2026-ஆம் ஆண்டின் ராஜயோக ராசிகள்!

ஒவ்வொரு புத்தாண்டு பிறக்கும்போதும் மனித மனங்களில் புதிய நம்பிக்கைகளும் எதிர்பார்ப்புகளும் துளிர்விடுவது இயல்பு. அந்த வகையில் 2026 ஆம் ஆண்டு பல ராசிக்காரர்களுக்கு ஒரு திருப்புமுனை ஆண்டாக அமையப்போகிறது. கிரகங்களின் சஞ்சாரத்தைப் பொறுத்தவரை, இந்த ஆண்டு சனி பகவான் மீனம் ராசியில் சஞ்சரிப்பதும், குரு பகவான் தனது நிலைகளை மாற்றுவதும் பல ராசிகளுக்குப் பொற்காலத்தைத் தொடங்கி வைக்கவுள்ளது. குறிப்பாகச் சில ராசிக்காரர்கள் கடந்த சில ஆண்டுகளாக அனுபவித்து வந்த இன்னல்கள் நீங்கி, புதிய பாதையில் பயணிக்கத் தொடங்கும் ஆண்டாக இது இருக்கும் என்று ஜோதிட வல்லுநர்கள் கணிக்கின்றனர்.

இந்த ஆண்டில் அதிர்ஷ்டக் காற்று பலமாக வீசப்போகும் முதல் ராசியாக ரிஷபம் விளங்குகிறது. ரிஷப ராசிக்காரர்களுக்குத் தொழில் மற்றும் உத்தியோகத்தில் எதிர்பாராத முன்னேற்றங்கள் காத்திருக்கின்றன. வேலையில்லாதவர்களுக்கு நல்ல நிறுவனத்தில் பணி கிடைப்பதோடு, ஏற்கனவே பணியில் இருப்பவர்களுக்குப் பதவி உயர்வும் ஊதிய உயர்வும் தேடி வரும். பொருளாதார ரீதியாக நீங்கள் எடுக்கும் முயற்சிகள் அனைத்தும் வெற்றியைத் தரும். குறிப்பாக நிலம் மற்றும் சொத்து தொடர்பான முதலீடுகளில் உங்களுக்குப் பெரும் லாபம் கிடைக்க வாய்ப்புள்ளது. உங்கள் நீண்ட காலத் திட்டங்களைச் செயல்படுத்த 2026 ஆம் ஆண்டு மிகவும் உகந்த காலமாகும்.

அடுத்ததாகக் கன்னி ராசிக்காரர்களுக்கு இந்த ஆண்டு ஒரு 'கேம் சேஞ்சர்' என்று சொல்லலாம். கடந்த காலங்களில் நிலவி வந்த மந்தநிலை நீங்கி, உங்கள் வாழ்வில் சுறுசுறுப்பு கூடும். வெளிநாடு செல்ல வேண்டும் என்ற உங்கள் கனவு இந்த ஆண்டு நனவாக வாய்ப்புகள் அதிகம் உள்ளன. சொந்தத் தொழில் தொடங்கும் எண்ணம் இருப்பவர்களுக்குத் தகுந்த முதலீடுகளும் சரியான கூட்டாளிகளும் அமைவார்கள். மாணவர்களுக்குக் கல்வியில் அபாரமான முன்னேற்றம் கிடைக்கும். உங்கள் விடாமுயற்சிக்கு உரிய பலனைத் தரும் ஆண்டாக 2026 அமையும் என்பதில் ஐயமில்லை. நிதி நெருக்கடிகள் முற்றிலுமாக மறைந்து உங்கள் சேமிப்பு உயரும்.

தனுசு ராசிக்காரர்களுக்கு 2026 ஆம் ஆண்டு ஆடம்பரமான வசதிகளைத் தரும் ஆண்டாக அமையும். புதிய வாகனம் வாங்குவது அல்லது உங்கள் வீட்டைப் புதுப்பிப்பது போன்ற மங்களகரமான காரியங்கள் கைகூடும். குடும்பத்தில் நிலவி வந்த தேவையற்ற குழப்பங்கள் நீங்கி, அமைதி திரும்பும். குறிப்பாக உங்கள் வாழ்க்கைத் துணையுடன் இருந்து வந்த கருத்து வேறுபாடுகள் மறைந்து ஒற்றுமை பலப்படும். உறவினர்களிடையே உங்கள் செல்வாக்கு உயரும். உங்கள் பேச்சாற்றலால் பல சிக்கலான காரியங்களை எளிதில் முடித்துவிடுவீர்கள். திடீர் பணவரவு மற்றும் அதிர்ஷ்டங்கள் உங்களைத் தேடி வரும்.

இறுதியாக மகர ராசிக்காரர்களுக்குப் பொருளாதார நிலையில் மிகப்பெரிய மாற்றம் உண்டாகும். நான்கு கிரகங்களின் சேர்க்கை மற்றும் சாதகமான கிரக நிலைகளால் உங்கள் வருமானம் பல வழிகளில் பெருகும். தொழிலில் புதிய ஒப்பந்தங்கள் கையெழுத்தாகும். நீங்கள் நீண்ட நாட்களாக எதிர்பார்த்துக்கொண்டிருந்த பழைய நிலுவைத் தொகைகள் வசூலாகும். உங்கள் ஆரோக்கியத்திலும் நல்ல முன்னேற்றம் காணப்படும். எதிலும் சற்று நிதானத்துடனும் திட்டமிடலுடனும் செயல்பட்டால், 2026 ஆம் ஆண்டு உங்கள் வாழ்நாளின் மறக்க முடியாத வெற்றிகரமான ஆண்டாக அமையும் என்பதில் சந்தேகமில்லை.

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.