2022ல் இந்தியாவிற்கு அனுப்பும் பணத்தின் தொகை பத்தாயிரம் கோடியை எட்டும் என எதிர்பார்க்கப்படுகிறது.  கடந்த ஆண்டுடன் ஒப்பிடுகையில், 7.5 சதவீதத்தில் இருந்து 12 சதவீதமாக அதிகரிக்கவும் வாய்ப்புள்ளது.

முன்னணியில் இந்தியா:

மற்ற நாடுகளுடன் ஒப்பிடுகையில், புலம்பெயர்ந்தோர் தங்கள் சொந்த நாட்டிற்கு பணம் அனுப்பும் பட்டியலில் இந்தியா முன்னணியில் உள்ளது.  2022ல் இந்தியா அனுப்பும் தொகை 100 பில்லியன் டாலரை எட்டும் என உலக வங்கி அறிக்கை கூறியுள்ளது.  கடந்த ஆண்டுடன் ஒப்பிடுகையில், பணம் அனுப்பும் விகிதம் 7.5 சதவீதத்தில் இருந்து 12 சதவீதமாக அதிகரிக்கலாம் எனவும் உலக வங்கி அறிவித்துள்ளது.  2021ல் இந்தியாவிற்கு 8900 கோடி பணம் வந்ததாகவும்,  ஆனால் அது 2022ல் பத்தாயிரம் கோடியை எட்டும் என்றும் அறிக்கை கூறியுள்ளது.   

இந்தியாவிற்கு அடுத்து:

அதே நேரத்தில், இந்தியாவுக்கு அடுத்தபடியாக, மெக்சிகோ, சீனா, பிலிப்பைன்ஸ், எகிப்து மற்றும் பாகிஸ்தான் ஆகிய நாடுகள் பணம் அனுப்புவதில் முதல் பத்து நாடுகளில் இருக்கும் என எதிர்பார்க்கப்படுவதாகவும் தெரிவித்துள்ளது.  இதில் மெக்சிகோவில் இருந்து 60 பில்லியன் டாலர், சீனாவில் இருந்து 51 பில்லியன் டாலர், பிலிப்பைன்சில் இருந்து 38 பில்லியன் டாலர், எகிப்தில் இருந்து 32 பில்லியன் டாலர், பாகிஸ்தானில் இருந்து 29 பில்லியன் டாலர்கள் வரும் என எதிர்பார்க்கப்படுகிறது எனவும் கூறியுள்ளது.

-நப்பசலையார்

இதையும் படிக்க:  இந்திய வரலாற்றில் முதல் முறையாக கேரளாவில்...

தோஹாவில் உள்ள இந்திய தூதரகம், கத்தாரில் இருந்து எட்டு முன்னாள் கடற்படை அதிகாரிகளை முன்கூட்டியே விடுவித்து, நாடு திரும்புவதற்கான அனைத்து முயற்சிகளையும் மேற்கொண்டு வருவதாக வெளியுறவு அமைச்சகம்  உறுதியளித்துள்ளது.  ஆனால் இவை அனைத்திற்கும் நடுவில் மற்றொரு அதிர்ச்சியான செய்தியை குடும்பத்தினர் தெரிவித்துள்ளனர்.

கத்தார் சிறையில்:

கத்தாரில் 90 நாட்களுக்கும் மேலாக சிறையில் அடைக்கப்பட்டிருந்த எட்டு முன்னாள் இந்திய கடற்படை வீரர்களின் விடுதலை பேச்சுவார்த்தை நிலையிலேயே உள்ளது.  பலமுறை முயற்சித்தும் இந்திய அரசால் கத்தாரின் பிடியில் இருந்து அவர்களை மீட்க முடியவில்லை. 

அதிர்ச்சி தகவல்:

ஆனால் இவை அனைத்திற்கும் நடுவில் மற்றொரு அதிர்ச்சியான செய்தியை சிறையிலிருப்பவர்களின் குடும்பத்தினர் தெரிவித்துள்ளனர்.  நீதிமன்றத்தில் விசாரணைக்கு பின், அனைத்து முன்னாள் கடற்படை வீரர்களின் காவல் மேலும் ஒரு மாதத்திற்கு நீட்டிக்கப்பட்டுள்ளதாக குடும்பத்தினர் கூறியுள்ளனர். அதாவது, இவர்களின் விடுதலை குறித்த நம்பிக்கை மீண்டும் ஒருமுறை பொய்த்துப் போய்விட்டது என்பதையே இது குறிக்கிறது.  

காரணம் என்ன?:

இவர்கள் அனைவரும் என்ன குற்றச்சாட்டின் பேரில் சிறையில் வைக்கப்பட்டுள்ளனர் என்பது குறித்த தகவல்கள் இதுவரை கிடைக்கப்பெறவில்லை என குடும்ப உறுப்பினர்கள் தெரிவித்துள்ளனர்.

கைதும் சிறையும்:

இந்தியக் கடற்படையின் எட்டு முன்னாள் ராணுவ வீரர்களும் ஆகஸ்ட் 30ஆம் தேதி இரவு காவலில் அடைக்கப்பட்டுள்ளனர்.  பின்னர் அவர்கள் அனைவரும் தனித்தனிச் சிறைகளில் அடைக்கப்பட்டுள்ளனர்.  மேலும் அவர்கள் மீதான குற்றச்சாட்டுகள் குறித்த தகவல்கள் எதுவும் இல்லை எனவும்  முன்கூட்டியே அவர்களை விடுதலை செய்ய வேண்டும் என்று கோரியும் அவரது குடும்பத்தினர் மத்திய அரசை தொடர்ந்து வலியுறுத்தி வருகின்றனர். 

யார்? யார்?:

கைது செய்யப்பட்டவர்களில் கமாண்டர் (ஓய்வு) பூர்ணேந்து திவாரி, 2019 இல் பிரவாசி பாரதி சம்மான் விருது பெற்ற இந்திய வெளிநாட்டவராவார்.  தகவல்களின்படி, பூர்ணந்து திவாரி இந்திய கடற்படையில் பல பெரிய கப்பல்களுக்கு தலைமை தாங்கியுள்ளார் எனத் தெரிகிறது.   

கைது செய்யப்பட்டவர்கள்  அனைவரும் பணி ஓய்விற்கு பிறகு கத்தாரில் உள்ள தனியார் நிறுவனத்தில் பணியாற்றி வந்துள்ளனர்.
ஊடக அறிக்கையின்படி, ஓய்வுக்குப் பிறகு, இந்த கடற்படையினர் அனைவரும் கத்தாரில் உள்ள ஒரு தனியார் நிறுவனத்தில் பணிபுரிந்தனர். 

முயற்சி செய்யுமா இந்தியா?:

அவர்கள் என்ன குற்றச்சாட்டின் பேரில் காவலில் வைக்கப்பட்டுள்ளனர் என்பது தெரியவில்லை எனக் குடும்ப உறுப்பினர்கள் தெரிவித்துள்ளனர்.  மேலும் அவர்களின் கைதால் நாங்கள் மிகவும் கவலையடைகிறோம் என்று கூறியுள்ளனர்.  என்ன குற்றச்சாட்டின் கீழ் கைது செய்யப்பட்டுள்ளனர் என்பது தெரியவில்லை எனவும் அதற்கான பதில் எங்களிடம் இல்லை? என்றும் கூறியுள்ளனர்.  

அவர்கள் காவலில் வைக்கப்பட்டு 90 நாட்களுக்கு மேல் ஆகிவிட்டது எனவும் அவர்களை விரைவில் விடுதலை செய்ய இந்திய அரசு முயற்சிக்க வேண்டும் எனவும் கோரிக்கை வைத்துள்ளனர்.

-நப்பசலையார்

இதையும் படிக்க:  அமெரிக்க தேர்தலில் மிகப்பெரிய மோசடியா....ஏமாற்றப்பட்டாரா ட்ரம்ப்?!!!

மயிலாடுதுறை | மத்தியகிழக்கு நாடான கத்தார் உலகளாவிய கால்பந்து போட்டியை உலக நாடுகள் பிரமிக்கும் வகையில் நேர்த்தியாக நடத்திவருகிறது. கால்பந்து போட்டிக்கான பிஃபா அங்கீகரிக்கப்பட்ட தீம் பாடல் மட்டுமின்றி, கத்தாரில் வசிக்கும் பல்வேறு நாட்டை சேர்ந்த ரசிகர்களும் தங்கள் சார்பாக தீம் பாடல்களை வெளியிட்டுள்ளனர்.  

உலகெங்கும் உள்ள கால்பந்து ரசிகர்களின் பார்வை கத்தார் தோகாவை நோக்கியே உள்ளது. கத்தாரில் பணி நிமித்தம் காரணமாக பல்லாயிரக்கணக்கான இந்தியர்கள் வசித்து வருகின்றனர். குறிப்பாக  தமிழர்கள் ஏராளமானோர் கத்தார் நாட்டில் பணிபுரிந்து வருகின்றனர். 

கத்தார் நாட்டுக்கு தமிழர்கள் சார்பில் நன்றி செலுத்தும் விதமாக கத்தார்-உலக கால்பந்து போட்டிக்காக கத்தார் தமிழர்கள் கலாச்சார பேரவை குன் ஷாகிரான் என்ற ஆங்கில தீம் பாடலை வெளியிட்டுள்ளது. இந்தப்பாடலை தமிழ்மகன் அவார்ட்ஸ்-ஸின் நிறுவனர் மயிலாடுதுறை மாவட்டம் குத்தாலத்தை சேர்ந்த சாதிக் பாட்ஷா என்பவர் இயக்கி உள்ளார். 

மேலும் படிக்க | உலகக்கோப்பை கால்பந்து..! அனல் பறந்த ஆடுகளம்..! காலிறுதி போட்டிக்கு முன்னேறிய அணி எது..! 

மயிலாடுதுறையைச் சேர்ந்த சாம் ஜோசப் என்பவரின் பாடல் வரி மற்றும் இசையில், சூப்பர் சிங்கர் புகழ் பாடகர் ஆனந்த்அரவிந்தாக்சன் பாடியுள்ளார். இந்த பாடலுக்கு அனைத்து நாட்டைச் சேர்ந்தவர்களும் பாராட்டு தெரிவித்து வருகின்றனர். தமிழர்கள் உருவாக்கிய குன் ஷாகிரான் பாடலை அங்கீகரிக்கும் விதமாக அந்நாட்டின் அமைச்சர் மற்றும் தூதரக அதிகாரிகள் முன்னிலையில் இந்த பாடல் வெளியிடப்பட்டுள்ளது. 

மேலும், கத்தார் மீடியா கார்பரேஷன் கத்தார் நாட்டின் பெருமைக்குரிய தேசிய தொலைக்காட்சியான கத்தார் டிவி மற்றும் பிரெஞ்சு, ஆங்கில, ஸ்பானிஷ் மற்றும் உருதுமொழி வானொலிகளிலும் ஒளிபரப்பி வருவது தமிழர்களை பெருமை படுத்தும் விதமாக அமைந்துள்ளது. முகநூலில் பதிவிடப்பட்ட இந்த வீடியோ பல ஆயிரம் லைக்குகளை அள்ளி வருகிறது. 

மேலும் படிக்க | திக் திக் நொடிகள்...முதல் காலிறுதிக்கு முன்னேறிய இரண்டு அணிகள்...! 

அமெரிக்காவின் 2020 தேர்தல் "பெரிய மோசடி".  அமெரிக்க அரசியலமைப்பை நீக்க வேண்டும் என்று அழைப்பு விடுத்துள்ளார் டொனால்ட் டிரம்ப்.

மீண்டும் மீண்டும்:

2024 தேர்தலில் போட்டியிடப் போவதாக அண்மையில் அறிவித்திருந்த அமெரிக்க முன்னாள் அதிபர் டொனால்ட் டிரம்ப் மீண்டும் 2020 தேர்தல் விவகாரத்தை எழுப்பியுள்ளார்.   2020 தேர்தல் "பெரிய மோசடி" என்று கூறி, அமெரிக்க அரசியலமைப்பை ஒழிக்க வேண்டும் என்றும் நாட்டு மக்களுக்கு அழைப்பு விடுத்துள்ளார்.  

மேலும் அவருக்கு எதிராக திரும்ப பெறப்படும் தொழில்நுட்ப நிறுவனங்கள் ஜனநாயகக் கட்சியினருடன் இணைந்து செயல்படுவதாக கூறியுள்ளார்.

டிரம்பின் குற்றச்சாட்டுகள் என்ன?:

ட்ரம்ப் தனது சமூக வலைப்பின்னல் செயலியான TruthSocialல் 2020 தேர்தல் பெரிய மோசடிகளால் சிதைக்கப்பட்டதாக எழுதியுள்ளார்.  இது அரசியலமைப்பில் காணப்படும் அனைத்து விதிகள் மற்றும் ஒழுங்குமுறைகளை சிதைக்கிறது எனக் கூறியுள்ளார்.  மேலும் ஜனநாயகக் கட்சியுடன் இணைந்து பெரிய தொழில்நுட்ப நிறுவனங்கள் அவருக்கு எதிராக  சதி செய்வதாக டிரம்ப் குற்றம் சாட்டியுள்ளார்.  

வெள்ளை மாளிகை கண்டனம்:

அரசியலமைப்பு மற்றும் அதன் அனைத்து கொள்கைகள் மீதான தாக்குதல் நமது தேசத்தின் ஆன்மாவிற்கு எதிரானது எனவும் இதுபோன்ற பேச்சுக்கள் வெறுக்கத்தக்கது எனவும் இது உலகளவில் கண்டிக்கப்பட வேண்டும் என்றும் டிரம்பின் பதிவிற்கு வெள்ளை மாளிகை கண்டனம் தெரிவித்துள்ளது.   

அரசியலமைப்பின் மிகப்பெரிய எதிரி: 

டிரம்ப்பின் எதிர்ப்பாளராக கருதப்படும் லிஸ் செனியும் டொனால்ட் டிரம்ப் மீது பெரிய விமர்சனத்தை முன்வைத்துள்ளார்.  2020 தேர்தல் முடிவை மாற்றியமைக்க அரசியலமைப்பின் அனைத்து விதிகள், ஒழுங்குமுறைகளை ரத்து செய்ய வேண்டும் என்று டிரம்ப் விரும்புகிறார்.  

அவர் கடந்த காலங்களிலும் இதே எண்ணத்தை தான் கொண்டிருந்தார் இன்றும் அதே எண்ணமாக உள்ளது போலும் எனவும் டிரம்ப் அரசியலமைப்பின் எதிரி என்பதை எந்த நேர்மையான நபரும் மறுக்க முடியாது. எனவும் அவர் கூறியுள்ளார்.

எதற்காக?:

ட்ரம்பின் தன்னுடைய இருப்பை மக்களிடம் தெரிவிக்கவே இதுபோன்ற கருத்துகளை தெரிவித்து வருகிறார் என அரசியல் விமர்சகர்கள் தெரிவித்துள்ளனர்.  மேலும் 2024 தேர்தலில் அவர் போட்டியிடப் போவதாக அறிவித்துள்ளதையும் இங்கு கவனிக்க வேண்டும் எனவும் விமர்சகர்கள் கூறியுள்ளனர்.

-நப்பசலையார்

இதையும் படிக்க:  ஏடிஎம் மோசடிகளில் இருந்து தப்பிக்க வேண்டுமா...இதோ சில எளிய வழிமுறைகள்!!!

நிலச்சரிவில் சிக்கியதாக அறிவிக்கப்பட்ட பேருந்து மற்றும் மோட்டார் சைக்கிளில் பயணித்தவர்களை மீட்புக் குழுவினர் தேடி வருகின்றனர். 

நிலச்சரிவு:

கொலம்பியாவில் மீண்டும் நிலச்சரிவு ஏற்பட்டுள்ளதாக செய்திகள் வெளியாகியுள்ளன.  இங்குள்ள சாலை ஒன்றில் நிலச்சரிவு ஏற்பட்டதில் 3 பேர் உயிரிழந்துள்ளனர்.  மேலும் 20 பேர் நிலச் சரிவில் சிக்கியிருப்பதாகவும், அவர்களை மீட்கும் பணிகள் நடைபெற்று வருவதாகவும் அதிகாரிகள் தெரிவித்துள்ளனர். 

மீட்பு பணிகள்:

அதிகாரிகளின் கூற்றுப்படி, நிலச்சரிவில் சிக்கியதாக அறிவிக்கப்பட்ட பேருந்து மற்றும் மோட்டார் சைக்கிளில் பயணித்தவர்களை மீட்புக் குழுவினர் தற்போது தேடி வருவதாக தெரிகிறது.  

இதற்கிடையில், கொலம்பியா அதிபர் குஸ்டாவோ பெட்ரோ கூறுகையில், இதுவரை ஒன்பது பேர் பாதுகாப்பாக வெளியேற்றப்பட்டுள்ளதாகவும், அதில் மூன்று பேர் உயிரிழந்துள்ளதாகவும் தெரிவித்துள்ளார்.   சுமார் 20 பேரைக் காணவில்லை எனவும் அரசு தரப்பில் தெரிவிக்கப்பட்டுள்ளது.

காரணம் என்ன:

கொலம்பியாவின் சிவில் பாதுகாப்பு அதிகாரி ஒருவர் கூறுகையில், பேருந்தில் சுமார் 25 பயணிகள் இருந்தனர் எனக் கூறியுள்ளார்.  ஆகஸ்ட் மாதம் தொடங்கிய மழையால், கொலம்பியா கடந்த 40 ஆண்டுகளில் இல்லாத மோசமான வானிலையை எதிர்கொண்டு வருகிறது எனவும் இதுபோன்ற வெவ்வேறு சம்பவங்களில் இதுவரை 270 பேர் உயிரிழந்துள்ளதாகவும் அவர் தெரிவித்துள்ளார்.

-நப்பசலையார்

இதையும் படிக்க:  ஏடிஎம் மோசடிகளில் இருந்து தப்பிக்க வேண்டுமா...இதோ சில எளிய வழிமுறைகள்!!!