குட்டியை காப்பாற்ற தாய் யானை முதலையை காலால் மிதித்து கொல்லும் வீடியோ இணையத்தில் வைரலாகி வருகிறது.

யானைகள் பொதுவாக அமைதியான விலங்காகவே அறியப்படுகிறது. அதன் வாழ்வியலுக்குள் நாம் நுழையாத வரை மட்டுமே. மீறினால் யானையைவிட ஆக்ரோஷமான விலங்கு வேறு எதுவும் இல்லை என சொல்லும் அளவுக்கு மாறிவிடும்.  அப்படியொரு சம்பவம் தான் இங்கும் நடந்துள்ளது.

நீர் குட்டையில் தாயுடன் தண்ணீர் குடிக்க வந்த குட்டி யானையை அங்கிருந்த முதலை பிடிக்க முயல, தன் குட்டியை காப்பாற்ற வெகுண்டெழுந்த தாய் யானை முதலையை தன் காலாலேயே மிதித்து கொன்றுள்ளது. இதனை கிழக்கு ஆப்பிரிக்கா நாடுகளின் ஒன்றான ஜாம்பியாவில் சுற்றுலா சென்ற ஒரு குழு படமாக்கி இணையத்தில் வெளியிட்டுள்ளது. 

கோவை மாவட்டம் கிணத்துக்கடவு அடுத்த உள்ள கோடங்கி பாளையம் அருகே ஊராட்சி ஒன்றிய தொடக்கப்பள்ளி உள்ளது . கொரோனா தொற்று காரணமாக பள்ளிகள் மூடப்பட்டுள்ளன, இதனால் இந்த பள்ளிக்கு தலைமை ஆசிரியர் உட்பட ஆசிரியர்கள் மட்டும் வந்து செல்வதாக கூறப்படுகிறது.

இந்நிலையில்  இந்த பள்ளி வளாகத்தில் உள்ள தேசிய கொடி ஏற்ற கூடிய கொடி கம்பத்தில் சமூக விரோதிகள் சிலர், தகரவாலியைக் தொங்கவிட்டு விட்டு பள்ளி வளாகத்தில் உள்ள கல்வெட்டு பள்ளி சுவர் மற்றும் பள்ளி வளாகத்தில் உள்ள பூட்டு ஆகியவற்றில் சகதியை வீசிச் சென்றுள்ளனர் .

மேலும் பள்ளி வளாகத்தில் உள்ள குடிநீர் தொட்டி, உள்ளிட்ட இடங்களை சேதம் செய்து சென்றுள்ளதாக கூறப்படுகிறது.  இந்த பள்ளிக்கு இரவுநேர காவலர்கள் யாரும் இல்லாத காரணத்தினால் இது போன்ற செயல்கள் நடைபெறுவதாகவும், இந்த பள்ளி வளாக பகுதியில் ஒரு புதிய கட்டிடம் கட்ட மதில் சுவர் உடைக்கப்பட்டு வழி உருவாக்கப்பட்டுள்ளதாகவும் கூறப்படுகிறது.

அந்த வழியாக தான் சமூக விரோதிகள் பள்ளிக்குள் புகுந்து இதுபோன்ற சமூக வீரோத செயல்களில் ஈடுபட்டு வருகின்றனர் என அப்பகுதியினர் குற்றம்சாட்டினர்.

  ஆந்திரா மாநிலம், கிழக்கு கோதாவரி மாவட்டம், ராஜமகேந்திர வரம் பகுதியில் மாவட்ட எஸ்பி அலுவலகம் அமைந்துள்ளது. அங்கு உள்ள ஆயுதப்படை மைதானத்தில் தலைமை காவலர் ஒருவர் சீருடையுடன்,  மது அருந்தும் வீடியோ சமூக வலைதளங்களில் வைரலாகி வருகிறது. கடந்த 2 தினங்களுக்கு முன்பு ஏரிக்கரையில் மது அருந்தியவர்களை, இந்த தலைமை காவலர் கடுமையாக தாக்கியதில் பாதிக்கப்பட்டோரின் உறவினர்கள் காவல் நிலையத்தை முற்றுகையிட்டிருந்தனர். இந்நிலையில், அதே காவலர் இன்று மது அருந்தி சிக்கிக்கொண்டது குறிப்பிடத்தக்கது. 

இந்த அழுகை அறையில் நுழைந்து அழுக எனக்கும் கவலை இருக்கிறது போன்ற வாக்கியங்கள் எழுதப்பட்டுள்ளது. இந்த அழுகை அறையின் சிறப்பு என்னவென்றால், மன அழுத்தத்துடன், கவலையுடன் வரும் மக்கள் அங்கு வருகை தந்து, தாங்கள் யாரிடம் மனம்விட்டு அழ வேண்டும் என்று நினைக்கிறார்களோ, அவர்களை அலைபேசி வாயிலாக பேசலாம். அதே போல் அங்குள்ள உளவியல் நிபுணர்களிடம் தங்களது மனதில் உள்ளவற்றை கொட்டி தீர்க்கலாம்.

மனம் விட்டு பேச ஆள் இல்லாமல் தவிக்கும் மக்களின் மனஅழுத்தத்தை போக்க, உளவியல் நிபுணர்கள் இணைந்து இந்த அழுகை அறையை உருவாக்கி உள்ளனர். மேலும், ஸ்பெயினில் பத்தில் ஒருவர் உளவியல் ரீதியாக பாதிக்கப்பட்டுள்ளது கண்டறியப்பட்டுள்ளது. மக்களின் மனநல பாதுகாப்பிற்காகவே ஸ்பெயின் அரசு தனியாக நிதி ஒதுக்கீடு செய்கிறது. தற்போது ஸ்பெயினில் அறிமுகப்படுத்தப்பட்டுள்ள அழுகை அறைக்கு மக்கள் மத்தியில் நல்ல வரவேற்பு கிடைத்துள்ளது.

கும்பகோணத்தில் செவிலியர்கள் வீதி வீதியாக முகாமிட்டு  தடுப்பு ஊசி செலுத்தி வருகின்றனர். அதன்படி இன்று கும்பகோணம் செக்கடி தெருவில் தடுப்பூசி செலுத்த வந்த செவிலியரிடம் அங்கு வந்த குடிமகன் சலம்பலில் ஈடுபட்டதால் பரபரப்பை ஏற்பட்டது. தற்போது அந்த வீடியோ சமூக வலைதளங்களில் வேகமாக பரவி வருகிறது. 

இதேபோல் தெருக்களில் அமைக்கப்படும் தடுப்பூசி முகாம்களில்  குடிமகன்கள் வந்து தடுப்பூசி செலுத்த வற்புறுத்துவதும், வேறு இடத்திற்கு சென்று முகாம் நடத்துமாறு தகராறு செய்வதால் செவிலியர்கள் அச்சமடைந்துள்ளனர்.

எனவே மாவட்ட நிர்வாகம் தடுப்பூசி முகாம்களில் இதுபோன்ற பிரச்சினை ஏற்படுத்தபவர்கள் மீது கடுமையான நடவடிக்கை எடுக்க வேண்டும் என கோரிக்கை எழுந்துள்ளது.