சமூகத்தில் இளைஞர்களிடையேயான உளவியல் சிக்கல் மோசமாகி வருவதை காண முடிகிறது. மேலும் இளம் பருவத்தினர் அதிகளவிலான தற்கொலை முயற்சியில் ஈடுபடுவதாக தரவுகள் தெரிவிக்கின்றன. மேலும், காதலுக்காக என்ற பெயரில் எதிர்காலத்தை பற்றி யோசிக்காமல் ‘impulsive’ -ஆன முடிவுகளை இளம் தலைமுறையினர் மிக எளிதாக எடுத்துவிடுகின்றனர். இந்த போக்கு இளம் பருவத்தினரின் ‘பயத்தையும், போராட்ட குணமின்மையையும் காட்டுகிறது”
தினம்தோறும் ஏதேனும் ஒரு உளவியல் சிக்கல் வாழ்வில் நிகழத்தான் செய்யும். ஆனால் அதை எவ்வாறு கையாளுகிறோம் என்பதில் தான் எதிர்காலம் அடங்கியிருக்கிறது.
அப்படி ஒரு சம்பவம்தான் கரூரில் நிகழ்ந்திருக்கிறது கரூர், அரவக்குறிச்சியில் 16 வயது சிறுமியும், இளைஞரும் காதலித்து வந்த நிலையில், சிறுமியின் கழுத்தை பிளேடால் அறுத்துவிட்டு இளைஞர் தூக்கு போட்டு தற்கொலை செய்துகொண்ட சம்பவம் பெரும் பரபரப்பை ஏற்படுத்தியுள்ளது.
கரூர் மாவட்டம், அரவக்குறிச்சி அடுத்த வேலம்பாடி கிராமத்தை சேர்ந்த வசந்தகுமார் என்ற இளைஞர், அதே பகுதியைச் சேர்ந்த மாணவி (16 வயது) சிறுமியை கடந்த 3 ஆண்டுகளாக காதலித்து வந்துள்ளார். ஆனால் ஒரு கட்டத்தில் இவர்களின் காதல் பெற்றோருக்கு தெரிய வரவே, இவர்களின் காதலை பெற்றோர் கடுமையாக எதிர்த்துள்ளனர்.
தொடர்ந்து பெற்றோர்கள் எதிர்ப்பு தெரிவித்ததால் என்ன செய்வதென்று தெரியாமல் இருந்த காதல் ஜோடி, தற்கொலை செய்து கொள்ளலாம் என்ற விபரீத முடிவுக்கு வந்துள்ளனர். இந்நிலையில் சிறுமியின் வீட்டில் யாரும் இல்லாத சூழலில் அவரின் வீட்டிற்கு வந்த வசந்த குமார், சிறுமியின் கழுத்தை பிளேடால் அறுத்து அவர் கீழே விழுந்தவுடன், சிறுமியின் வீட்டிலேயே சேலையால் தூக்குபோட்டு தற்கொலை செய்து கொண்டார்.
சிறிதுநேரம் கழித்து வீட்டிற்கு வந்த பெற்றோர் சிறுமியையும், இளைஞரையும் மருத்துவமனையில் சேர்த்துள்ளனர். இந்த சம்பவத்தில் சிறுமி உயிர் தப்பினார். இந்த நிலையில், இதுகுறித்து அரவக்குறிச்சி போலீசார் விசாரணை மேற்கொண்டு வருகின்றனர். இந்த சம்பவம் அரவக்குறிச்சி சுற்றுவட்டார பகுதியில் பரபரப்பை ஏற்படுத்தி உள்ளது.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.