பெருவில் சுற்றுலா சென்ற பேருந்து மலைப்பாதையிலிருந்து விழுந்து விபத்துக்குள்ளானது. 

வடமேற்கு பெருவில் உள்ள பியூரா என்ற இடத்திலிருந்து 60 பயணிகளுடன் சுற்றுலா பேருந்து ஒன்று சென்று கொண்டிருந்தது.  அப்போது எதிர்பாராத விதமாக ஓட்டுனரின் கட்டுப்பாட்டை இழந்த பேருந்து மலைப்பாதையில் இருந்து விழுந்து நொறுங்கியது.  இந்த விபத்தில், 25 பேர் உயிரிழந்துள்ளதாக போலீசார் தரப்பில் தெரிவிக்கப்பட்டுள்ளது. 

-நப்பசலையார்

இதையும் படிக்க:    பிளாஸ்டிக் குப்பைகளை சேகரித்த வெளிநாட்டு தம்பதியினர்..!

அமெரிக்காவில் நடந்த துப்பாக்கிச்சூட்டில் 3 பேர் உயிரிழந்தனர் என தொிவிக்கப்பட்டுள்ளது. 

அமெரிக்காவில் சமீபகாலமாக துப்பாக்கிச்சூடு சம்பவங்கள் தொடர்ந்து நடைபெற்று வருகின்றன.  இந்த சம்பவங்களில் உயிரிழப்புகளும் ஏற்பட்டு வருகிறது.  இந்நிலையில், அந்நாட்டின் கலிபோர்னியா மாகாணத்தின் லாஸ் ஏஞ்சல்ஸ் நகரில் பெவர்லி சிரெட்ஸ் பகுதியில் துப்பாக்கிச்சூடு நடைபெற்றது. 

இந்த துப்பாக்கிச்சூட்டில் 3 பேர் உயிரிழந்துள்ளனர்.  மேலும், 4 பேர் படுகாயமடைந்துள்ளனர்.  சம்பவ இடத்திற்கு விரைந்து சென்ற போலீசார் படுகாயமடைந்தவர்களை மீட்டு அருகில் உள்ள மருத்துவமனையில் சிகிச்சைக்காக அனுமதித்துள்ளனர். மேலும் இச்சம்பவம் தொடர்பாக காவல்துறையினா் விசாரணை மேற்கொண்டு வருகின்றனா்.  இச்சம்பவத்திற்கு காரணமானவர்கள் மீது தீவிர நடவடிக்கை எடுக்கப்படும் எனத் தெரிவிக்கப்பட்டுள்ளது. 

-நப்பசலையார்

இதையும் படிக்க:  13வது திருத்தத்தை நடைமுறைப்படுத்த அதிகாரமில்லை......

மக்கள் ஆணையை பயன்படுத்தி அதிகாரத்திற்கு வந்த ரணில் விக்கிரசிங்கேவுக்கு 13-வது திருத்தத்தை நடைமுறைப்படுத்த அதிகாரம் இல்லை.

கொழும்புவில் நடந்த ஒரு நிகழ்ச்சியில் கலந்து கொண்ட விமல் வீரவன்ச பேசுகையில், அரசு நிறுவனங்களை மறுசீரமைப்பதாக குறிப்பிட்டுக் கொண்டு அதனை முழுமையாக தனியாருக்கு விற்கும் நடவடிக்கைகளை குடியரசு தலைவா்  ரணில் விக்கிரமசிங்கே முன்னெடுத்துள்ளார் என கடுமையாக தாக்கி பேசினார்.

மேலும் கோத்தபய ராஜபக்சேவுக்கு கிடைத்த மக்கள் ஆணையை பயன்படுத்தி அதிகாரத்திற்கு வந்த ரணில் விக்கிரசிங்கேவுக்கு 13-வது திருத்தத்தை நடைமுறைப்படுத்த அதிகாரம் இல்லை என தேசிய சுதந்திர முன்னணி தலைவர் விமல் வீரவன்ச தொிவித்துள்ளார்.

-நப்பசலையார்

இதையும் படிக்க:  பல்கலைக் கழக நுழைவுத் தேர்வு எழுத முடியாது......எச்சரிக்கை!!

ஆப்கானிஸ்தானில் பெண்கள் பல்கலைக்கழக நுழைவுத் தேர்வு எழுத முடியாது என  தலிபான் எச்சரிக்கை விடுத்துள்ளது.  

ஆப்கானிஸ்தானில் தலிபான்கள் ஆட்சியை கைப்பற்றிய பிறகு பெண்களுக்கு எதிரான பல்வேறு கட்டுப்பாடுகளை விதித்து வருகிறது.  இந்நிலையில், பெண்களின் உரிமைகளை பறிக்கும் வகையிலான அதிகார துஷ்பிரயோகத்தை நிறுத்தும்படி உலக நாடுகள் வலியுறுத்தி வருகின்றன. 

எனவே, தலிபான்கள் எந்த நேரத்திலும் தங்கள் உத்தரவை திரும்ப பெறலாம் என்ற நம்பிக்கை ஏற்பட்டது.  ஆனால் தலிபான் அரசு பெண்களுக்கு எதிரான தடையை மேலும் வலுப்படுத்தும் விதமாகவே நடந்து வருகிறது.  தற்போது பல்கலைக்கழகங்களில் பெண்கள் நுழைவுத் தேர்வு எழுத முடியாது என அதிரடியாக அறிவித்துள்ளது.

-நப்பசலையார்

இதையும் படிக்க:      திடீர் நிலநடுக்கம்..... அதிகரிக்கும் உயிரிழப்புகள்.... 

ஈரான் தலைநகர் தெஹ்ரானில் ஏற்பட்ட நிலநடுக்கத்தில் இருவர் உயிரிழந்துள்ளதாக தகவல் வெளியாகியுள்ளது. 

ஈரானின் தலைநகரான தெஹ்ரானி திடீரென நிலநடுக்கம் ஏற்பட்டுள்ளது.  இந்த நிலநடுக்கமானது  ரிக்டர் அளவில்  5.9 ஆக பதிவாகியுள்ளது.  மேற்கு அஜர்பைஜான் மாகாணத்தில் உள்ள கோய் நகரில் லேசன நில நடுக்கம் உணரப்பட்டது. 

ரிக்டர் அளவில் 5.9  ஆக உணரப்பட்ட இந்த நிலநடுக்கத்தால், கட்டிடங்கள் குலுங்கின.  இதனால், பீதி அடைந்த மக்கள் கட்டிடங்களை விட்டு வெளியேறி பாதுகாப்பான இடம் நோக்கி ஓடினர்.   இந்த நிலநடுக்கத்தால் ஏற்பட்ட இடிபாடுகளில் சிக்கி இருவர் உயிரிழந்ததாக தகவல்கள் வெளியாகியுள்ளது.  மேலும் 122 பேர் காயமடைந்துள்ளதாகவும் தெரிவிக்கப்பட்டுள்ளது.

-நப்பசலையார்

இதையும் படிக்க:    ”தேர்தல் முடிவுகள் செங்கோட்டையில் எதிரொலிக்கும்....”அமைச்சர் செங்கோட்டையன்!!!