டு ஆகியவற்றில் சகதியை வீசிச் சென்றுள்ளனர் .

மேலும் பள்ளி வளாகத்தில் உள்ள குடிநீர் தொட்டி, உள்ளிட்ட இடங்களை சேதம் செய்து சென்றுள்ளதாக கூறப்படுகிறது.  இந்த பள்ளிக்கு இரவுநேர காவலர்கள் யாரும் இல்லாத காரணத்தினால் இது போன்ற செயல்கள் நடைபெறுவதாகவும், இந்த பள்ளி வளாக பகுதியில் ஒரு புதிய கட்டிடம் கட்ட மதில் சுவர் உடைக்கப்பட்டு வழி உருவாக்கப்பட்டுள்ளதாகவும் கூறப்படுகிறது.

அந்த வழியாக தான் சமூக விரோதிகள் பள்ளிக்குள் புகுந்து இதுபோன்ற சமூக வீரோத செயல்களில் ஈடுபட்டு வருகின்றனர் என அப்பகுதியினர் குற்றம்சாட்டினர்.