ராஜஸ்தான் மாவட்டம், ஜெய்ப்பூர் அடுத்துள்ள மௌக்கம்புரா பகுதியை சேர்ந்தவர் 30 வயதுடைய சோனி. இவருக்கும் அதே பகுதியை சேர்ந்த ஷிவா என்பவருக்கும் கடந்த சில வருடங்களுக்கு முன்பு திருமணமாகி இரண்டு குழந்தைகள் உள்ள நிலையில் இரண்டு ஆண்டுகளுக்கு முன்பு ஷிவா உடல் நல குறைபாட்டால் உயிரிழந்தார். பின்னர் தனது இரண்டு குழந்தைகளுடன் மாமியார் வீட்டில் வசித்து வந்திருக்கிறார்.
அப்போது ஷிவாவின் உறவினரான 40 வயதுடைய கைலாஷ் என்பவர் அடிக்கடி சோனியின் வீட்டிற்கு வந்து சென்ற நிலையில் இருவருக்கும் இடையே பழக்கம் ஏற்பட்டுள்ளது. பின்னர் இவர்களது பழக்கமானது நாளடைவில் திருமணத்திற்கு மீறிய உறவாக மாறி இருவரும் அடிக்கடி தனிமையில் சந்தித்து வந்திருக்கின்றனர். இதை உறவினர்கள் மூலமாக அறிந்து கொண்ட சோனியின் மாமனார் மற்றும் அவரது கணவரின் அண்ணன் சோனியை கவனிக்க தொடங்கியுள்ளனர்.
தொடர்ந்து சோனி இரவு வீட்டில் அனைவரும் உறங்கிய பின் வெளியே சென்று அருகில் உள்ள விவசாய நிலத்தில் கைலாஷை சந்திப்பதை வழக்கமாக வைத்திருந்திருக்கிறார். இதனை தொடர்ந்து கவனித்து வந்த மாமனார் பிரிந்தி சந்த் மற்றும் கணவரின் அண்ணன் கணேஷ் ஆகிய இருவரும் சேர்ந்து கடந்த( நவ 28) ஆம் தேதி இரவு சோனியை பின் தொடர்ந்து சென்று சோனி மற்றும் அவரது காதலனை பெட்ரோல் ஊற்றி எரித்து விட்டு அங்கிருந்து தப்பித்து சென்றுள்ளனர்.
இதனை தொடர்ந்து உயிருக்கு போராடிக்கொண்டிருந்த கைலாஷ் மற்றும் சோனியை பார்த்த அப்பகுதி மக்கள் இருவரையும் மீட்டு அருகில் இருந்த தனியார் மருத்துவமனையில் சிகிச்சைக்காக அனுமதித்துள்ளனர். மேலும் இது குறித்து தகவல் அறிந்து மருத்துவமனைக்கு சென்ற போலீசார் வழக்கு பதிவு செய்து தப்பி சென்ற பிரிந்தி சந்த் மற்றும் கணேஷ் ஆகிய இருவரையும் கைது செய்து சிறையில் அடைத்துள்ளனர். இந்நிலையில் கடந்த (நவ 01) தேதி காலை சிகிச்சை பலனின்றி கைலாஷ் உயிரிழந்தார், அதனை தொடர்ந்து நேற்று முன்தினம் சோனியும் சிகிச்சை பலனின்றி உயிரிழந்திருக்கிறார்.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.