சென்னை கோடம்பாக்கத்தை சேர்ந்த கார் டிரைவர் ராஜ்குமார் என்பவரது வங்கிக் கணக்கில் 9000 கோடி ரூபாய் பணம் டெபாசிட் ஆனதால் அதிர்ச்சி..

பழனி நெய்க்காரப்பட்டி சேர்ந்த ராஜ்குமார் கோடம்பாக்கத்தில் நண்பர் அருகில் தங்கி வாடகை கார் ஓட்டி வருகிறார் கடந்த செப்டம்பர் 9 -ஆம் தேதி மாலை 3 மணி அளவில் காரில் தூங்கிக் கொண்டிருக்கும் பொழுது குறுஞ்செய்தி ஒன்று வந்துள்ளது. அதில் ராஜ்குமாரின் வங்கிக் கணக்கிற்கு தமிழ்நாடு மெர்கண்டைல் வங்கியில் இருந்து ஒன்பதாயிரம் கோடி ரூபாய் டெபாசிட் ஆனதாக குறுஞ்செய்தி வந்தது. முதற்கட்டமாக ராஜ்குமார் அதில் எத்தனை பூஜ்ஜியங்கள் உள்ளது என்பதை முடியாமல் எவ்வளவு பணம் வந்துள்ளது என குழம்பி இருந்தார்.

அதன் பின் தனது வங்கிக் கணக்கில் வெறும் 105 ரூபாய் இருக்கும் நிலையில் யாரோ தன்னை ஏமாற்ற முயல்கிறார்கள் என நினைத்துள்ளார். இதனையடுத்து, தனது வங்கிக் கணக்கில் இருந்து நண்பருக்கு 21,000 பணம் அனுப்பிய பிறகு 9 ஆயிரம் கோடி ரூபாய் பணம் தன் வங்கிக் கணக்கிற்கு வந்ததை அறிந்து பெரும் மகிழ்ச்சி அடைந்துள்ளார்.

நிலையில் நண்பருக்கு 21 ஆயிரம் ரூபாய் பணம் பகிர்ந்த உடனேயே மீதமுள்ள பணம் அனைத்தையும் தமிழ்நாடு மெர்கன்டைல் வங்கி திரும்பப் பெற்றுக் கொண்டுள்ளது.
தமிழ்நாடு மெர்கண்டைல் வங்கியின் தலைமை அலுவலகம் இருக்கும் தூத்துக்குடியில் இருந்து ராஜ்குமாருக்கு தொலைபேசி மூலம் அழைத்து ஒன்பதாயிரம் கோடி ரூபாய் பணம் தவறுதலாக டெபாசிட் செய்யப்பட்டுள்ளதாக தெரிவித்துள்ளனர். 

இதிலிருந்து பகிரப்பட்ட பணத்தை செலவு செய்ய வேண்டாம் என வங்கி நிர்வாகம் தரப்பில் கேட்டுக் கொள்ளப்பட்டது.  இதனையடுத்து நிர்வாகம் தரப்பில் ராஜ்குமாரை திடீரென மிரட்ட ஆரம்பித்துள்ளதாகவும் கூறப்படுகிறது.

இதனையடுத்து சென்னை தியாகராய நகரில் உள்ள தமிழ்நாடு மெர்கண்டைல் வங்கியின் கிளைக்கு வங்கி தரப்பில் இருந்தும்  டிரைவர் ராஜ்குமார் தரப்பில் இருந்தும் வழக்கறிஞர்கள் சென்று பேச்சுவார்த்தையில் ஈடுபட்டனர்.

பின்னர்,  9000 கோடி ரூபாய் பணத்தில் இருந்து பரிவர்த்தனை செய்யப்பட்ட 21,000 பணத்தை திருப்பிக் கொடுக்க வேண்டாம் எனவும், அதற்கு பதிலாக வாகன கடன் வழங்குவதாக வங்கி தரப்பிலிருந்து சமரசம் பேசி அனுப்பி வைத்ததாக தெரிவித்துள்ளார்.

வாடகை கார் ஓட்டுநர் வங்கிக் கணக்கில் ஒன்பதாயிரம் கோடி ரூபாய் திடீரென டெபாசிட் ஆன சம்பவம் பெரும் பரபரப்பு ஏற்படுத்தி உள்ளது.

இதையும் படிக்க   | தாழ்வான பகுதிகளில் தண்ணீர் தேங்கியதால் மக்கள் அவதி ..!

தமிழ் சினிமாவின் முன்னனி இசையமைப்பாளர் விஜய் ஆண்டனியின் மகள் மன அழுத்தம் காரணமாக இன்று அதிகாலை தூக்கிட்டு தற்கொலை செய்து கொண்டார். அவரது மரணத்தைத் தொடர்ந்து, தற்போது திரைத்துறை பிரபலங்கள் அவரது உடலுக்கு அஞ்சலி செலுத்தி வருகிறார்கள். 

இசையமைப்பாளர் மற்றும் அவரது மனைவிக்கும் குடும்பத்திற்கும் ஆறுதல் கூறியும் வருகிறார்கள்.  அந்த வகையில் முன்னனி நடிகர்களான சிம்பு, கார்த்தி, அமைச்சர் உதயநிதி ஸ்டாலின், நடிகர் சந்தானம், நடிகை குஷ்பூ , இசையமைப்பாளர் யுவன் ஷங்கர் ராஜா , இயக்குநர் பாரதிராஜா என பலர் வருகை தந்து தங்களது இரங்கல்களைப் பதிவு செய்தனர். 

தொடர்ந்து, நடிகர்கள் சத்தியராஜ் மற்றும் பார்த்திபன் தங்களது உணர்வுபூர்வமான இரங்கல்களை ப்திவு செய்தனர். 

நடிகர் பார்த்திபன் இரங்கல்:-

குழந்தைகள் கல்யாணம் ஆகி பிரிந்து செல்வது பெற்றோர்களால் தாங்க முடியாது.  இந்த இழப்பை எவ்வாறு அவர் தாங்கிக் கொள்வார் என்று தெரியவில்லை  பள்ளிகளில் மாணவர்களின் எண்ணிக்கையை குறைத்துவிட்டு நேரடியாக குழந்தைகளை கண்காணிக்கலாமே...! என கூறினார்.  பெற்றோர்களை விட ஆசிரியர்களே அதிக நேரம் குழந்தைகளை கண்காணிப்பதால் இந்த கோரிக்கையை வைத்திருப்பதாக அவர் கூறினார்.

நடிகர் சத்யராஜ் இரங்கல் :- 

அன்பு தம்பி விஜய் ஆண்டனிக்கு ஆழ்ந்த இரங்கலை தெரிவித்துக் கொள்கிறேன், இதைவிட ஒரு துயரமான சம்பவம் ஒரு மனிதனுக்கு நடக்கக் கூடாது,  ஆறுதல் கூற வார்த்தை இல்லாத ஒரு நிலையில் இருக்கிறேன், விஜய் ஆண்டனி தைரியமாக இருக்க வேண்டுமென கேட்டுக்கொள்கிறேன்.

பவர் ஸ்டார் ஸ்ரீனிவாசன் இரங்கல் :- 

இந்த செய்தியை கேட்டவுடன்  மனசு மிகவும் வேதனை அடைந்தது . ஒரு நிமிடத்தில் எதையும் யோசிக்காமல் எடுத்த முடிவு எல்லோரையும் பாதிக்கிறது.

வருங்காலத்தில் இதுபோன்று யாரும் தவறான முடிவு எடுக்கக் கூடாது.  இது போன்ற தவறான முடிவுகள் பெற்றோருக்கு செய்யக்கூடிய பாவம். தவித்துக் கொண்டிருக்கும் குடும்பத்திற்கு என்னுடைய ஆறுதலை தெரிவித்துக் கொள்கிறேன்.

இசையமைப்பாளர் தேவி ஸ்ரீ பிரசாத் இரங்கல் :- 

சினிமா துறையை தாண்டி விஜய் ஆண்டனி ஒரு நல்ல மனிதர்.இந்த செய்தி என்னை மிகவும் பாதிப்படைய வைத்துள்ளது. இவ்வளவு சிறிய வயதிலேயே இந்த விபரீத முடிவு ஏன் எடுத்தார்கள் என தெரியவில்லை.

எந்த தவறான முடிவு எடுப்பதற்கு முன், நாம் பெற்றோர்களை நினைத்து பார்க்க வேண்டும். அவர்கள் குடும்பத்திற்கு ஆழ்ந்த இரங்கலை தெரிவித்துக் கொள்கிறேன்.

நடிகரும் விடுதலை சிறுத்தைகள் கட்சி நிர்வாகிகளுமான விக்ரமன் இரங்கல் :-

தற்கொலை எதற்கும் தீர்வாகாது... இந்த முடிவை அவர் ஏன் எடுத்தார் என தெரியவில்லை. விஜய் ஆண்டனி நல்ல மனிதர் எல்லோரிடமும் அன்புடன் பழகுபவர். இந்த இழப்பு அவருக்கு மிகப் பெரிய இழப்பாகும்.

தென்காசி மாவட்டம் சங்கரன் கோயில் சங்கரநாராயண சாமி கோயில் யானை கோமதி, பூ விற்கும் பெண்ணிடம் தனக்கு பூ கேட்டு குறும்பு செய்ததை பக்தர்கள் ஆர்வமுடன் பார்த்துச் சென்றனர்.

ஃபுட்பால் விளையாடுவது, மௌத்தார்க்கன் வாசிப்பது, சத்தம் எழக்கூடிய பொருட்களில் தாளமிட்டு மகிழ்வது, மழையின் போது துள்ளி குதித்து விளையாடுவது என பல்வேறு குறும்புத்தனங்கள் செய்து பக்தர்கள் மத்தியில் பிரபலமான யானையாக, பெண்யானை கோமதி இருந்து வருகிறது 

இந்த நிலையில் நேற்று விநாயகர் சதுர்த்தி என்பதால் விநாயகர் ஊர்வலத்திற்காக சப்பரத்தின் முன்பாக வீதி உலா செல்வதற்கு யானை கோமதி கோவிலை விட்டு வெளியே வந்தது. அப்போது கோவில் வாசலில் பூக்களை கட்டி தட்டில் வைத்து விற்பனை செய்யும் பூக்காரப் பெண்ணை கண்டதும் அப்படியே நின்று தனக்கும் பூ வேண்டும் என்ற தோணியில் பூக்காரப் பெண்ணை பார்த்து தும்பிக்கையை உயர்த்தி பூ வேண்டும் என்ற தோணியில் பூ கேட்டது.

இதை அறிந்து கொண்ட அந்த பூக்கார பெண்ணும் உடனடியாக தனது பூத்தட்டில் இருந்த மல்லிகை பூவை எடுத்து யானை கோமதி இடம் கொடுத்தார். அதை லாபகமாக தும்பிக்கையால் வாங்கிக் கொண்ட யானை கோமதி  தலையை ஆட்டியவாறு தனக்கு அந்த பூவை சூட்டிவிடுமாறு பூக்கார பெண்ணிடம் சைகை காட்டியது.

உடனடியாக பூக்கார பெண்ணும் பூவை யானைக்கு சூட்டி விடுவதற்கு தயாரானார். யானை பாகனின் கட்டளைக்கு ஏற்று இரண்டு முன்னங் கால்களையும் மடக்கி லாவகமாக அமர்ந்து கொடுத்து தனது நெற்றியில் உள்ள முடியின் நடுப்பகுதியில் பூவை வைத்து விடுமாறு யானை கோமதி சினுங்களுடன் அமர்ந்தது.

இதனை அடுத்து அந்தப் பெண்ணும் பூக்கள் கொண்டு யானை கோமதியை அலங்காரம் செய்ய துவங்கினார். உதவியாக யானையின் இரண்டாவது பாகணும் சேர்ந்து கொண்டார்.  ஒவ்வொரு முறை பூ வைத்து விடும் போதும் பூ வைத்து விடுவதற்கு ஏதுவாக யானை கோமதி தன் முன்னங்கால்களை மடக்கி வளைத்துக் கொடுத்து பூ வைப்பதற்கு தகுந்தாற்போல் தன் முகத்தை கீழ் நோக்கி இறக்கி அந்தப் பெண்ணின் உயரத்திற்கு தகுந்தார் போல் வளைந்து கொடுத்தது.

அந்தப் பெண்ணும் தன்னிடம் இருந்த பூக்கூடையிலிருந்து மல்லிகைப்பூ கனகாம்பரம் ரோசாப்பூ உள்ளிட்ட பூக்களை எடுத்து யானை கோமதியை அலங்காரம் செய்தார். அலங்காரம் முடிந்தவுடன் இப்போதுதான் உன்னை பார்க்க சூப்பராக இருக்கிறது என்று கூறி அந்தப் பெண் யானை கோமதிக்கு திருஷ்டி சுற்றும்போது தனது கைகளை கொண்டு திருஷ்டி சுற்றினார்.

தொடர்ந்து அலங்காரம் முடிந்தவுடன் யானை கோமதி தனது மகிழ்ச்சியை வெளிப்படுத்தும் விதமாக தலையை ஆட்டி தும்பிக்கையை உயர்த்தி குதூகளித்த காட்சி அங்கு இருந்த அனைவரையும் அதிசயத்தில் ஆழ்த்தியது.

ஆறறிவு ஜீவன்களாகிய பெண்களுக்கு பூ என்பது இஷ்டப்பட்ட பொருளாக இருக்கும் நிலையில் ஐந்தறிவு ஜீவனான யானை கோமதி பூ கேட்டு அடம்பிடித்து பூக்கார பெண் முன்பு நின்று பூவை சூடிக்கொண்ட சம்பவம் அங்கிருந்த பக்தர்களை வெகுவாக கவர்ந்து இழுத்தது.

இதையும் படிக்க || அச்சுறுத்தும் வகையில் வாகனம் ஓட்டியதால் டிடிஎப் வாசன் கைது!!

கேரள மாநிலம் கோழிக்கோட்டில் நிபா வைரஸ் பாதிப்பு காரணமாக இருவர் உயிரிழந்ததாக மத்திய சுகாதாரத்துறை அமைச்சர் மன்சுக் மாண்டவியா கூறியுள்ளார். 

கேரள மாநிலம் கோழிக்கோடு மாவட்டத்தில் கடந்த ஆகஸ்ட் 30 ஆம் தேதி ஒருவரும் திங்களன்று ஒருவரும் காய்ச்சல் காரணமாக உயிரிழந்துள்ளனர். இதற்கு நிபா வைரஸ் காரணமாக இருக்கலாம் என்று கருதிய சுகாதார நிபுணர்கள், உயிரிழந்தவர்களின் மாதிரிகளை புனே ஆய்வகத்துக்கு சோதனைக்காக அனுப்பினர். இந்த நிலையில் சோதனையில் நிபா வைரஸ் பாதிப்பு உறுதி செய்யப்பட்டுள்ளது. 

டெல்லியில்  செய்தியாளர்களை சந்தித்த மத்திய சுகாதாரத்துறை அமைச்சர் மன்சுக் மாண்டவியா இத்தகவலை தெரிவித்துள்ளார்.  மேலும் வைரசை கட்டுப்படுத்த கேரள அரசுடன் இணைந்து மத்திய அரசு செயல்படும் என்றும் இதற்காக மத்திய அரசின் சிறப்பு குழு கேரளத்திற்கு அனுப்பி வைக்கப்படும் என்றும் கூறியுள்ளார். 

இதனிடையே நிபா வைரஸ் காரணமாக மக்கள் கவலைப்பட தேவையில்லை என கேரள  முதலமைச்சர் பினராய் விஜயன் அறிவுறுத்தியுள்ளார். இறந்தவருடன் தொடர்பில் இருந்தவர்களை கண்டறிந்து சிகிச்சை அளிக்கப்பட்டு வருகிறது என்றும்
 சுகாதாரத்துறை தயாரித்துள்ள தடுப்பு திட்டத்திற்கு அனைவரும் ஒத்துழைக்குமாறும் பினராயி விஜயன் கேட்டுக் கொண்டுள்ளார்.கோழிக்கோடு பகுதிகளில் பாதுகாப்பு பணி தீவிரப்படுத்தியுள்ளதாகவும் அவர் கூறியிருக்கிறார்.

மறைந்த திரைப்பட இயக்குநர் மற்றும் குணச்சித்திர நடிகர் மாரிமுத்து இன்று காலை திடீரென மாரடைப்பால் காலமானார்.  அவரது இழப்பிற்கு பல திரைத்துறை  பிரபலங்களும் அரசியல்வாதிகளும் தங்களது இரங்கல்களைத் தெரிவித்து வருகின்றனர்.

அந்த வகையில், இசையமைப்பாளர் சங்கர் கணேஷ்  தனது இரங்கலை தெரிவித்தார். அவர் கூறியதாவது:- 

” 80-86 ஆம் ஆண்டுகளிலேயே மாரிமுத்துவை எனக்குத் தெரியும் அப்போது துணை இயக்குனராக இருந்தார் , நல்ல மனிதன் , நல்ல நடிகர். இயற்கையாக நடிப்பவர் , என்னுடைய  மகன் ஸ்ரீ.   வெள்ளித்திரையில் அவருக்கு நல்ல பெயர் உள்ளது . அனைவருக்கும் அவர் மீது ஒரு நல்ல அபிப்பிராயம் உள்ளது. 

 என் கூட என் வீட்டில் சாப்பிடுவார். நல்ல மனிதர். நல்ல நடிகர்.  எதார்த்தமான நடிகர். எங்கள் அண்ணனால் தான் இன்று நன்றாக இருக்கிறேன் என்று என் பையனிடம் பழகுவார். சீரியலில் நல்லா நடித்திருக்கிறார். வெள்ளித்திரையில் அவருக்கு நல்ல பேர் இருக்கிறது. அவரது ஆத்மா சாந்தி அடைய இறைவனை வேண்டிக் கொள்கிறேன்”, என தெரிவித்தார்.

இதையும் படிக்க  | ”இந்தாம்மா ஏய்” என்ற வசனத்தின் மூலம் பிரபலமானவர்...!