செயற்கை நுண்ணறிவு (AI) துறையில் உலகளவில் ஒரு பெரிய போட்டி நடந்துக்கிட்டு இருக்கு. இதுல முக்கியமான நிறுவனங்களான மெட்டா, ஓபன்ஏஐ, கூகுள் டீப்மைண்ட் மாதிரியானவை, தங்களோட AI தொழில்நுட்பத்தை மேம்படுத்த முயற்சி செய்யுது. ஆனா, மெட்டா இப்போ ஒரு புது உத்தியை கையாண்டு, ஓபன்ஏஐ மற்றும் கூகுள் டீப்மைண்ட் ஆராய்ச்சியாளர்களை தன்னோட புதிய சூப்பர்இன்டலிஜன்ஸ் லேப் (Superintelligence Lab)-க்கு அலேக்கா தூக்கிட்டு வந்திருக்கு.
மெட்டா, 2013-ல இருந்து AI துறையில் இருக்கு. முதலில், பேஸ்புக் ஆராய்ச்சி லேப் மூலமா AI-யை ஆராய ஆரம்பிச்சது. ஆனா, 2013-ல கூகுள், டீப்மைண்ட் அப்படிங்கற ஒரு முக்கிய AI ஸ்டார்ட்அப்பை வாங்கியதால, மெட்டாவுக்கு பின்னடைவு ஏற்பட்டது. இதனால, மெட்டாவின் CEO மார்க் ஸுக்கர்பெர்க், தன்னோட AI ஆராய்ச்சியை தீவிரப்படுத்தி, 2013-ல ஒரு புது AI லேப்பை உருவாக்கினார். இதை நடத்தறதுக்கு, நியூயார்க் பல்கலைக்கழகத்தின் பேராசிரியரும், AI நியூரல் நெட்வொர்க்குகளின் முன்னோடியுமான யான் லெகுனை நியமிச்சார்.
2025-ல, மெட்டாவின் லாமா 4 (Llama 4) AI மாடல், ஓபன்ஏஐ மற்றும் கூகுளின் மாடல்களுக்கு ஈடு கொடுக்க முடியாம போனதால, ஸுக்கர்பெர்க் ஒரு புது உத்தியை கையாண்டார். அதாவது, சூப்பர்இன்டலிஜன்ஸ் (Superintelligence) அப்படிங்கற ஒரு கற்பனையான, மனித மூளையை விட சக்தி வாய்ந்த AI-யை உருவாக்கறதுக்கு ஒரு புது லேப் உருவாக்கினார். இதுக்கு, உலகத்தின் மிகச் சிறந்த AI ஆராய்ச்சியாளர்களை கொண்டு வரணும்னு முடிவு செய்தார்.
சூப்பர்இன்டலிஜன்ஸ் அப்படிங்கறது, மனித மூளையை விட பல மடங்கு சக்தி வாய்ந்த, எல்லா வேலைகளையும் செய்யக்கூடிய AI-யை குறிக்குது. இது, ஆர்டிஃபிஷியல் ஜெனரல் இன்டலிஜன்ஸ் (AGI)-ஐ விட ஒரு படி மேலே இருக்கு. AGI அப்படிங்கறது, மனித மூளையோட திறனுக்கு இணையான AI-யை உருவாக்கறது. ஆனா, சூப்பர்இன்டலிஜன்ஸ், அதை விட மேம்பட்டது, மனிதனால கற்பனை செய்ய முடியாத அளவுக்கு திறன் வாய்ந்தது.
மெட்டா இந்த லேப்பை உருவாக்கறதுக்கு, ஸ்கேல் AI நிறுவனத்தின் CEO ஆலெக்ஸாண்டர் வாங்கை கொண்டு வந்திருக்கு. இவரு, 28 வயசு இளம் பில்லியனர், AI மாடல்களை பயிற்சி செய்யறதுக்கு டேட்டாவை தயார் செய்யறதில் பெரிய புரட்சியே செய்தவர். மெட்டா, ஸ்கேல் AI-ல 14.3 பில்லியன் டாலர் முதலீடு செய்து, 49% பங்குகளை வாங்கியிருக்கு. இந்த லேப், மெட்டாவின் பேஸ்புக், இன்ஸ்டாகிராம், வாட்ஸ்அப் மாதிரியான பிளாட்ஃபார்ம்களுக்கு AI-யை மேம்படுத்தவும், புது AI தொழில்நுட்பங்களை உருவாக்கவும் பயன்படும்.
மெட்டா, தன்னோட சூப்பர்இன்டலிஜன்ஸ் லேப்பை உருவாக்க, உலகத்தின் மிகச் சிறந்த AI ஆராய்ச்சியாளர்களை ஓபன்ஏஐ, கூகுள் டீப்மைண்ட், மற்றும் பிற நிறுவனங்களில் இருந்து கொண்டு வந்திருக்கு. இதுக்கு, 100 மில்லியன் டாலர் வரை சம்பள பேக்கேஜ்கள், மற்றும் பெரிய பொறுப்புகளை கொடுத்திருக்கு. முக்கியமான ஆராய்ச்சியாளர்கள் யாருனு பார்க்கலாம்:
ஆலெக்ஸாண்டர் வாங் (ஸ்கேல் AI): ஸ்கேல் AI-யின் CEO, இப்போ மெட்டாவின் சூப்பர்இன்டலிஜன்ஸ் லேப்-க்கு இவர் தான் Chief. AI மாடல்களுக்கு டேட்டா தயாரிக்கறதில் இவரு ஒரு முக்கிய பங்கு வகிச்சவர்.
லூகாஸ் பேயர், அலெக்ஸாண்டர் கோல்ஸ்னிகோவ், ஷியோஹுவா ஷை (ஓபன்ஏஐ): இந்த மூவரும் ஓபன்ஏஐ-யின் சூரிச் ஆபிஸில் இருந்து மெட்டாவுக்கு மாறியிருக்காங்க. இவங்க, ஓபன்ஏஐ-யின் முதல் AI ரீசனிங் மாடலான o1 உருவாக்கத்தில் முக்கிய பங்கு வகிச்சவங்க.
ஜாக் ரே (கூகுள் டீப்மைண்ட்): கூகுள் டீப்மைண்டின் முதன்மை ஆராய்ச்சியாளர், இப்போ மெட்டாவின் லேப்பில் சேர்ந்திருக்கார்.
ஜோஹன் ஷால்க்விக் (செஸமி AI): இவர் ஒரு மெஷின் லேர்னிங் மேலாளராக இருந்தவர், இப்போ மெட்டாவில் AI ஆராய்ச்சியில் இணைந்திருக்கார்.
ஷெங்ஜியா ஷாவோ, ஷுசாவோ பி, ஜியாஹுய் யு, ஹாங்யு ரென் (ஓபன்ஏஐ): இந்த நால்வரும் ஓபன்ஏஐ-யின் முக்கிய ஆராய்ச்சியாளர்கள், இப்போ மெட்டாவின் சூப்பர்இன்டலிஜன்ஸ் டீமில் சேர்ந்திருக்காங்க. இவங்க, o3, o4-மினி, GPT-4o மாதிரியான மாடல்களின் உருவாக்கத்தில் பங்கு வகிச்சவங்க.
இவர்களைத் தாண்டியும் மெட்டா முயற்சி செய்து, ஆனா கடைசி வரை ஒத்துக் கொள்ளாத எக்ஸ்பெர்ட்ஸ்:
இல்யா சுட்ஸ்கெவர் (ஓபன்ஏஐ): ஓபன்ஏஐ-யின் முன்னாள் தலைமை விஞ்ஞானி, இப்போ சேஃப் சூப்பர்இன்டலிஜன்ஸ் ஸ்டார்ட்அப்பை நடத்துகிறார். மெட்டாவின் ஆஃபரை இவர் நிராகரித்துவிட்டார்.
நாட் ஃப்ரீட்மேன் (முன்னாள் கிட்ஹப் CEO) மற்றும் டேனியல் கிராஸ் (சேஃப் சூப்பர்இன்டலிஜன்ஸ்): இவங்க இருவரையும் மெட்டா இழுக்க முயற்சி செய்தது, ஆனா வெற்றி பெறல.
இந்த ஆராய்ச்சியாளர்களை இழுக்க, ஸுக்கர்பெர்க் நேரடியாகவே வாட்ஸ்அப் குரூப் மூலமா ஆராய்ச்சியாளர்களை தொடர்பு கொண்டு, பெரிய சம்பள பேக்கேஜ்கள் ஆஃபர் செய்து, அவங்க இருக்கையை தன்னோட அருகில் அமைக்கற மாதிரி ஏற்பாடு செய்திருக்கார்ன்னா பாருங்க.
மெட்டாவின் இந்த முயற்சிக்கு பின்னால் பல காரணங்கள் இருக்கு:
ஓபன்ஏஐ, கூகுள், ஆந்த்ரோபிக் மாதிரியான நிறுவனங்கள் AI துறையில் முன்னணியில் இருக்கு. மெட்டாவின் லாமா மாடல்கள், இவங்களுக்கு ஈடு கொடுக்க முடியாம போனதால, புது திறமைகளை இழுத்து வரணும்னு முடிவு செய்தாங்க.
மெட்டா, AGI-யை தாண்டி, சூப்பர்இன்டலிஜன்ஸை அடையறதுக்கு ஒரு பெரிய டீமை உருவாக்க விரும்புது. இதுக்கு, உலகின் மிகச் சிறந்த ஆராய்ச்சியாளர்கள் தேவை.
ஓபன்ஏஐ CEO சாம் ஆல்ட்மேன், மெட்டாவின் இந்த முயற்சியை “பைத்தியக்காரத்தனமான ஆஃபர்கள்”னு விமர்சிச்சிருக்கார். ஆனா, இதுவரை ஓபன்ஏஐ-யின் மிகச் சிறந்த ஆராய்ச்சியாளர்கள் யாரும் மெட்டாவுக்கு மாறல என்றும் சொல்லியிருக்கார். அதேசமயம், ஓபன்ஏஐ, தன்னோட ஆராய்ச்சியாளர்களுக்கு சம்பளத்தை உயர்த்தி, “ரீகாலிப்ரேட்” செய்ய முடிவு செய்திருக்கு. (கொஞ்சம் பீதி இருக்கத் தான் செய்யுது!)
மேலும், கூகுளின் AI ஆராய்ச்சி பிரிவான டீப்மைண்ட், ஜாக் ரே மாதிரியான முக்கிய ஆராய்ச்சியாளர்களை இழந்திருக்கு. இது, கூகுளின் AGI முயற்சிகளுக்கு ஒரு பின்னடைவாக இருக்கலாம்.
AI துறையில், உலகளவில் 1000-க்கும் குறைவான “எலைட்” ஆராய்ச்சியாளர்கள் இருக்காங்க. இவங்களை இழுக்க, மெட்டா, கூகுள், ஓபன்ஏஐ மாதிரியான நிறுவனங்கள் 20 மில்லியன் டாலர் வரை சம்பள பேக்கேஜ்கள் ஆஃபர் செய்யுது. இது, AI ஆராய்ச்சியாளர்களின் மதிப்பை உயர்த்தியிருக்கு. அதேசமயம், சில ஆராய்ச்சியாளர்கள், AI-யின் பாதுகாப்பு மற்றும் நெறிமுறைகள் பற்றி கவலைப்படுறாங்க. மெட்டாவின் இந்த வேகமான முயற்சி, பாதுகாப்பு ஆராய்ச்சிக்கு பின்னடைவு ஏற்படுத்தலாம் அப்படிங்கற கவலை இருக்கு.
இன்னொரு விஷயத்தை நாம் மறக்கக் கூடாது. மெட்டாவின் இந்த முயற்சி, இந்திய AI ஆராய்ச்சியாளர்களுக்கு புது வாய்ப்புகளை உருவாக்கலாம். மெட்டாவின் இந்திய ஆராய்ச்சி மையங்கள், இந்த புது லேப்போடு இணைந்து, உலகளவில் AI தொழில்நுட்பத்தில் பங்களிக்கலாம்.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.