.png)
இந்தியாவில் ஐபிஎல் கிரிக்கெட் ஜுரம் எந்த அளவிற்கு இருக்கிறது என்பது நாம் அனைவரும் அறிந்ததே. மைதானத்தில் அமர்ந்து தங்களுக்குப் பிடித்தமான அணியை உற்சாகப்படுத்த ரசிகர்கள் மாதக்கணக்கில் காத்திருந்து டிக்கெட் முன்பதிவு செய்வதும், அலுவலகத்தில் விடுப்பு எடுத்துக்கொண்டு போட்டிகளைப் பார்ப்பதும் இங்கு சாதாரணமாக நடக்கும் விஷயங்கள். ஆனால், இந்த சீசனில் மைதானத்தில் விளையாடும் வீரர்களுக்கு இணையாக, அவர்களின் மனைவிகளும் தங்களின் தனித்துவமான ஸ்டைல் மற்றும் ஆடம்பரமான அணிகலன்களால் சமூக வலைதளங்களில் ட்ரெண்டாகி வருகின்றனர்.
குறிப்பாக, கிரிக்கெட் நட்சத்திரங்களின் மனைவிகள் சாதாரண உடைகளில் வந்தாலும், அவர்கள் கையில் கட்டியிருக்கும் வாட்ச்களின் விலை தற்போது இணையதளத்தையே அதிர வைத்துள்ளது. கடந்த ஏப்ரல் 24-ஆம் தேதி நடந்த ஆர்சிபி மற்றும் குஜராத் அணிகளுக்கு இடையிலான போட்டியின் போது, அனுஷ்கா சர்மா சுமார் 28 லட்சம் ரூபாய் மதிப்புள்ள 'கார்டியர்' (Cartier) பிராண்ட் வாட்ச்சை அணிந்து வந்திருந்தார். அதேபோல், ஏப்ரல் 23-ஆம் தேதி நடந்த சிஎஸ்கே மற்றும் மும்பை இந்தியன்ஸ் மோதலின் போது, சாக்ஷி தோனி கையில் கட்டியிருந்த வாட்ச் அனைவரையும் வாய் பிளக்க வைத்துள்ளது.
தோனியின் மனைவி சாக்ஷி அணிந்திருந்த அந்தப் பச்சை நிற வாட்ச் 'ரிச்சர்ட் மில்லே' (Richard Mille) என்ற உலகப்புகழ் பெற்ற பிராண்டைச் சேர்ந்தது. இதன் இந்திய மதிப்பு சுமார் 3.1 கோடி ரூபாய் என்று கூறப்படுகிறது. அந்தப் போட்டியின் போது சாக்ஷி மிகவும் எளிமையான பூக்கள் டிசைன் செய்த சுடிதார் அணிந்து வந்திருந்தார். மிகக் குறைவான மேக்கப் மற்றும் எளிமையான சிகையலங்காரத்துடன் அவர் காட்சியளித்தாலும், கேமராவின் கண்கள் அவரது கையில் இருந்த அந்தத் தனித்துவமான வாட்ச் மீதே நிலைத்திருந்தது.
இந்த வாட்ச் வெறும் விலையுயர்ந்த பொருள் மட்டுமல்ல, இது ஒரு தொழில்நுட்ப அதிசயம் என்றும் சொல்லலாம். தென் ஆப்பிரிக்க ஒலிம்பிக் வீரர் வேட் வான் நீகெர்க்கின் கௌரவத்திற்காக இந்த மாடல் உருவாக்கப்பட்டது. தென் ஆப்பிரிக்க தேசியக் கொடியின் வண்ணங்களைக் குறிக்கும் வகையில் மஞ்சள் மற்றும் பச்சை நிறங்களில் இது வடிவமைக்கப்பட்டுள்ளது. அதிநவீன தொழில்நுட்பத்துடன் உருவாக்கப்பட்ட இந்த வாட்ச், மிகவும் லேசான எடை கொண்டது மற்றும் அதிர்ச்சிகளைத் தாங்கும் திறன் கொண்டது என்பது குறிப்பிடத்தக்கது.
சுவிட்சர்லாந்து நாட்டைச் சேர்ந்த இந்த வாட்ச் தயாரிப்பு நிறுவனம், விளையாட்டு வீரர்களுக்காகவே பிரத்யேகமாக மிக நுணுக்கமான வேலைப்பாடுகளுடன் இத்தகைய வாட்ச்களைத் தயாரிக்கிறது. சாக்ஷி அணிந்திருந்த இந்த வாட்ச்சில் கைகளாலேயே மெருகூட்டப்பட்ட வைர வேலைப்பாடுகள் மற்றும் மென்மையான பாகங்கள் பொருத்தப்பட்டுள்ளன. இதில் எந்தவிதமான பூட்டுகளும் (Clasp or Buckle) இல்லாமல், மணிக்கட்டில் கச்சிதமாகப் பொருந்தக்கூடிய எலாஸ்டிக் ஸ்டிராப் பயன்படுத்தப்பட்டுள்ளது
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.
