.png)
லக்னோ சூப்பர் ஜெயண்ட்ஸ் அணிக்கு எதிரான ஐபிஎல் போட்டியில் கொல்கத்தா நைட் ரைடர்ஸ் அணியின் அதிரடி ஆட்டக்காரர் ரிங்கு சிங், முன்னாள் கேப்டன் எம்.எஸ்.தோனியின் 15 ஆண்டுகால சாதனையைத் தகர்த்து புதிய வரலாறு படைத்துள்ளார். இந்தப் போட்டியில் அபாரமாக விளையாடிய ரிங்கு சிங், 51 பந்துகளில் 7 பவுண்டரிகள் மற்றும் 5 சிக்சர்களுடன் 83 ரன்கள் எடுத்து ஆட்டமிழக்காமல் இருந்தார். சுனில் நரைனுடன் இணைந்து 62 ரன்கள் பார்ட்னர்ஷிப் அமைத்த அவர், கொல்கத்தா அணியின் ஸ்கோரை 150 ரன்களுக்கு மேல் கொண்டு சென்றார். இதன் மூலம் ஐபிஎல் வரலாற்றில் 6-வது வரிசையில் களமிறங்கி அதிக ரன்கள் எடுத்த வீரர் என்ற சாதனையை ரிங்கு சிங் படைத்துள்ளார். இதற்கு முன்பு 2011-ல் ஆர்சிபி அணிக்கு எதிராக தோனி எடுத்த 70 ரன்களே சாதனையாக இருந்தது.
ரிங்கு சிங்கின் இந்த சாதனை ஒருபுறம் கொண்டாடப்பட்டாலும், சென்னை சூப்பர் கிங்ஸ் ரசிகர்களுக்கு ஒரு கசப்பான செய்தி காத்திருக்கிறது. சிஎஸ்கே அணியின் முன்னாள் கேப்டன் எம்.எஸ்.தோனி காயத்தில் இருந்து மீண்டு வருவது மேலும் தாமதமாகும் என்று அந்த அணியின் தலைமை பயிற்சியாளர் ஸ்டீபன் பிளெமிங் தெரிவித்துள்ளார். பயிற்சிப் போட்டியின் போது தோனிக்கு தசைநார் பகுதியில் மீண்டும் காயம் ஏற்பட்டுள்ளதே இதற்கு முக்கியக் காரணமாகச் சொல்லப்படுகிறது. நடப்பு ஐபிஎல் தொடரில் தோனி இல்லாமல் இதுவரை சிஎஸ்கே அணி 8 போட்டிகளில் விளையாடியுள்ள நிலையில், அவரது வருகைக்காக ரசிகர்கள் ஆவலுடன் காத்திருக்கின்றனர்.
தோனியின் உடல்நிலை குறித்துப் பேசிய பிளெமிங், அவர் மீண்டும் விளையாட மிகவும் ஆர்வமாக இருப்பதாகத் தெரிவித்தார். ஆனால் தசைநார் காயம் என்பது மிகவும் சிக்கலானது என்றும், அவசப்பட்டு களம் இறங்கினால் காயம் மீண்டும் தீவிரமடைந்து மொத்தத் தொடரையும் பாதிக்கும் என்பதால் மருத்துவக் குழுவினர் எச்சரிக்கையாக இருப்பதாகவும் அவர் கூறினார். முதலில் இரண்டு வாரங்களில் தோனி குணமடைந்து விடுவார் என்று எதிர்பார்க்கப்பட்டது, ஆனால் மீண்டும் ஏற்பட்ட காயம் காரணமாக அவர் முழுமையாக குணமடைய கூடுதல் காலம் தேவைப்படுவதாகப் பயிற்சியாளர் விளக்கம் அளித்துள்ளார்.
தற்போது தோனி அணியின் பிசியோதெரபிஸ்டுகளுடன் இணைந்து தீவிரப் பயிற்சியில் ஈடுபட்டு வருகிறார். மைதானத்தில் அவர் விக்கெட் கீப்பிங் பயிற்சி செய்வதைப் பார்த்த ரசிகர்கள், அவர் விரைவில் மும்பை இந்தியன்ஸ் அணிக்கு எதிரான போட்டியில் களம் இறங்குவார் என்று எதிர்பார்த்தனர். ஆனால் பிளெமிங் கொடுத்த தகவலின்படி, அவர் அடுத்த போட்டியில் விளையாடுவதற்கான வாய்ப்பு மிகக் குறைவாகவே தெரிகிறது. அடுத்த 5 நாட்கள் இடைவேளையில் அவரது முன்னேற்றம் தொடர்ந்து கண்காணிக்கப்படும் என்றும், அவர் முழு உடல் தகுதியைப் பெற்ற பின்னரே களம் இறங்குவார் என்றும் பிளெமிங் தெளிவுபடுத்தியுள்ளார்.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.
