கள்ளக்குறிச்சி மாவட்டம் உளுந்தூர்பேட்டை அருகே உள்ள மணலூர் கிராமத்தைச் சேர்ந்தவர் 30 வயதுடைய வெங்கடேசன். இவருக்கும் கடலூர் மாவட்டம் பண்ருட்டி அருகே உள்ள குயவன் மேடு கிராமத்தைச் சேர்ந்த 27 வயதுடைய சௌந்தர்யா என்பவருக்கும் கடந்த ஆறு ஆண்டுகளுக்கு முன்பு திருமணம் நடைபெற்ற நிலையில் இவர்களுக்கு இரண்டு பெண் குழந்தைகள் உள்ளனர். இரண்டாவது குழந்தைக்கு மூன்று வயது ஆகும் நிலையில் குழந்தை பிறந்தவுடன் கணவன் மனைவி இருவருக்கும் இடையே கருத்து வேறுபாடு ஏற்பட்டு சௌந்தர்யாவை பிரிந்து கணவன் வீட்டை விட்டு வெளியேறி சென்றுள்ளார்.
வெங்கடேசன் எங்கு சென்றார் என தெரியாமல் அவரது உறவினர்கள் அவரை தேடி வந்த நிலையில் வெங்கடேசனுக்கு கடன் கொடுத்த அனைவரும் கடனை திருப்பி செலுத்துமாறு தினந்தோறும் சௌந்தர்யாவிடம் வாக்குவாதத்தில் ஈடுபட்டு வந்ததாக சொல்லப்படுகிறது. கிட்டத்தட்ட 50 லட்சம் வரை கடன் வாங்கி இருந்ததாக கூறப்படுகிறது. அதுபோல வெங்கடேசன் அந்த கிராமத்தை சேர்ந்த ஒரு பெண்ணை மணமுடித்த நெல்லிக்குப்பம் பகுதியைச் சேர்ந்த ஆனந்தன் என்ற இளைஞரிடம் கடன் பெற்றிருக்கிறார். ஆனந்தன் கடன் தொகையை கேட்டு அடிக்கடி சௌந்தர்யா வீட்டிற்கு வந்த சென்ற நிலையில் இருவருக்கும் இடையே பழக்கம் ஏற்பட்டுள்ளது.
இருவருக்கும் இடையே ஏற்பட்ட பழக்கமானது நாளடைவில் திருமணத்திற்கு மீறிய உறவாக மாறி இருவரும் சௌந்தர்யா வீட்டில் அடிக்கடி தனிமையில் இருந்து வந்திருக்கின்றனர். இந்நிலையில் கடந்த (நவ 22) ஆம் தேதி சௌந்தர்யா தனது குழந்தையை அழைத்துக் கொண்டு திருச்சி செல்வதாக அவரது தாய் மாரிமுத்து என்பவருக்கு போன் மூலம் தகவல் கூறிவிட்டு வெங்கடேசன் எடுத்து வந்த காரில் தனது மகளை அழைத்துக் கொண்டு திருச்சிக்கு சென்றுள்ளார். பின்னர் அங்குள்ள பேருந்து நிலையம் பகுதியில் “இனிமே நீ வெங்கடேசனை அப்பானு தான் கூப்பிடனும்”என்று சௌந்தர்யா தனது 3 வயது மகளிடம் கூறியுள்ளார்.
அதற்கு அவரது மகள் மறுப்பு தெரிவித்ததால் வெறுப்பு அடைந்த சௌந்தர்யா தனது மூன்று வயது மகளை அடித்து துன்புறுத்தியிருக்கிறார். மேலும் அங்குள்ள லாட்ஜ் ஒன்றில் ரூம் புக் செய்து இருந்த வெங்கடேசன் அங்கு சௌந்தர்யா மற்றும் அவரது மகளை அழைத்துக் கொண்டு இரவு தங்கி உள்ளார் அப்போது வெங்கடேசன் மூன்று வயது சிறுமியின் உடலில் பல இடங்களில் அடித்து உதைத்துள்ளார் மேலும் சௌந்தர்யா தனது மகளின் பிறப்புறுப்பில் சூடு வைத்ததாக சொல்லப்படுகிறது. பின்னர் மறுநாள் அதிகாலை 3 வயது பெண் குழந்தையின் முகத்தில் மாஸ்க் அணிந்தபடி வீட்டில் விட்டுவிட்டு வெங்கடேசன் சென்றுள்ளார்.
இந்த நிலையில் சௌந்தர்யா தனது மகளை அந்த கிராமத்தில் உள்ள அங்கன்வாடி மையத்திற்கு அனுப்பி உள்ளார், அங்கு மூன்று வயது சிறுமி தொடர்ந்து அழுததால் உணவு வழங்கிய பொழுது அவரது முக கவசத்தை அங்கன்வாடி மையப் பொறுப்பாளர் அவிழ்த்த பொழுது உதடு பகுதியில் காயம் இருந்ததை பார்த்து சிறுமியிடம் விசாரித்துள்ளார். அப்போது நடந்த சம்பவத்தை சிறுமி கூறியுள்ளார் இந்த தகவல் அந்த கிராமத்தில் காட்டுத்தீ போல் பரவி உள்ளது. இது பற்றி தகவல் அறிந்த சௌந்தர்யாவின் அம்மா சௌந்தர்யாவின் இளைய சகோதரி உடன் நேரில் வந்து பார்த்த சௌந்தர்யாவிடம் கேட்ட பொழுது சௌந்தர்யா அவரது தாய் மற்றும் சகோதரியை ஆபாச வார்த்தைகளால் திட்டி தாக்கியதாக கூறப்படுகிறது.
எனவே சௌந்தர்யாவின் தாய் மாரிமுத்து உளுந்தூர்பேட்டை அனைத்து மகளிர் காவல் நிலையத்தில் இது குறித்து புகார் செய்தார் அதன்பேரில் விசாரணை நடத்திய உளுந்தூர்பேட்டை அனைத்து மகளிர் காவல் நிலைய போலீசார் சம்பவத்திற்கான சாத்தியக்கூறு இருப்பதால் சௌந்தர்யா மற்றும் வெங்கடேசன் ஆகிய இருவரையும் கைது செய்து அவர்கள் மீது போக்சோ சட்டம் உட்பட 5 பிரிவுகளின் கீழ் வழக்கு பதிவு செய்து வெங்கடேசன் மற்றும் சௌந்தர்யா ஆகிய இருவரையும் கைது செய்து உளுந்தூர்பேட்டை குற்றவியல் நீதிமன்றத்தில் ஆஜர்படுத்தி விழுப்புரம் சிறையில் அடைத்தனர்.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.