மீன ராசிக்கு அதிர்ஷ்டம் தேடி வரப்போகிறது! தொழில் லாபம், புதிய வீடு, திருமண யோகம்... ராகு-கேது பெயர்ச்சி 2026 பலன்கள்!

நீண்ட நாட்களாக வேலை தேடுபவர்களுக்கு தகுதிக்கேற்ற வேலை கிடைக்க வாய்ப்புள்ளது...
Meena Rasi Palan 2026
Meena Rasi Palan 2026
Published on: 
Updated on: 
2 min read

மீன ராசிக்காரர்களுக்கு 2026ஆம் ஆண்டு நடைபெறவுள்ள ராகு–கேது பெயர்ச்சி பல்வேறு நன்மைகளை வழங்கும் காலமாக அமையலாம் என ஜோதிடக் கணிப்புகள் தெரிவிக்கின்றன. குறிப்பாக, நீண்ட நாட்களாக இருந்து வந்த மனக்குழப்பங்கள் குறைந்து, தன்னம்பிக்கை அதிகரிக்கும். தொழில், வேலை, வருமானம், குடும்பம் எனப் பல்வேறு விஷயங்களில் முன்னேற்றத்திற்கான வாய்ப்புகள் உருவாகலாம்.

2026 நவம்பர் 13ஆம் தேதி நடைபெறும் இந்தப் பெயர்ச்சியில், மீன ராசிக்கு பன்னிரண்டாம் இடமான விரய ஸ்தானத்தில் இருந்த ராகு பதினொன்றாம் இடமான லாப ஸ்தானத்திற்கு மாறுகிறார். ஆறாம் இடமான ருணம், ரோகம், சத்ரு ஸ்தானத்தில் இருந்த கேது ஐந்தாம் இடமான பூர்வ புண்ணிய ஸ்தானத்திற்கு மாறுகிறார். இதனால் வருமானம், தொழில் வளர்ச்சி, நண்பர்களின் ஆதரவு போன்றவற்றில் சாதகமான மாற்றங்கள் ஏற்படலாம்.

பூரட்டாதி நட்சத்திரத்தின் நான்காம் பாதத்தில் பிறந்தவர்களுக்கு இந்தப் பெயர்ச்சி எதிர்பாராத பணவரவையும் தொழில் முன்னேற்றத்தையும் அளிக்கலாம். இதுவரை தடைப்பட்டிருந்த வேலைகள் நிறைவேறுவதுடன், நண்பர்கள் மற்றும் உறவினர்களின் உதவியும் கிடைக்கலாம். குடும்பத்தில் திருமணம் போன்ற சுப நிகழ்ச்சிகள் நடைபெற வாய்ப்புள்ளது. பூர்வீகச் சொத்து தொடர்பான விஷயங்களிலும் சாதகமான முடிவுகள் கிடைக்கலாம்.

உத்திரட்டாதி நட்சத்திரத்தில் பிறந்தவர்களுக்கு மனதில் புதிய நம்பிக்கையும் உற்சாகமும் ஏற்படலாம். நீண்ட நாட்களாக வேலை தேடுபவர்களுக்கு தகுதிக்கேற்ற வேலை கிடைக்க வாய்ப்புள்ளது. தொழில் செய்பவர்களுக்கு புதிய ஒப்பந்தங்கள் மூலம் லாபம் கிடைக்கலாம். வெளிநாடு செல்லும் முயற்சிகளும் கைகூடலாம். திருமண வயதில் இருப்பவர்களுக்கு நல்ல வரன் அமைய வாய்ப்புள்ளது. இருப்பினும், குடும்பத்தில் சிறிய கருத்து வேறுபாடுகள் ஏற்பட்டால் கோபப்படாமல் பேச்சுவார்த்தை மூலம் தீர்வு காண்பது நல்லது.

ரேவதி நட்சத்திரத்தில் பிறந்தவர்களுக்கு வேலைவாய்ப்பு மற்றும் பணவரவில் சாதகமான சூழல் உருவாகலாம். நீண்ட நாட்களாக வேலை தேடுபவர்களுக்கு நல்ல செய்தி கிடைக்கலாம். உறவினர்களின் வருகை, சுப நிகழ்ச்சிகளில் பங்கேற்பது போன்ற மகிழ்ச்சியான சம்பவங்கள் நடைபெறலாம். உத்தியோகத்தில் இருப்பவர்கள் தங்கள் பணிகளில் கூடுதல் கவனம் செலுத்துவது அவசியம்.

வியாபாரிகளுக்கு போட்டியாளர்களால் ஏற்பட்ட நெருக்கடிகள் குறைந்து, புதிய வாடிக்கையாளர்கள் கிடைக்கலாம். இருப்பினும், தேவைக்கு அதிகமாகப் பொருட்களை வாங்குவதையும், வாடிக்கையாளர்களிடம் வரவேண்டிய பணத்தை நிலுவையில் விடுவதையும் தவிர்க்க வேண்டும். மாணவர்களுக்கு படிப்பில் ஆர்வம் அதிகரித்து, உயர்கல்விக்காக வெளிநாடு செல்லும் வாய்ப்பும் கிடைக்கலாம்.

கலைத்துறையினருக்கு புதிய வாய்ப்புகள், விருதுகள் மற்றும் பாராட்டுகள் கிடைக்கலாம். மீன ராசிக்காரர்களுக்கு இந்தப் பெயர்ச்சி வருமான வளர்ச்சி, தொழில் முன்னேற்றம், குடும்ப மகிழ்ச்சி ஆகியவற்றுக்கு வழிவகுக்கும் காலமாக அமையலாம். பரிகாரமாக, ஒவ்வொரு சஷ்டி நாளிலும் முருகப்பெருமானுக்கு பாலபிஷேகம் செய்து வழிபடலாம். தினமும் 15 முறை “ஓம் ஷம் ஷண்முகாய நம” என்ற மந்திரத்தைச் சொல்லலாம் என ஜோதிடப் பரிகாரம் தெரிவிக்கிறது.

குறிப்பு: இந்தப் பலன்கள் 13 நவம்பர் 2026 என்ற வாக்கியப் பஞ்சாங்கக் கணிப்பை அடிப்படையாகக் கொண்டவை. திருக்கணிதப் பஞ்சாங்கத்தில் பெயர்ச்சி தேதி 5 டிசம்பர் 2026 எனக் குறிப்பிடப்படுகிறது. தனிப்பட்ட ஜாதகத்தைப் பொறுத்து பலன்கள் மாறுபடலாம்.

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.