பல ஆண்டு கால சர்ச்சைக்குப் பிறகு ஜப்பானின் அரச குடும்பத்தைச் சேர்ந்த இளவரசி மகோ, தன்னுடைய வகுப்புத் தோழரும், சாமானியருமான கெய் கொமுரு என்பவரை திருமணம் செய்து கொள்ளவிருக்கிறார். அவர்கள் வருகிற 26ம் தேதி திருமணம் செய்து கொள்ள உள்ளனர்.

இந்த நிலையில் ஜப்பான் இளவரசி மாகோ தனது 30வது பிறந்தநாளை இன்று கொண்டாடினார். இதுவே ஜப்பான் இளவரசி என்ற பட்டத்துடனும், அரச குடும்ப பாரம்பரிய முறைப்படியும் அவர் கொண்டாடும் கடைசி பிறந்த நாளாகும். திருமணத்துக்குப் பிறகு இந்த ஜோடி அமெரிக்காவில் குடியேறவிருப்பதாக கூறப்படுகிறது.

95 வயதான இரண்டாம் எலிசபெத், வடக்கு அயர்லாந்துக்கு பயணம் செல்ல திட்டமிட்டிருந்தார். இந்நிலையில், திடீரென பயணத்தை ரத்து செய்துள்ளதாக அறிவித்துள்ள பக்கிங்ஹாம் அரண்மனை, மருத்துவமனையில் ராணி எலிசபெத் ஒரு இரவை கழித்ததாக கூறியுள்ளது.

இது தொடர்பாக விளக்கம் அளித்துள்ள பக்கிங்ஹாம் அரண்மனையின் செய்தி தொடர்பாளர், சில நாட்கள் மகாராணி ஓய்வெடுக்க வேண்டும் என மருத்துவர்கள் ஆலோசனை கூறியதாகவும், அதன்படி கடந்த புதன் கிழமை பிற்பகல் வழக்கமான சோதனைகளுக்காக மருத்துவனையில் ராணி இருந்ததாகவும் தெரிவித்துள்ளார். 

நேற்று மதியம் ராணி டிஸ்சார்ஜ் செய்யப்பட்டு வின்ஸ்டர் கோட்டைக்கு திரும்பி விட்டதாக குறிப்பிட்டுள்ள அவர், மகாராணியார் தற்போது நல்ல மனநிலையில் உள்ளார் என்பதை உறுதி செய்துள்ளார்.

நியூ மெக்ஸிகோவில் படபிடிப்பு தளத்தில் டம்பி துப்பாக்கியின் குண்டுகள் துளைத்ததில் பிரபல புகைப்பட இயக்குநர் ஹலினா ஹட்சின்ஸ் சம்பவ இடத்திலேயே உயிரிழந்துள்ளார்.

அமெரிக்காவை சேர்ந்த புகழ் பெற்ற நடிகர் அலெக் பால்ட்வின் மற்றும் ஜென்சன் அக்லஸ் ஆகியோர் இணைந்து நடிக்கும் "ரஸ்ட்" என்னும் ஆங்கில படத்தில் படப்பிடிப்பு நியூ மெக்ஸிகோவில் நடைபெற்று வந்துள்ளது. போனன்சா க்ரீக் பண்ணையில் பிரம்மாண்ட செட் அமைத்து நடத்தப்பட்ட இந்த படப்பிடிப்பில் துப்பாக்கி சூடு நடப்பது போன்ற காட்சி படமாக்கப்பட்டுள்ளது.

அப்போது படப்பிடிப்புக்காக வைக்கப்பட்ட டம்பி துப்பாகியில் இருந்து பாய்ந்த குண்டுகள் புகைப்பட இயக்குநர் ஹலினா ஹட்சின்ஸ் மற்றும் இயக்குனர் ஜோயல் சவுசா ஆகியோரை துளைத்துள்ளது.

இதில் ஹலினா ஹட்சின்ஸ் சம்பவ இடத்திலேயே பலியாக இயக்குனர் ஜோயல் சவுசா மருத்துவமனையில் சிகிச்சைக்காக அனுமதிக்கப்பட்டுள்ளார். துப்பாக்கியை இயக்கியது நடிகர் அலெக் பால்ட்வின் தான் என்பது உறுதி செய்யப்பட்டுள்ளது. இச்சம்பம் அமெரிக்காவில் பெரும் பரபரப்பை ஏற்படுத்தியுள்ளது.

பண மோசடி மற்றும் பயங்கரவாத குழுக்களுக்கு நிதியுதவி அளிப்பதை தடுத்து சர்வதேச நிதி அமைப்பிற்கான அச்சுறுத்தல்களை கண்காணித்து நடவடிக்கை எடுப்பதற்காக எப்.ஏ.டி.எப். எனப்படும் நிதி நடவடிக்கை பணிக்குழு உருவாக்கப்பட்டுள்ளது. பிரான்ஸ் தலைநகர் பாரீசை தலைமையிடமாகக் கொண்டு இந்த அமைப்பு செயல்பட்டு வருகிறது.  பயங்கரவாதத்தை ஆதரிக்கும் நாடுகளை இந்த அமைப்பு கருப்பு பட்டியல் மற்றும் கிரே பட்டியல் என இரு வகைகளாகப் பிரிக்கிறது.

கருப்பு பட்டியலில் உள்ள நாடுகள் ஒத்துழைக்காதவை என வகைப்படுத்தப்பட்டு, அதனுடன் நிதி தொடர்பான எந்த பரிமாற்றத்தையும் உலக நாடுகள் வைத்துக் கொள்ளாது. கிரே பட்டியலில் உள்ள நாடுகள் எந்த நேரத்திலும், கருப்பு பட்டியலில் சேர்க்கப்படலாம் என்ற எச்சரிக்கையுடன் வைக்கப்படுகின்றன.  இவற்றுக்கு, உலக நாடுகளிடம் இருந்து கடன் பெறுவதில் சிக்கல், பொருளாதார தடைகள் விதிக்கப்படலாம், பிற நாடுகளுடன் வர்த்தக தொடர்பும் நிறுத்தப்படும் நிலை ஏற்படலாம். 

அந்த வகையில் லஷ்கர் இ தொய்பா, ஜெய்ஷ் இ முகமது போன்ற பயங்கரவாத அமைப்புகளுக்கு நிதி கிடைப்பதை பாகிஸ்தான் தடுக்கவில்லை என்ற குற்றச்சாட்டு தொடர்பாக ஆலோசனை நடத்திய எப்ஏடிஎப் அமைப்பு, அந்த நாட்டை கிரே பட்டியலில் வைத்து உத்தரவிட்டிருந்தது.

இந்நிலையில், எப்.ஏ.டி.எப். அமைப்பின் கூட்டம் காணொலி வாயிலாக நடைபெற்றது. இந்தக் கூட்டத்தின் முடிவில் பாகிஸ்தானை கிரே பட்டியலில் நீட்டித்து எப்ஏடிஎப் உத்தரவிட்டுள்ளது. பயங்கரவாத அமைப்புகளுக்கு நிதி அளிக்கப்படுவதை தடுப்பது தொடர்பான அந்த அமைப்பின் செயல்திட்டங்களில் பலவற்றை கையாளவில்லை என்பதால் இந்த நடவடிக்கை எடுக்கப்பட்டுள்ளது. இது பாகிஸ்தானுக்கு மேலும் பின்னடைவை ஏற்படுத்தி உள்ளது.

அமெரிக்காவில் தானியார் தொலைக்காட்சி ஒன்றி வானிலை அறிக்கையின் போது திடீரென ஆபாச பட காட்சிகள் ஒளிபரப்பப்பட்டதால் பார்வையாளர்கள் அதிர்ச்சியடைந்தனர்.

வாஷிங்டனில் தனியார் செய்தி தொலைக்காட்சி ஒன்றில், மாலை 6 மணி செய்தி ஒளிபரப்பின் போது, செய்திவாசிப்பாளர் வானிலை அறிக்கையை வாசித்துக் கொண்டிருக்க, பின்னால் வானிலை தொடர்பான கிராஃபிக் வீடியோவுக்கு பதிலாக தவறுதலாக ஆபாச பட காட்சிகள் ஒளிபரப்பப்பட்டுள்ளது.

கிட்டதட்ட13 நெடிகள் வரை ஓடிய ஆபார பட காட்சிகளால் செய்தியை பார்த்துக் கொண்டிருந்த பார்வையாளர்கள் அதிச்சியடைந்தனர்.  இதையடுத்து சுதாரித்துக் கொண்டு ஒளிபரப்பை நிறுத்திய செய்தி நிறுவனம் பின் இரவு 11 மணி செய்தி ஒளிபரப்பின் போது மன்னிப்பு கோரியது.