கிம், கலிபோர்னியாவில் 19 வயது கல்லூரி மாணவியாக இருந்தபோது பென்னைப் பெற்றடுத்துள்ளார். அப்போது அவருக்கு சிறு வயது என்பதால் தன் மகன் பென்னை தத்தெடுப்பிற்காகக் கொடுத்துவிட்டு, தனது சொந்த ஊரான லண்டனுக்குத் திரும்பியுள்ளார். மூன்று தசாப்தங்கள் கழித்து, 2014-ல், தன் தாய் கிம்மைச் சந்திக்க விரும்புவதாக பென் ஒரு கடிதத்தின் மூலம் வெளிப்படுத்தினார். கடிதத்தைப் பெற்றதும், தன் மகனைப் பற்றி தீவிரமான பாலியல் கனவுகள் காணத் தொடங்கியதாக தாய் கிம் ஒப்புக்கொண்டுள்ளார். இறுதியாக அவர்கள் ஒரு ஹோட்டலில் சந்தித்தபோது, ஷாம்பெயின் அருந்தி முத்தங்களைப் பரிமாறிக்கொண்டதாக ஊடகங்கள் வெளியிட்டுள்ளன. பென்னின் மனைவியான விக்டோரியா, பென் கிம்முடன் செலவிடும் நேரத்தின் அளவைக் கண்டு தன் கணவனை கேலியாக 'அம்மா காதலன்' என்று குறிப்பிட்டுள்ளார். அப்போது அவருக்கு தெரியாது அது உண்மை என்று. பின்பு, பென்னும் கிம்மும் தங்களின் பாலியல் உறவைத் தொடங்கிய மூன்று நாட்களுக்குப் பிறகு, பென் தன் தாயோடு உள்ள உறவின் உண்மையான தன்மையை தன் மனைவிடம் வெளிப்படுத்தியுள்ளார்.
"அவரை [என் அம்மாவை] சந்தித்ததிலிருந்து, ஒவ்வொரு முறையும் உன்னுடன் உடலுறவு கொள்ளும்போது, நான் கிம்தான் என்று கற்பனை செய்துகொள்கிறேன், என்று கூறியுள்ளார். இரத்த உறவு முறைகேடு குற்றங்களுக்கு 15 ஆண்டுகள் வரை சிறைத்தண்டனையும், வாழ்நாள் முழுவதும் பாலியல் குற்றவாளியாகப் பதிவு செய்யப்படுவதும் தண்டனையாக விதிக்கக்கூடிய மிச்சிகன் மாநிலச் சட்டத்தையும் மீறி இருவரும் இந்த தகாத உறவைத் தொடர்ந்துள்ளனர். பின்னர், விக்டோரியாவுடனான தனது திருமணத்தை பென் முறித்துக்கொண்டார். கிம் மற்றும் பென் தங்கள் உறவு, முறையற்ற பாலுறவு அல்ல என்றும், மாறாக அது "மரபணு பாலியல் ஈர்ப்பு" என்று கூறுகின்றனர். அதாவது, இக்கருத்தின்படி, ஒன்றாக வளர்க்கப்படாத குடும்ப உறுப்பினர்கள் வளர்ந்த பிறகு சந்தித்து, ஒருவர் மீது ஒருவர் காதல் உணர்வுகளை வளர்த்துக் கொள்கிறார்கள்.
கிம் அவர்களுக்கிடையேயான உறவை, காதலுக்கான "வாழ்வில் ஒருமுறை மட்டுமே கிடைக்கும் வாய்ப்பு" என விவரித்தார். இது குறித்து பென்னின் தாய் கிம்,"இது முறையற்ற உறவு அல்ல, இது மரபணு ரீதியான பாலியல் ஈர்ப்பு. நாங்கள் பிரிக்க முடியாதவர்கள், ஒன்றாக இருக்கப் பிறந்தவர்கள்" என்ற சர்ச்சைக்குரிய கருத்தினைக் கூறியுள்ளார். இந்த ஜோடி 2016-ல் தங்கள் உறவை பகிரங்கப்படுத்தினர், இதனையடுத்து, கைது அச்சுறுத்தல்களை எதிர்கொண்டதால் தலைமறைவாக இருக்க வேண்டிய கட்டாயம் ஏற்பட்டது. பிரிட்டிஷ் மற்றும் அமெரிக்கச் சட்டங்கள் இதைத் தடை செய்தபோதிலும், அந்தத் தம்பதியினர் திருமணம் செய்துகொண்டு குடும்பம் தொடங்க வேண்டும் என்ற தங்கள் விருப்பத்தையும் வெளிப்படுத்தியுள்ளனர்.
கிம், "நாங்கள் அருவருப்பானவர்கள் என்றும், எங்கள் உணர்ச்சிகளைக் கட்டுப்படுத்திக்கொள்ள வேண்டும் என்றும் மக்கள் சொல்வார்கள் என்பது எனக்குத் தெரியும். ஆனால், எல்லாவற்றையும் துறக்கத் தயாராகும் அளவுக்கு உங்களை முழுமையாக ஆட்கொள்ளும் ஒரு காதலால் நீங்கள் தாக்கப்படும்போது, அதற்காக நீங்கள் போராடித்தான் ஆக வேண்டும்" என்று அவர் கூறியுள்ளார்.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.