"எம்.ஜி.ஆர் பற்றி நான் பேசியதும் எகிறி குதித்தவர்கள், இப்போது வாய் மூடி இருக்கிறார்கள்" - திருமாவளவன் சுளீர்!!

டெல்லியில் இருந்து சென்னை வந்த விடுதலை சிறுத்தைகள் கட்சி தலைவர் தொல். திருமாவளவன் எம்.பி செய்தியாளர்களை சந்தித்து பேசியத்தவத்து, 

மழைக்கால கூட்டத் தொடர் நிறைவு நாளில் அறிமுகப்படுத்திய 3 சட்டங்கள் நாடாளுமன்ற ஜனநாயகத்தை குழி தோண்டி புதைக்கும் மிக மோசமான சட்டங்களாகும். 30 நாட்கள் விசாரணை கைதியாக இருந்தால் போதும் பிரதமர், முதலமைச்சர், அமைச்சர்கள் பதவியில் இருப்பவர்களை நீக்க முடியும் சட்ட மசோதா. இதை எதிர்கட்சிகள் கடுமையாக எதிர்த்ததால் நாடாளுமன்ற கூட்டு குழுவிற்கு அனுப்பி உள்ளனர். பாசிசத்தின் உச்சம் என்று சொல்ல கூடிய வகையில் சட்டங்களை பா.ஜ.க. அரசு அறிமுகப்படுத்தி உள்ளது. 

ஏற்கனவே சி.ஏ.ஏ., என்.சி. ஆர்., என்.பி.ஆர்., போன்ற சட்டங்களை அறிமுகப்படுத்தினார்கள். எதிர்கட்சிகளின் கடும் எதிர்ப்புக்கு இடையே நிறைவேற்றம் செய்தார்கள். ஆனால் அதை நடைமுறைப்படுத்த முடியாத நிலை உச்ச நீதிமன்றத்தால் ஏற்பட்டது. அதில் இருந்து ஒரு படிப்பினை பெற்று கொள்ளாமல் மோசமான கருப்பு சட்டங்களை அறிமுகப்படுத்தி இருப்பது நாடாளுமன்ற ஜனநாயகத்தின் மீதான பாசிச தாக்குதல். நாட்டு மக்கள் விழித்துக் கொள்ள வேண்டும். தமிழ்நாட்டில் காலுன்ற துடிக்கிறார்கள். தமிழ்நாடு மக்கள் எச்சரிக்கையாக இருக்க வேண்டும். 

பீகாரில் 65 லட்சம் பேர் வாக்காளர் பட்டியலில் இருந்து நீக்கம் செய்யப்பட்டு இருப்பது அம்பலமாகி உள்ளது. ராகுல் காந்தி இதை ஆதாரங்களுடன் அம்பலப்படுத்தி உள்ளார். கூட்டத்தொடரில் எதிர்கட்சிகள் வலியுறுத்தியும் அரசு அதை ஒரு பொருட்டாக எடுத்து கொள்ளவில்லை. விவாதிக்க முன் வரவில்லை. கடும் எதிர்ப்புக்கு இடையில் சில மசோதாக்களை சட்டங்களாக்கி உள்ளனர். மக்கள் விரோத சட்டங்களை அறிமுகப்படுத்திய கூடிய மழை கால கூட்ட தொடராக அமைந்து உள்ளது. பா.ஜ.க அரசு பாசிச அரசு என்பதை உறுதிப்படுத்த கூட்டத்தொடர் சான்றாக அமைத்து உள்ளது. 

அமித்ஷா தமிழ்நாட்டிற்கு அடிக்கடி வருகிறார். தமிழ்நாட்டில் தாமரை மலரும் என குறி சொல்கிறார். திமுக தலைமையிலான மதசார்பற்ற கூட்டணியை வீழ்த்துவதுதான் வேலை என சடவால் பேசுகிறார். புதிதாக தோன்றுகிற கட்சிகளாக இருந்தாலும் பழைய கட்சிகள், பா.ஜ.க போன்ற கட்சிகளும் மதசார்பற்ற முற்போக்கு கூட்டணியை வீழ்த்த வேண்டும் என்பதில் குறியாக உள்ளனர். தமிழ்நாடு மண்ணில் அவர்களின் சதி முயற்சி வெற்றி பெறாத உரிய நேரத்தில் மக்கள் உணர்த்துவார்கள். 

த.வெ.க நடத்திய 2-வது மாநாடு வெற்று கூச்சலுக்கும் ஆரவாரத்துக்கும் அடையாளமாக இருந்தது. உருப்படியான எந்த வித கொள்கை கோட்பாடும் இல்லை. ஆக்கப்பூர்வமான செயல் திட்டம் இல்லை. திமுக வெறுப்பு என்பதே அந்த மேடையில் உமிழ்ந்த அரசியல். ஆட்சிக்கு வருவோம் என்று ஆர்பரித்த பகல் கனவை கூச்சலாக முழங்கிய ழுழக்கமாக இருந்தது. 2 மாநாடு நடத்தியும் கட்சி கொள்கைகள் என்னவென்று த.வெ.க -வினருக்கே புரியவில்லை என்பதை உறுதிப்படுத்தி உள்ளனர். இத்தனை லட்சம் பேரை திரட்டி வெறும் சவால்களை முன் வைத்து உள்ளார். திமுக வெறுப்பை மட்டுமே உமிழ்ந்து உள்ளார். விஜய் பேச்சில் ஆக்கப்பூர்வமான கருத்தும் கருத்தியலும் இல்லை. 

அம்பேத்கர் கொள்கை என்ன என்று மேடையில் ஒருவராவது பேசியது உண்டா. பெரியார் கொள்கை என்ன என்று பேச்சில் வெளிப்பட்டதா. மாநாட்டில் பேசியவர்கள் சடவால் அடித்தார்கள். ஆட்சியை கைப்பற்றுவோம் என்ற வேட்கையை வெளிப்படுத்தினார்கள். திமுக எதிராக பேசினார்கள். அவர்க்ளது கொள்கை ஆசான்களின் எதையும் பேசவில்லை. 

பா.ஜ.கவை கொள்கை எதிரி. திமுகவை அரசியல் எதிரி என ஏற்கெனவே சொன்னதை ரிப்பீட்டு செய்துள்ளார். கொள்கையும் அரசியலும் வேறு வேறு அல்ல. கொள்கை இல்லாமல் அரசியல் இல்லை. அரசியல் இல்லாமல் கொள்கை இல்லை. திமுக அரசியல் எதிரி என்றால் அதன் கொள்கை எதிரி இல்லையா என்ற கேள்வி எழுகிறது.பா.ஜ்.க். கொள்கை எதிரி என்றால் அரசியல் எதிரி இல்லையா. இதில் குழப்பத்தில் உள்ளனர். வேறும் தேர்தல் அரசியலுக்கு பகையாக திமுகவை கருதுகிறார்கள். ஆட்சி அதிகாரத்திலிருந்து திமுகவை அப்புறப்படுத்தி விட்டு வர விரும்புகிறார்கள்.இந்த விருப்பத்தை சொல்ல திரட்டி பேசி இருக்கிறார்கள்.

அதிகாரத்தில் இருப்பவர்களை கேள்வி கேட்பது விமர்சிப்பது பிரச்சனை இல்லை. அதை தங்களுக்கான ஒரே அரசியல் கோட்டுபாட்டாக வைத்து உள்ளார்கள். அது தான் கொள்கை என்பதை மீண்டும் சொல்கிறார்கள். மற்றப்படி கொள்கை சார்ந்த தீர்மானம் எதுவும் முன் வைக்கவில்லை. இந்தியாவில் எஸ்.ஐ.ஆர் பிரச்சனை குறித்து ஏன் தீர்மானம் நிறைவேற்றவில்லை. ஜனநாயகத்தின் மீது நம்பிக்கை வைத்து உள்ளவர்கள் வாக்கு திருட்டு குறித்து விவாதித்து வருகிறார்க்ள். வாக்கு திருட்டில் தேர்தல் ஆணையமே பா.ஜ.க -விற்கு துணை போகிற குற்றசெயல் குறித்து த.வெ.க் நிலைப்பாடு என்ன? அதை விட பெரிய பிரச்சனை இருக்கிறது. அது பற்றி பேசவில்லை. ஜனநாயகத்தை சிதைக்க கூடிய 3 கொடிய சட்டங்கள் குறித்து நிலைப்பாடு என்ன? ஆணவ கொலைக்கு தடுப்பு சட்டங்கள் குறித்து பேசாதது ஏன்? அதிகாரத்தின் மீது உள்ள வெறி திமுக மீதான வெறுப்பாக மாறி இருக்கிறது.  எம்.ஜி.ஆர். பற்றி நான் பேசியதும் எகிறி குதித்தவர்கள். இப்போது வாய் மூடி கொண்டு இருக்கிறார்கள்” என பேசியுள்ளார்.

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.