கடும் பொருளாதார நெருக்கடி நிலை, வாழ்வதற்கு வசதியற்ற சூழலை கருத்தில் கொண்டு துனிஷியா, லிபியா உள்ளிட்ட சிறிய நாடுகளிலிருந்து ஏராளமானோர் அவ்வப்போது அகதிகளாக சட்டவிரோதமாக புலம்பெயர்ந்து வருகின்றனர்.

அந்தவகையில் மத்திய தரைக்கடல் வழியாக படகுகளில் பெருங்கூட்டமாக வருவோர் நடுக்கடலில் அமிழ்ந்து போகும் நிலை காணப்படுகிறது. இந்தநிலையில் நடப்பாண்டு முதல் 3 மாதங்களில் புலம் பெயர முயன்றவர்களில் 600 பேர் கரை திரும்பவில்லை எனவும், இது 2014ம் ஆண்டை ஒப்பிடுகையில் அதிகம் எனவும் சர்வதேச புலம்பெயர்வு அமைப்பு கூறியுள்ளது. 

குறிப்பாக கடந்த செவ்வாய் கிழமை துனிஷியாவிலிருந்து படகில் வந்த 100 பேரில் 25 பேர் மட்டுமே மீட்கப்பட்டுள்ளதாகவும் தெரிவிக்கப்பட்டுள்ளது.  

கிழக்கு உக்ரைனில் ரஷ்யா நடத்தி வரும் தாக்குதல் நாளுக்கு நாள் தீவிரமாகி வருகிறது. டொனெட்ஸ்க் மற்றும் லுஹான்ஸ்க் பகுதிகளில் 40 நகரங்கள் தாக்குதலுக்கு ஆளாகி வருகின்றன. லுஹான்ஸ்க் பகுதியில் ரஷிய படைகள் கை மேலோங்கி உள்ளது. 

வான்வழி தாக்குதலையும், பீரங்கி தாக்குதலையும் ரஷிய படைகள் தீவிரப்படுத்தியுள்ளது.  இதை உக்ரைன் படைத்தளபதி ஒப்புக்கொண்டுள்ளார். இதுகுறித்து பேசிய அவர், செவிரோடொனெட்ஸ்க் பகுதிகளில் நிலைமை மோசமாக உள்ளதாகவும் ஆனால் அதேநேரம் ஸ்திரமாக உள்ளதாகவும் தெரிவித்துள்ளார்.

போர் தொடங்கிய நாளில் இருந்து இதுவரையில் டொனெட்ஸ்க் பிராந்தியத்தில் மட்டுமே 150-க்கும் மேற்பட்ட குழந்தைகள் கொல்லப்பட்டுள்ளதாகவும்  நாடு முழுவதும் போரில் கொல்லப்பட்ட குழந்தைகளின் எண்ணிக்கை 240 ஆக அதிகரித்துள்ளதாகவும் தெரிவிக்கப்பட்டுள்ளது. 

இதனிடையே, உக்ரைனில் 2-வது பெரிய நகரமான கார்க்கில் ரஷிய படைகள் குண்டு வீச்சு நடத்தியுள்ளன. இதில் 4 பேர் கொல்லப்பட்டனர். உக்ரைனில் போர்க்குற்றங்கள் தொடர்பாக, ரஷிய பீரங்கிப்படையினர் அலெக்சாண்டர் பாபிகின், அலெக்சாண்டர் இவானோவ் ஆகியோர் மீது வழக்கு தொடரப்பட்டுள்ளது. இவர்கள் மீதான நீதிமன்ற விசாரணையின்போது, 12 ஆண்டுகள் சிறைத்தண்டனை வழங்க வேண்டும் என்று அரசு வழக்கறிஞர் தரப்பில் வாதிடப்பட்டது.

குற்றம் சாட்டப்பட்ட 2 பேரும் தங்கள் மீதான குற்றச்சாட்டை ஒப்புக்கொண்டுள்ள நிலையில் இவர்கள் மீதான வழக்கில் 31-ந்தேதி தீர்ப்பு வழங்கப்பட உள்ளது, நாட்டின் முதல் போர்க்குற்ற வழக்கில் ரஷிய படைவீரர் ஒருவருக்கு வாழ்நாள் சிறைத்தண்டனை சமீபத்தில் விதிக்கப்பட்டது நினைவு கூரத்தக்கது.

உலக அமைதி வேண்டி லடாக்கில் ஆயிரக்கணக்கான ஆண் மற்றும் பெண் புத்த துறவிகள் பேரணியாகச் சென்றனர்.

பல்வேறு மடங்களைச் சேர்ந்த இவர்கள் 'மொன்லம் சென்மோ' என்ற பெயரிலான பெரிய பிரார்த்தனை திருவிழாவை ஆண்டுதோறும் கொண்டாடுவது வழக்கம்.

கொரோனாவால் கடந்த 2 ஆண்டுகளாக ரத்து செய்யப்பட்டிருந்த நிலையில் இந்த ஆண்டு வழக்கம் போல் உலக அமைதிக்கான பிரார்த்தனையுடன் கொண்டாடப்பட்டது. 

லடாக்கில் மூன்றாவது திபெத்திய சந்திர மாதத்தில் இந்த விழா ஒவ்வொரு ஆண்டும்  5 நாட்கள் நடைபெறும் என்பது குறிப்பிடத்தக்கது.

இது குறித்து கூறிய ரஷ்ய நாடாளுமன்றத்தின் துணை சபாநாயகர் பியோட்டர் டால்ஸ்டாய், ரஷ்ய சொத்துகள் முடக்கம், பொருளாதாரத் தடைகள் போன்ற விவகாரங்களில், மேற்குலக நாடுகள் சர்வதேச விதிமுறைகளை கடைபிடிக்கவில்லை எனக் குற்றம் சாட்டியுள்ளார்.

இதனால், ரஷ்யா இனி சில சர்வதேச கடமைகளை நிறைவேற்றாது என்று அவர் கூறியுள்ளார். உக்ரைன் மீதான தாக்குதலைத் தொடர்ந்து, அமெரிக்கா, ஜப்பான் மற்றும் ஐரோப்பிய ஒன்றியம் உள்ளிட்ட உலக வர்த்தக அமைப்பின் உறுப்பு நாடுகள், மிகவும் சாதகமான நாடு என்ற வர்த்தக அந்தஸ்தில் இருந்து ரஷ்யாவை நீக்கியுள்ளன. 

இதற்கு பதிலடியாக சர்வதேச அமைப்புகளில் இருந்து விலகும் முடிவை ரஷ்யா எடுத்துள்ளதாக, உலக அரசியல் நோக்கர்கள் கருத்து தெரிவித்துள்ளனர்.  

உலக வர்த்தக அமைப்பு மற்றும் உலக சுகாதார அமைப்பு உள்ளிட்ட சர்வதேச அமைப்புகளில் இருந்து விலகுவது குறித்து பரிசீலித்து வருவதாக ரஷ்யா தெரிவித்துள்ளது. இது குறித்து கூறிய ரஷ்ய நாடாளுமன்றத்தின் துணை சபாநாயகர் பியோட்டர் டால்ஸ்டாய், ரஷ்ய சொத்துகள் முடக்கம், பொருளாதாரத் தடைகள் போன்ற விவகாரங்களில், மேற்குலக நாடுகள் சர்வதேச விதிமுறைகளை கடைபிடிக்கவில்லை எனக் குற்றம் சாட்டியுள்ளார்.

இதனால், ரஷ்யா இனி சில சர்வதேச கடமைகளை நிறைவேற்றாது என்று அவர் கூறியுள்ளார்.  உக்ரைன் மீதான தாக்குதலைத் தொடர்ந்து, அமெரிக்கா, ஜப்பான் மற்றும் ஐரோப்பிய ஒன்றியம் உள்ளிட்ட உலக வர்த்தக அமைப்பின் உறுப்பு நாடுகள், மிகவும் சாதகமான நாடு என்ற வர்த்தக அந்தஸ்தில் இருந்து ரஷ்யாவை நீக்கியுள்ளன. இதற்கு பதிலடியாக சர்வதேச அமைப்புகளில் இருந்து விலகும் முடிவை ரஷ்யா எடுத்துள்ளதாக, உலக அரசியல் நோக்கர்கள் கருத்து தெரிவித்துள்ளனர்.