அமெரிக்காவோட டென்னசி மாநிலத்துல, ஜான்சன் சிட்டி அப்படிங்கற இடத்துல இருக்கற இஸ்ட்மேன் கிரெடிட் யூனியன் வங்கிக் கிளையில் ஒரு அநாகரிகமான சம்பவம் நடந்து, டிக்டாக்கில் வைரலாகி பெரிய பரபரப்பை கிளப்பியிருக்கு.
ஜூலை 18, 2025-ல டிக்டாக்கில் ஒரு 10 வினாடி வீடியோ வந்துச்சு. அதுல, வங்கியோட கண்ணாடி ஜன்னல் வழியா ரெண்டு பேர் ரொம்ப நெருக்கமா, தனிப்பட்ட விதத்துல இருக்கறது தெரிஞ்சுது. இந்த வீடியோ, ரெண்டு குறுகிய கிளிப்புகளா, சமூக வலைதளங்களில் தீ மாதிரி பரவிடுச்சு. மில்லியன் கணக்கான பேர் இதை பார்த்து, “இது என்னடா, வங்கியில இப்படியா நடந்துக்கறது?”ன்னு கோபப்பட்டாங்க. இந்த வீடியோ வங்கிக்கு வெளியே இருந்து எடுக்கப்பட்டது, ஆனா இந்த ரெண்டு பேரு வங்கி ஊழியர்களா இல்லையான்னு இன்னும் தெளிவாகத் தெரியலை. இருந்தாலும், இந்த சம்பவம் வங்கியோட பெயருக்கு களங்கம் விளைவிச்சிருக்கு.
இஸ்ட்மேன் கிரெடிட் யூனியன், 1934-ல ஆரம்பிச்ச ஒரு இலாப நோக்கமற்ற நிதி நிறுவனம். டென்னசி, விர்ஜினியா, டெக்ஸாஸ் மாநிலங்கள்ல 30-க்கு மேல கிளைகள் வைச்சிருக்காங்க. இந்த சம்பவத்துக்கு பதில் சொல்லணும்னு, வங்கி ஒரு அறிக்கை விட்டு, “இந்த நடத்தை எங்களோட மதிப்புகளுக்கு ஒத்து வராது. எங்க வாடிக்கையாளர்களுக்கும், ஊழியர்களுக்கும் மரியாதையான, பாதுகாப்பான இடத்தை உறுதி செய்யறது எங்க பொறுப்பு. இதை உடனே கவனிச்சு நடவடிக்கை எடுத்திருக்கோம்,”ன்னு சொல்லியிருக்காங்க. ஆனா, என்ன நடவடிக்கை எடுத்தாங்கன்னு தெளிவா சொல்லலை.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.