மிக்ஜாம் புயல் மற்றும் வெள்ள பாதிப்பு காரணமாக, சென்னையில் நடைபெற இருந்த ஃபார்முலா 4 கார் பந்தயம் கால வரையரையின்றி ஒத்திவைக்கப்படுவதாக தமிழ்நாடு அரசு அறிவித்துள்ளது.

சென்னை தீவுத் திடலில், வருகின்ற 9 மற்றும் 10 ஆகிய தேதிகளில் ஃபார்முலா 4 கார் பந்தயம் நடைபெறுவதாக அறிவிக்கப்பட்டு, அதற்கான சாலைகளை பந்தய களமாக மாற்றும் பணிகள் தீவிரமாக நடைபெற்று வந்தன.

இதையும் படிக்க : ”அனைவரும் ஒரு திருமணத்தையாவது உத்தரகண்ட் மாநிலத்தில் நடத்த வேண்டும்” - பிரதமர் மோடி

இந்நிலையில், மிக்ஜாம் புயல் மற்றும் வெள்ள பாதிப்பு காரணமாக, கார் பந்தயம் வரும் 15, 16 தேதிகளில் நடைபெறும் என்று தமிழ்நாடு அரசு அறிவித்திருந்தது.

ஆனால், புயல் காரணமாக பொதுமக்கள் பெரிதும் பாதிக்கப்பட்டுள்ள நிலையில், ஃபார்முலா 4 கார் பந்தயம் காலவரையின்றி, எந்தத் தேதியும் குறிப்பிடப்படாமல் ஒத்திவைக்கப்படுவதாக தமிழ்நாடு அரசு வெளியிட்டுள்ள செய்திக்குறிப்பில் தெரிவிக்கப்பட்டுள்ளது. 

புயல் எதிரொலியாக சேலத்தில் நடைபெற இருந்த திமுக இளைஞர் அணி மாநாடு ஒத்திவைக்கப்பட்டுள்ளது.

திமுக இளைஞர் அணி மாநாடு சேலத்தில், வரும் 17-ம் தேதி நடைபெறும் என்று அறிவிக்கப்பட்ட நிலையில், அதற்கான பணிகள் பிரம்மாண்டமாக ஏற்பாடு செய்யப்பட்டு வந்தது.

இதையும் படிக்க : ”அனைவரும் ஒரு திருமணத்தையாவது உத்தரகண்ட் மாநிலத்தில் நடத்த வேண்டும்” - பிரதமர் மோடி

இந்நிலையில், மிக்ஜாம் புயல் மற்றும் வெள்ளத்தால் பாதிக்கப்பட்ட மக்களை மீட்கும் பணியும், நிவாரணம் வழங்கும் பணியும் தீவிரமாக நடைபெற்று வருவதால், 17 ஆம் தேதி நடைபெறவிருந்த திமுக இளைஞர் அணி மாநாடு, வரும் 24 ஆம் தேதி ஒத்திவைக்கப்படுவதாக அக்கட்சியின் தலைமைக் கழகம் அறிவித்துள்ளது.

சாட்சியம் அளிக்க நீதிமன்றத்தில் ஆஜராவதில் இருந்து விலக்கு அளிக்கக்கோரி எடப்பாடி பழனிசாமி கூறும் காரணங்கள் ஏற்றுக்கொள்ளும் படியாக இல்லை என சென்னை உயர் நீதிமன்றம்  தெரிவித்துள்ளது. 

கோடநாடு கொலை கொள்ளை வழக்கில் தன்னை தொடர்புபடுத்தி வீடியோ வெளியிட்ட  பத்திரிகையாளர் மற்றும் அவ்வழக்கில் குற்றம் சாட்டப்பட்டவர்களுக்கு எதிராக, 1 கோடியே 10 லட்ச ரூபாய் மானநஷ்ட ஈடு கோரி  அதிமுக பொதுசெயலாளர் எடப்பாடி பழனிசாமி சென்னை உயர் நீதிமன்றத்தில் வழக்கு தொடர்ந்தார். இந்த வழக்கில் சாட்சியங்களை பதிவு செய்வதற்காக வழக்கை மாஸ்டர் நீதிமன்றத்திற்கு அனுப்பிவைத்து சென்னை உயர் நீதிமன்றம் உத்தரவிட்டிருந்தது.

இந்த நிலையில், உயர் நீதிமன்ற வளாகத்தில் உள்ள மாஸ்டர் நீதிமன்றத்தில் நேரில் ஆஜராகி சாட்சியம் அளிக்க இயலாது எனவும்,  தமது வீட்டில் சாட்சியத்தை பதிவுசெய்ய வழக்கறிஞர் ஆணையரை நியமிக்க வேண்டுமெனவும் கோரி எடப்பாடி பழனிசாமி சென்னை உயர் நீதிமன்றத்தில் மனுத்தாக்கல் செய்திருந்தார்.

இதையும் படிக்க : ”அனைவரும் ஒரு திருமணத்தையாவது உத்தரகண்ட் மாநிலத்தில் நடத்த வேண்டும்” - பிரதமர் மோடி

அந்த மனுவை ஏற்ற உயர்நீதிமன்றம், நேரில் ஆஜராகி சாட்சியம் அளிக்க எடப்பாடி பழனிசாமிக்கு விலக்கு அளித்தோடு, இந்த நடைமுறையை அவரது வீட்டில் மேற்கொள்வதற்காக வழக்கறிஞர் ஆணையராக எஸ்.கார்த்திகை பாலனை நியமித்தது. இந்த உத்தரவை எதிர்த்து  மேத்யூ சாமுவேல் தாக்கல் செய்த மேல்முறையீட்டு மனு தாக்கல் செய்தார். வழக்கு நீதிபதிகள் ஆர்.மகாதேவன், முகமது ஷஃபிக் அமர்வில் இன்று மீண்டும் விசாரணைக்கு வந்தது. 

அப்போது, எதன் அடிப்படையில் ஆஜராவதில் இருந்து விலக்கு கோருகிறீர்கள் என நீதிபதிகள் கேள்வி எழுப்பினர். இதற்கு பதிலளித்த எடப்பாடி பழனிசாமி தரப்பு மூத்த வழக்கறிஞர் எஸ்.ஆர்.ராஜகோபால், காலில் ஏற்பட்டுள்ள காயம் மற்றும் பாதுகாப்பு காரணங்கள் ஆகியவற்றை அடிப்படையாக கொண்டு விலக்கு கோரப்பட்டதாக தெரிவித்தார். உடல் நிலை காரணத்தைத் தவிர பிற காரணங்கள் ஏற்றுக்கொள்ளும்படியாக இல்லை என்றும், சட்டத்தின் முன் அனைவரும் சமம் என்றும் நீதிபதிகள் கருத்து தெரிவித்தனர்.

இதனையடுத்து, இது குறித்து விரிவாக வாதிட அனுமதிக்க வேண்டுமென மூத்த வழக்கறிஞர் எஸ்.ஆர். ராஜகோபால் கேட்டுக்கொண்டார். இதனை ஏற்றுக்கொண்ட நீதிபதிகள் வழக்கின் விசாரணையை டிசம்பர் 15ம் தேதிக்கு ஒத்திவைத்தார்.

சென்னை ஐயப்பன்தாங்கல், பரணிபுதூர் பகுதியில் மழை நீர் வடியாததால் பொதுமக்கள் கடும் அவதிக்குள்ளாகியுள்ளனர். 

மிக்ஜாம் புயல் பாதிப்பால்  சென்னையில் பல்வேறு இடங்களில் மழைநீர் தேங்கி இருக்கும் நிலையில், அதனை அகற்றும் பணி தொடர்ச்சியாக நடைபெற்று வருகிறது. ஆனால் பல பகுதிகளில் தற்போது வரையிலும் மழைநீர் வடியாததால் பொதுமக்களின் இயல்பு வாழ்க்கை முற்றிலும் பாதிக்கப்பட்டுள்ளது. 

குறிப்பாக சென்னை ஐயப்பன்தாங்கல், பரணிபுதூர், அம்பேத்கர் நகர், ஆலமரம் உள்ளிட்ட பகுதியில் தொடர்ந்து நான்கு நாட்களாக பெய்த கனமழையின் காரணமாக வீடுகளுக்குள் புகுந்த மழை நீரால் பொதுமக்கள் வெளியே வர முடியாமல் தவித்து வருகின்றனர். மழை நீருடன் சேர்ந்து கழிவு நீரும் கலந்திருப்பதால் சுகாதார சீர்கேடு ஏற்பட்டுள்ளது.   

பாம்பு, பூரான் உள்ளிட்ட விஷ பூச்சிகள் தண்ணீருடன் சேர்ந்து வீட்டிற்குள் வருவதால் குழந்தைகளை வைத்துக்கொண்டு அச்சத்துடன் இருப்பதாக குற்றச்சாட்டியுள்ள பொதுமக்கள், அதிகாரிகள் உடனடியாக நீரை அகற்றி, வரும் காலங்களில் நீர் தேங்காமல் இருக்க நிரந்த தீர்வு காண வேண்டும் என கோரிக்கை விடுத்துள்ளனர். 

இதேபோல் பட்டாளம் பகுதியில் மழை நீருடன் கழிவுநீர் தேங்கியுள்ளதால் நோய் பரவும் அபாயம் இருப்பதாக பொதுமக்கள் வேதனை தெரிவிக்கின்றனர். மேலும் மின்சாரம் துண்டிக்கப்பட்டுள்ளதால் இன்று காலை உடல் நலக்குறைவு காரணமாக உயிரிழந்த நபரின் இறுதி சடங்கு ஜெனரேட்டர் வைத்து நடத்தப்பட்ட சம்பவம் தங்களுக்கு மேலும் மன உளைச்சலை ஏற்படுத்தியுள்ளதாக அப்பகுதி மக்கள் வேதனை தெரிவிக்கின்றனர். 

நிசர்வ் வங்கியின் நிதிக் கொள்கைக் குழு கூட்டத்தில் வங்கிகளுக்கான ரெப்போ வட்டி விகிதத்தில் எந்தவிதமான மாற்றமும் இல்லை என ரிசர்வ் வங்கி ஆளுநர் சக்திகாந்த தாஸ் கூறியுள்ளார்.

ரிசர்வ் வங்கி ஆளுநர் சக்திகாந்த தாஸ் தலைமையில் டிசம்பர் 6ம் தேதி முதல் இன்று வரை ஆர்பிஐயின் நிதிக் கொள்கைக் குழு கூட்டம் நடைபெற்றது. 

இக்கூட்டத்திற்கு பிறகு செய்தியாளர்களை சந்தித்த ரிசர்வ் வங்கி ஆளுநர் சக்திகாந்த தாஸ், வங்கிகளுக்கு வழங்கப்படும் கடன்களுக்கு விதிக்கப்படும் ரெப்போ ரேட் எனப்படும் வட்டி விகிதத்தில் எந்தவிதமான மாற்றமும் செய்யபடவில்லை என்று கூறினார். 6 உறுப்பினர்களை கொண்ட நிதி கொள்கை கூட்ட குழுவில் 5 பேர் வட்டி விகித உயர்வுக்கு எதிராக வாக்களித்ததால் இந்த முறையும் ஏற்கனவே இருந்த 6.5 சதவிகிதம் என்ற நிலையிலேயே தொடரும் என அறிவித்தார்.

இதையும் படிக்க : ”அரசு குறித்து குறை சொல்வதை விடுத்து மக்களை காப்பாற்றுவோம்” - கமல்ஹாசன்

இதன் விளைவாக நிலையான வைப்புத் தொகைக்கு வழங்கப்படும் வட்டி 6.25 சதவிகிதமாகவும், வங்கிகள் விதிக்கும் வட்டி 6.75 சதவீதமாகவும் இருக்கும் என்றும் கூறினார்.

இதன்மூலம் இரண்டு மாதங்களுக்கு ஒருமுறை நடைபெறும் இந்த நிதிக் கொள்கைக் கூட்டத்தில், 2023 பிப்ரவரி மாதத்தில் இருந்து தொடர்ந்து 5வது முறையாக வட்டி விகிதத்தில் மாற்றம் செய்யப்படவில்லை என்பது குறிப்பிடத்தக்கது. அதேசமயம், ஆர்பிஐயின் இந்த முடிவால், வங்கிகளில் வீட்டுக்கடன் உள்ளிட்ட கடன் வாங்கிய வாடிக்கையாளர்கள் பலரும் நிம்மதி அடைந்துள்ளனர்.