இங்கிலாந்தில் இருந்து வரும் அனைத்து மீன் பிடி கப்பல்களையும் தடை செய்யப்போவதாக அறிவித்த பின்னரும் பிரிட்டன் படகுகள் அத்து மீறுவதாக பிரான்ஸ் குற்றம்சாட்டியுள்ளது.

ஐரோப்பிய கடல் எல்லையில் மீன்பிடிக்கும் பிரச்சனை தொடர்ந்து நீடிக்கிறது. ஒப்பந்தங்களை மீறி பிரிட்டன் அரசு செய்லபடுவதாக பிரான்சு தொடர்ந்து குற்றம்சாட்டி வருகிறது. 

பாரிசில் செய்தியாளர்களிடம் பேசிய பிரான்சு செய்தி தொடர்பாளர் கேப்ரியல் அட்டல், பிரான்சின் பொறுமையை பிரிட்டன் சோதித்து வருவதாகவும் அவர்கள் எந்த ஒப்பந்தத்தையும் மதிப்பதில்லை என்றும் குற்றம்சாட்டி இருப்பதுடன், பிரிட்டனுக்கு ராணுவ படைகளின் மொழி மட்டும்தான் புரியும் என கூறியுள்ளார்.

இதனிடையே பிரான்சின் நடவடிக்கைகள் குறித்து ஐரோப்பிய விவகாரத்துறை அமைச்சர் கிளமெண்டும் கருத்து தெரிவித்துள்ளார்.

வடகொரியாவில் உணவு பஞ்சம் தலைவிரித்தாடும் நிலையில் 2025ம் ஆண்டு வரை மக்கள் குறைந்த அளவில் உணவு உண்ணுமாறு அந்நாட்டு அதிபர் கிம் ஜாங் உன் அறிவுறுத்தியுள்ளார்.

கொரோனா பரவல் காரணமாக  சீனாவில் இருந்து வரும் பல்வேறு உதவி பொருள்களுக்கு அதிபர் கிம் ஜாங் உன் தடை விதித்திருந்தார்.  

இதனால் அங்கு உணவு பஞ்சம் தலை விரித்து ஆடுகிறது. அணு ஆயுத சோதனை காரணமாக பல நாடுகள் ஏற்கனவே பொருளாதார தடையும் விதித்துள்ளதால் நிலைமை இன்னும் மோசமடைந்துள்ளது. 

அந்நாட்டில் ஒரு கிலோ வாழைப்பழம் 3 ஆயிரம் ரூபாய்க்கும், ஷாம்பூ பாட்டில் 15 அயிரம் ரூபாய்க்கும் விற்கும் அளவுக்கு பஞ்சம் நிலவுகிறது.

இந்த நிலையில் 2025ஆம் ஆண்டு வரை நாட்டு மக்கள் குறைவாக உண்ணும் பழக்கத்தைக் கடைபிடிக்க வேண்டும் என அதிபர் கிம் ஜாங் உன் அறிவுறுத்தியுள்ளார். இது மக்களை மேலும் வதைப்பது போல் உள்ளதாக உலக நாடுகள் கண்டனம் தெரிவித்துள்ளன. 

சீனாவின் புதிய நில எல்லை சட்டத்திற்கு இந்தியா கடும் கண்டனம் தெரிவித்துள்ளது. லாடக் எல்லையில் சீனா அத்துமீறி வருகிறது.

இது தொடர்பாக இரு நாடுகளுக்கும் இடையே பேச்சுவார்த்தை நடந்து வரும் நிலையில் சில நாட்களுக்கு முன்பு சீன நாடாளுமன்றத்தில் எல்லை நில பாதுகாப்புச் சட்டம் நிறைவேற்றப்பட்டது.

எல்லைப் பகுதிகளில் தேவைப்படும்போது போக்குவரத்து, தொலைத்தொடர்பு, கண்காணிப்பு மற்றும் பாதுகாப்பிற்கான கட்டமைப்புகள் உருவாக்கப்படும் என்று அந்த சட்டத்தில் குறிப்பிடப்பட்டுள்ளது.  இச்சட்டத்துக்கு இந்தியா கடும் கண்டனம் தெரிவித்துள்ளது.

இது தொடர்பாக அறிக்கை வெளியிட்டுள்ள மத்திய வெளியுறவு அமைச்சர் ஜெய்சங்கர், இருதரப்பு எல்லை பிரச்சனைக்கு பேச்சுவார்த்தை மூலம் தீர்வு காணப்பட்டு வரும் நிலையில் இச்சடம் இந்தியா-சீனா ஒப்பந்த பேச்சுவார்த்தைக்கு பலன் இல்லாமல் செய்து விடும் என்று தெரிவித்துள்ளார். 

ஸ்பெயினில் லா பால்மா தீவில் உள்ள கும்ப்ரே எரிமலை தீப்பிழம்புகளை கக்கி வருவதால், அதனை சுற்றியுள்ள சுமார் 7 ஆயிரத்துக்கும் அதிகமான மக்கள் வீடுகளை காலி செய்ய வேண்டிய நிலை உருவாகியுள்ளது.  

கும்ப்ரே எரிமலையானது கடந்த 19ஆம் தேதி முதல் உக்கிரமாக தீப்பிழம்பு, சாம்பல் மற்றும் கரும்புகையை கக்கி வருகிறது.

இதனால் பல ஹெக்டேர் அளவிலான நிலங்கள் மற்றும் கட்டிடங்கள் சேதமடைந்துள்ளன.  மேலும் எரிமலைக்கு அருகே உள்ள நகரங்களில் வாழும் சுமார் 7 ஆயிரத்துக்கும் மேற்பட்ட மக்கள், பாதுகாப்பு கருதி அவ்விடங்களை விட்டு வெளியேறுமாறு அறிவுறுத்தப்பட்டு வருகின்றனர். 

பல மில்லியன் ஆண்டுகளுக்கு முன்பு முற்றிலும் அழிந்து போன டைனோசர் மிருகம், தற்போது மனிதர்களிடம் எதனை வலியுறுத்துகிறது? என்பது தொடர்பான விளம்பர வீடியோவை, ஐ.நா. சபை வெளியிட்டுள்ளது.

ஐ.நா.வில் கம்பீரமாக நுழைந்து மேடையில் பேசும் டைனோசர், பருவநிலை மாற்றத்தால் உலகம் பேரழிவை நோக்கி செல்வதாக கூறியுள்ளது. அழிந்து போவது ஒரு மோசமான விஷயம் என குறிப்பிட்டுள்ள டைனோசர், பெட்ரோலியம் போன்ற புதைபடி எரிபொருள்களை வேகமாக கைவிட வேண்டும் என்றும், வறுமையில் வாடும் ஏழை நாடுகளுக்கு நிதியுதவி செய்ய வேண்டும் எனவும் வலியுறுத்தியுள்ளது.

அழிவை தேர்வு செய்யாதீர்கள் என்றும், தாமதமாகும் முன் உங்கள் இனத்தை காப்பாற்றுங்கள் எனவும் எச்சரிக்கை விடுக்கும் டைனோசர்,  மனிதர்களாகிய நீங்கள் சாக்குப்போக்கு சொல்வதை நிறுத்தி விட்டு, மாற்றங்களை செய்ய தொடங்க வேண்டிய நேரம் இது என குறிப்பிட்டுள்ளது.

According to @IMFNews, the world's governments are spending USD 11 million a minute to support fossil fuels which cause heat-trapping greenhouse gas emissions. #DontChooseExtinction, says @UNDP ahead of #COP26. pic.twitter.com/0jK4JBSFEd

— UN Climate Change (@UNFCCC) October 27, 2021 ">

According to @IMFNews, the world's governments are spending USD 11 million a minute to support fossil fuels which cause heat-trapping greenhouse gas emissions. #DontChooseExtinction, says @UNDP ahead of #COP26. pic.twitter.com/0jK4JBSFEd

— UN Climate Change (@UNFCCC) October 27, 2021