தமிழகத்தை நெருங்கும் ‘டித்வா’ புயல்..! இன்று நள்ளிரவுக்கு பின்பு சென்னையில் மழை அதிகரிக்கும்!!

இன்று காலை தென்மேற்கு வங்கக்கடல் மற்றும் அதனை ஒட்டிய வட இலங்கை  கடற்பகுதிகளில் நிலவிய “டிட்வா” புயலானது,  வடக்கு-வடமேக்கு  திசையில் நகர்ந்து, இன்று காலை 1130 மணி அளவில், வேதாரண்யத்துக்கு தென்கிழக்கே 110 கிலோ மீட்டர் தொலைவிலும் , காரைக்காலுக்கு தென்கிழக்கே 150 கிலோ மீட்டர் தொலைவிலும், புதுச்சேரிக்கு தெற்கு-தென்கிழக்கே 250 கிலோ மீட்டர் தொலைவிலும், சென்னைக்கு  தெற்கே 350 கிலோ மீட்டர் தொலைவிலும் நிலை கொண்டிருந்தது. இலையில் இந்த புயலின் நகர்வு வேகமாகி வருகிறது. மணிக்கு 8.கிமீ -லிருந்து 10.கி.மீ -ஆக அதிகரித்துள்ளது. 

  இது, தொடர்ந்து  வடக்கு-வடமேற்கு திசையில் நகர்ந்து, நாளை (30-ஆம் தேதி) அதிகாலை, வடதமிழகம், புதுவை மற்றும் அதனை ஒட்டிய தெற்கு ஆந்திர கடலோரப்பகுதிகளுக்கு அருகே உள்ள தென்மேற்கு வங்கக்கடல் பகுதிகளை அடையக்கூடும்.

அப்படி வடக்கு-வடமேற்கு திசையில் நகரும் பொழுது, வடதமிழகம் மற்றும் புதுச்சேரி கடலோரப் பகுதிகளில் இருந்து, இன்று நள்ளிரவில் 60 கிலோ மீட்டர் தொலைவிலும், நாளை(30-11-2025) அதிகாலை 50 கிலோ மீட்டர் தொலைவிலும், நாளை(30-11-2025) மாலை 25 கிலோமீட்டர் தொலைவிலும் நிலவக்கூடும் என வானிலை ஆய்வு மையம் தெரிவித்துள்ளது. இந்நிலையில் செய்தியாளர்களை சந்தித்த வானிலை ஆய்வு மைய தென்மண்டலத் தலைவர் அமுதா, இன்று நள்ளிரவுக்கு பின்பு சென்னையில் மழை அதிகரிக்கும். இந்த புயல் தமிழ்நாடு பகுதியில் கரையை கடக்க வாய்ப்பில்லை, எனவும் தெரிவித்தார். டித்வா புயல்ல 5 மாவட்டங்களுக்கு ரெட் அலர்ட்டும், 13 மாவட்டங்களுக்கு ஆரஞ்சு அலர்டும் விடுக்கப்பட்டுள்ளது என்பது குறிப்பிடத்தக்கது. 

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.