“பூப்பறிக்க வந்த பட்டியலின சிறுமியை தலைத்துண்டித்துக் கொன்ற கொடூரன்..” மன நலம் சரியில்லாததால் தண்டனை குறைப்பு!!

14 வயது சிறுமியின் தலையை துண்டித்து கொலை செய்த வாலிபருக்கு விதிக்கப்பட்ட மரண தண்டனையை, ஆயுள் தண்டனையாக குறைத்து, சென்னை உயர் நீதிமன்றம் தீர்ப்பளித்துள்ளது.

சேலம் மாவட்டம், தளவாய்பட்டி கிராமத்தைச் சேர்ந்த டிரைவர் தினேஷ்குமார். அவரது வீட்டுக்கு பூ பறிக்க வந்த, அதே பகுதியைச் சேர்ந்த  பட்டியலின சமூகத்தைச் சேர்ந்த 12 வயது சிறுமிக்கு, தினேஷ்குமார்  பாலியல் தொந்தரவு கொடுத்து வந்துள்ளார்.

இதுகுறித்து, சிறுமி தன் தாயாரிடம் தெரிவித்துள்ளார். இதையறிந்து ஆத்திரமடைந்த தினேஷ்குமார், கடந்த 2018-ம் ஆண்டு அக்டோபர் 22 -ம் தேதி வீட்டின் முன் அமர்ந்திருந்த சிறுமியின் தலையை துண்டித்து கொலை செய்துள்ளார். பின்னர், சிறுமியின் தலையை, தளவாய்பட்டி - ஈச்சம்பட்டி சாலையில் வீசி சென்றுள்ளார்.

இந்த சம்பவம் தொடர்பாக, போக்சோ மற்றும் வன்கொடுமை தடுப்பு சட்டம் உள்ளிட்ட பிரிவுகளின் கீழ் வழக்குப்பதிவு செய்த ஆத்துார் போலீசார், தினேஷ்குமாரை கைது செய்தனர்.

இந்த வழக்கை விசாரித்த சேலம் போக்சோ சிறப்பு நீதிமன்றம், தினேஷ்குமாருக்கு மரண தண்டனை விதித்து, கடந்த 2022ம் ஆண்டு ஏப்ரல் 26ல் தீர்ப்பளித்தது. மரண தண்டனையை உறுதி செய்ய, வழக்கு ஆவணங்கள் சென்னை உயர் நீதிமன்றத்துக்கு அனுப்பி வைக்கப்பட்டன. அதேபோல, குற்றவாளி தினேஷ்குமார் தரப்பிலும், தண்டனையை எதிர்த்து மேல்முறையீடு செய்யப்பட்டது.

இந்த வழக்குகளை விசாரித்த நீதிபதிகள் என்.சதீஷ்குமார் மற்றும் எம்.ஜோதிராமன் அடங்கிய அமர்வு, குற்றம் சாட்டப்பட்ட நபர் மன நிலை சரியில்லை எனக்கூறி, சட்டப்பூர்வ பாதுகாப்பை கோருவதற்கு உரிய மருத்துவ சான்றுகள் இல்லை.  குற்றம் சாட்டவரின்  செயல் கொடூரமானது என்ற போதும்,  இந்த  வழக்கு அரிதிலும் அரிதானது அல்ல. குற்றம் சாட்டப்பட்டவருக்கு எந்த குற்றப் பின்னணியும் இல்லை. குற்றம் சாட்டப்பட்டவர் சீர்திருத்தத்திற்கு அப்பாற்பட்டவர் அல்ல எனக் கூறி, தினேஷ்குமாரின் மரண தண்டனையை, ஆயுள் தண்டனையாக குறைத்து தீர்ப்பளித்தது. அதேசமயம், அவருக்கு 20 ஆண்டுகளுக்கு எந்தவொரு தண்டனை குறைப்பும் வழங்கக்கூடாது எனவும் நீதிபதிகள் தீர்ப்பில் தெரிவித்துள்ளனர்.

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.