.png)
சிவகங்கை மாவட்டம், காரைக்குடி - திருப்பத்தூர் சாலையில் பிள்ளையார்பட்டி அருகே காரைக்குடியிலிருந்து திண்டுக்கல் நோக்கிச் சென்ற அரசுப் பேருந்தும் காங்கேயத்திலிருந்து காரைக்குடி நோக்கி வந்த அரசுப்பேருந்தும், நேருக்கு நேர் மோதி கோர விபத்து ஏற்பட்டது.
இந்த கோர சம்பவம் நடந்த உடன் அருகிலுள்ள கிராமங்களைச் சேர்ந்த மக்களும் விபத்தில் சிக்கியவர்களை மீட்கும் பணியில் ஈடுபட்டனர். தீயணைப்புத்துறை, காவல்துறைக்குத் தகவல் தெரிவிக்கப்பட்டதும் சம்பவ இடத்துக்கு விரைந்த மீட்புப் படையினரும் மீட்புப் பணியில் ஈடுபட்டனர்.
இந்த கோர விபத்தில் பெண்கள் குழந்தைகள் உள்பட 11 பேர் பலி, 54 பேர் படுகாயம் அடைந்துள்ளனர். இந்த விபத்தில் படுகாயமடைந்து உயிருக்கு ஆபத்தான நிலையில் இருந்த 12 வயது சிறுமி ஏஞ்சல் வெண்டிலேட்டர் உதவியுடன் மேல்சிகிச்சைக்காக மதுரை தனியார் மருத்துவமனைக்கு அனுப்பி வைப்பு. விபத்தில் இவரின் தாய் கல்பனாவும் விபத்தில் உயிரிழந்துள்ளார் என்பது குறிப்பிடத்தக்கது.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.
