நாட்டின் 76 வது சுதந்திர தின விழாவை முன்னிட்டு, பலரும் புதிதாக சில விஷயங்களை நிகழ்த்தி வருகின்றனர். அதாவது அண்டர் வாட்டரில் தேசியக்கொடியை பறக்க விடுவது போன்ற செயல்களை செய்து வருகின்றனர். ஆனால் திரூப்பூர் உடுமலையில் அலங்கார கலைஞர் ஒருவர் வித்தியாசமான ஒரு முறையை கையில் எடுத்துள்ளார் வாங்க பாக்கலாம்....

யார் இந்த ஹக்கீம்:

திருப்பூர் மாவட்டம் உடுமலையை சேர்ந்தவர் ஹக்கீம். இவர் விசேஷங்களுக்கு எல்லாம் அலங்கார வேலைகளை செய்து தருபவர். இவர் தனது வேலைகளை தத்ரூபமாக செய்யும் திறன் கொண்டவர்.

சுதந்திர தினவிழா ஸ்பெஷல்:

நாட்டின் 76 வது சுதந்திர தின விழாவை இந்திய மக்கள் அனைவரும் சிறப்பாக கொண்டாடி வரும் வேலையில், தனது வேலைகளை சிறப்பாகவும் அழகாகவும் செய்யும் ஹக்கீம்,  சுதந்திர தினவிழா ஸ்பெஷலாக, யானையில் அமர்ந்து மூவர்ண கொடியை அசைக்கும் வகையிலான பொம்மைகளை தத்ரூபமாக வடிவமைத்துள்ளார்.

மூவர்ண கொடியை அசைக்கும் பொம்மைகள்:

76 வது இந்திய சுதந்திர தினத்தை சிறப்பிக்கும் வகையிலும், சாதி மத வேறுபாடுகளை கலைந்து அனைவரும் ஒற்றுமையுடன் தேச வளர்ச்சிக்கு உழைக்கவேண்டுமென்பதை வலியுறுத்தியும்  உருவாக்கப்பட்ட ஹக்கீமின் படைப்பானது, “ நகரும் யானை பொம்மையின் மேல் மும்மத பொம்மைகளும் அமர்ந்து தேசபக்தி பாடல் ஒலிக்க அந்த மூன்று பொம்மைகளும் தேசிய கொடியை பிடித்தவாறு அசைக்கும்  படியான ஒரு தத்ரூப செயலை மிக அழகாக காட்சிப்படுத்திருக்கிறார் அந்த திறமையான கலைஞர். அதோடுமட்டுமில்லாமல், வடிவமைக்கப்பட்ட அந்த பொம்மைகளை தனது தொழிற்கூடத்தின் முன்பு பார்வைக்காக நிறுத்தி வைத்திருக்கிறார்.

கலைஞர் ஹக்கீம்:

அலங்கார கலைஞர் ஹக்கீம் இந்த  தத்ரூப வடிவமைப்பு குறித்து பேசிய போது,  75 வது சுதந்திர திருநாளில் ஒற்றுமையை வலியுறுத்தியும், அனைவரையும் சந்தோசபடுத்தும் விதமாகவும், சுதந்திரத்திற்காக உழைத்தவர்களை நினைத்திட வேண்டும் என்பதற்காகவே இதனை வடிவமைத்ததாக கூறியுள்ளார்.

மக்கள் ஆரவாரம்:

கலைஞர் ஹக்கீமின் தத்ரூபமான இந்த செயலை கண்டு அப்பகுதி மக்கள் அனைவரும் ஆச்சரியத்தில் மூழ்கியதோடு, அந்த மூவர்ண கொடியை அசைக்கும் பொம்மைகளை கண்டு ரசித்தனர். இதனையடுத்து, அப்பகுதிமக்கள் இது குறித்த புகைப்படங்களை வெகுவாக  வலைதளங்களில் பகிர்ந்து மகிழ்ந்தனர்.

பாராட்டுக்கள்:

76 வது இந்திய சுதந்திர தினத்தை ஒவ்வொரு வரும் சிறப்பாக கொண்டாடிவரும் நிலையில்,  நகரும் யானையில் மூவர்ண கொடியை உயர்த்தி பிடிக்கும் அசையும் பொம்மைகளின் தத்ரூப வடிவமைப்பு முயற்சிக்கு பாராட்டுகள் குவிந்த வண்ணம் உள்ளது. 

மதநல்லிணக்கத்தை இப்படியும் காட்டலாமா....காட்டிட்டாரே இந்த கலைஞர்..!

உடுமலையில்75 வது சுதந்திரதினத்தை முன்னிட்டு யானையில் அமர்ந்து மூவர்ண கொடியை அசைக்கும் பொம்மைகள்#IndependenceDay2022 #IndependenceDay #Udumalaipettai #Malaimurasu pic.twitter.com/pnP44gFVkX

— Malaimurasu TV (@MalaimurasuTv) August 15, 2022

75-வது ஆண்டு சுதந்திர தினம்: நாட்டின் 75-வது ஆண்டு சுதந்திர தினம் கோலாகலமாக கொண்டாடப்பட்டு வருகிறது. எந்த வருடமும் இல்லாத வகையில் டைமன் ஜூப்ளியாக இந்த வருடம் தொடங்கியது முதலே சுதந்திர தினம் பல்வேறு வகையில் கொண்டாட்டப்பட்டு வந்தது. 75-வது சுதந்திர தினத்தையொட்டி, மக்கள் அனைவரும் தங்களது வீடுகளில் தேசிய கொடியை பறக்க விட வேண்டும் என பிரதமர் மோடி கேட்டுக் கொண்டிருந்தார். அதன் படி நாட்டில் பல்வேறு இடங்களிலும் மக்கள் தங்களது வீடு, வாகனம் போன்றவற்றில் தேசியக் கொடியை பறக்கவிட்டுள்ளனர். 

விண்வெளியில் சுதந்திர தினம்: திருமணங்கள் மட்டும் தான் பல விதமான இடங்களில் நடக்குமா என்ன? சுதந்திர தினத்தைக் கூட அப்படி கொண்டாடலாம் என நிரூபித்துக் காட்டியிருக்கிறது ஸ்பேஸ் கிட்ஸ் இந்தியா அமைப்பு. பூமியை தாண்டி விண்வெளியில் தேசியக் கொடியை பறக்கவிட்டு தங்களது தேசப்பற்றை பறைசாட்டியுள்ளனர் இந்த அமைப்பினர். இளம் விஞ்ஞானிகளை உருவாக்கி வரும், ஸ்பேஸ் கிட்ஸ் இந்தியா அமைப்பு, பூமிக்கு வெளியே 30 கிலோ மீட்டர் உயரத்தில், செயற்கைக்கோளில் தேசிய கொடியை கட்டி பறக்க விட்டுள்ளது. இதேபோல் நாசா விண்வெளி தளத்திலும் தேசியக்கொடி பறக்கவிடப்பட்ட புகைப்படம் வெளியாகியுள்ளது.

இந்தியாவின் 76வது சுதந்திர தினத்தை ஒட்டி, தற்போது பல வகையான பதிவுகளும் வாழ்த்துகளும் இணையத்தில் பகிரப்பட்டு வரும் நிலையில், ஒரு வீடியோவும் தற்போது படு வைரலாகி, அனைவரையும் நெகிழ வைத்து வருகிறது.

ஒரு பள்ளியில் மொட்டைமாடியில், இரண்டு குரங்குகள், தேசியக்கொடியை பறக்க விட்டன. மூவர்ண கொடியைச் சுற்றி வைத்த கயிறு பிரித்து, பூக்கள் கீழே விழ, அந்த குரங்குகள் கொடியைக் காற்றில் கம்பீரமாக பறக்க விடுகின்றன.

இதனை அங்கிருந்த மக்கள் அனைவரும் பார்த்து ரசித்து, அந்த குரங்குகளுக்கு சத்தம் போட்டு உற்சாகப்படுத்தினர். கொடியை ஏற்றிய குரங்கு சுற்றித் திரியும் போது, ​​மற்ற குரங்கு தப்பி ஓடுகிறது.

2017ம் ஆண்டு, இந்தியாவின் 71வது சுதந்திர தினத்தன்று இணையத்தில் வைரலான இந்த வீடியோ, ஹரியானாவின் அம்பாலா பகுதியில் எடுக்கப்பட்டது. ஐந்தாண்டுகள் கழித்து இன்று மீண்டும் இந்த விடியோ, பலராலும் பகிரப்பட்டு இணையத்தில் வைரலாகி அனைவரையும் நெகிழ வைத்துள்ளது.

பள்ளி மொட்டை மாடியில் குரங்குகள் கொடியேற்றும் வைரல் வீடியோ..!#viralvideo #Viral #Monkey #flaghoist #IndiaAt75 #Malaimurasu pic.twitter.com/35BlmRXW47

— Malaimurasu TV (@MalaimurasuTv) August 15, 2022

குழந்தைகள் எப்பொழுதும் குறும்புத் தனமானர்கள், சேட்டை அதிகம் என்றெல்லாம் தான் அனைவரும் கூறுவோம். ஆனால், இன்றைய குழந்தைகளோ, பல வகையான சுட்டித் தனங்களை வெளிப்படுத்தினாலும், பல பிரமிக்க வைக்கும் செயல்களையும் செய்து வருகின்றனர்.

அந்த வகையில், ஒரு சிறுவன், செய்த காரியம், 76வது சுதந்திர தினத்தை ஒட்டி, பலராலும் பகிரப்பட்டு, இணையத்தில் படு வைரலாகி வருகிறது.

பெங்களுருவிமான நிலையத்தில் இருந்து, என்ற தலைப்பில் இணையத்தில் வெளியான வீடியோ ஒன்றில், ஒரு சிறுவன், கையில் மூவர்ண கொடியேந்தி, அருகில் காவலுக்கு நின்று கொண்டிருந்த ராணுவ வீரர்கல் அருகில் செல்கிறார். பின், அவர்களிடம் கொடியை கொடுத்து, பின், அவர்களுக்கு மரியாதை செலுத்தும் விதத்தில் சல்யூட் செய்து புன்னகைக்கிறார். இதனை அந்த ராணுவ வீரர்கள் ரசிக்கும் நெகிழ்ச்சியான வீடியோ, இணைய வாசிகளால் பகிரப்பட்டு வைரலாகி வருகிறது.

அந்த சிறுவனின் பெயர், ரிஷி கார்த்திக் என அடையாளம் காணப்பட்டுள்ளது. கர்ணன் மற்றும் சுமித்ராவின் மகனான இவர், தென்காசி சங்கரன்கோவில் பகுதியைச் சேர்ந்தவர் என தகவல்கள் கூறிகின்றன.

இந்த அழகான வீடியோவைக் கண்டு மகிழுங்கள்.

#Viral | ராணுவ வீரர்களுக்கு சல்யூட் அடித்த சிறுவன் வீடியோ வைரல்!!!#IndiaAt75 #IndependenceDay2022 #IndependenceDayIndia #Malaimurasu #MalaimurasuViral #MalaimurasuUpdate pic.twitter.com/9EOVirYd5b

— Malaimurasu TV (@MalaimurasuTv) August 15, 2022

கிரிக்கெட்டின் கடவுளாக பலரால் போற்றப்படும் சச்சின் டென்டுல்கர், பல நூறு சதங்களைக் கொண்ட ஒரே கிரிக்கெட் வீரராக, உலகளவில் அறியப்படுகிறார். உலகின் தலைசிறந்த பேட்டர்களில் ஒருவராக அறியப்படும் சச்சின், உலகின் சிறப்பான பந்துவீச்சாளர்களின் திறனையும், மண்ணுக்குள் புதைத்த பெருமை பெற்றவர். மேலும், சர்வதேச அளவில் பல சாடனைகளைப் படைத்த பெருமையும் அவருக்கே!

கிரிக்கெட் கடவுள்:

மேலும், சர்வதேச அளவிலான போட்டிகளில், 100 சதங்கள் பெற்ற ஒரே கிரிக்கெட் வீரராக இருக்கும் சச்சின் சர்வதேச போட்டிகளில் எடுத்த முதல் சதம் இன்று தான் என்பது குறிப்பிடத்தக்கது. ஆகஸ்ட் 14, 1990 இல் இங்கிலாந்திற்கு எதிரான டெஸ்ட் போட்டியில் தனது முதல் சதத்தை குவித்த சச்சின், தனக்கான ஒரு பெரும் சகாப்தத்தையே உருவாக்கத் தயாரானார்.

முதல் சதம்:

மான்செஸ்டரில் உள்ள ஓல்ட் டிராஃபோர்டில் இங்கிலாந்துக்கு எதிரான டெஸ்ட் போட்டியின் போது, இந்தியாவின் முதல் இன்னிங்ஸில் 68 ரன்களை எடுத்த பிறகு, மாஸ்டர் பிளாஸ்டர் பார்வையாளர்களின் இரண்டாவது இன்னிங்ஸில் 119 ரன்களை விளாசினார். டெஸ்ட்டை டிரா செய்து சர்வதேச கிரிக்கெட்டில் முதல்முறையாக மும்முறை இலக்கை எட்ட உதவினார்.

டீனேஜில் தொடங்கிய கிரிக்கெட் பயணம்:

அந்த நேரத்தில் சச்சினின் வயது 17. வெறும் 112 நாட்கள் மற்றும் சர்வதேச கிரிக்கெட்டில் சதம் அடித்த மூன்றாவது இளைய வீரர் ஆனார். சுமார் எட்டு போட்டிகள் விளையாடிய பின்பு தான், பேட்டிங் ஜாம்பவானாகி, இந்தியாவுக்காக தனது முதல் சதத்தை பெற்றுத் தந்தார்.

ரன்களின் என்சைக்ளோபீடியா:

நவம்பர் 1989ம் ஆண்டு, இந்தியாவின் பெரும் போட்டியாளரான பாகிஸ்தானுக்கு எதிரான போட்டியில் தான் அதனது அறிமுக பேட்டிங் செய்தார். தனது பேருக்கு பின்னால், 100 சர்வதேச சதங்கள் பெற்று, உலகளாவிய கிரிக்கெட்டில் இது வரை, 200 டெஸ்டுகளில் 15,921 ரன்கள், 463 ODIயில் 18,426 ரன்கள் மற்றும் 1 டி20ஐ -யில் 10 ரன்கள் குவித்து இந்தியாவிற்கே பெருமை சேர்த்துள்ளார். இந்த நாளை நினைவு கூர்ந்த BCCI, த்னது ட்விட்டர் பக்கத்தில் அவருக்கு வாழ்த்து தெரிவித்து பதிவு போட்டுள்ளது குறிப்பிடத்தக்கது.

சச்சின் டெண்டுல்கர் முதல்முறையாக சர்வதேச கிரிக்கெட் தொடரில் சதம் அடித்த நாள் இன்று (14.08.  1990)@sachin_rt | @BCCI |#SachinTendulkar | #century | #TeamIndia | #Malaimurasu pic.twitter.com/7AYnQuzAj1

— Malaimurasu TV (@MalaimurasuTv) August 14, 2022