“மாட்டு கொட்டகையால் வந்த சண்டை” - அரிவாளால் வெட்டிக் கொல்லப்பட்ட உரிமையாளர்.. சொத்துக்காக பழிவாங்கப்பட்ட உறவினர்!

இந்நிலையில் பரமன் மாடுகளை வாங்கி அவற்றிற்கு தனது வீட்டின் அருகே கொட்டகை அமைத்து வளர்த்து வந்துள்ளார்
“மாட்டு கொட்டகையால் வந்த சண்டை” - அரிவாளால் வெட்டிக் கொல்லப்பட்ட உரிமையாளர்.. சொத்துக்காக பழிவாங்கப்பட்ட உறவினர்!
Published on
Updated on
1 min read

மதுரை மாவட்டம், திருப்பரங்குன்றம் அடுத்த விளாச்சேரி அருகே உள்ள மொட்டை மலை பகுதியை சேர்ந்த தவசி தேவர் என்பவரது மகன் 40 வயதான பரமன். இவருக்கு பகுதியை சேர்ந்த சுபா என்ற பெண்ணுக்கும் வருடங்களுக்கு முன்பு திருமணம் நடைபெற்ற நிலையில் பரமன் சுபா தம்பதிக்கு 7 வயதில் இரட்டை குழந்தைகள் உள்ளனர். பரமனின் தூரத்து சொந்தக்காரரான 27 வயதுடைய கிரண் என்பவரும் அதே பகுதியில் பரமனின் வீட்டிற்கு அருகில் குடும்பத்துடன் வசித்து வருகிறார்.

ஏற்கனவே பரமனுக்கும் கிரணுக்கும் நிலம் காரணமாக அடிக்கடி தகராறு ஏற்பட்டு வந்துள்ளது. மேலும் இருவரின் வீடும் அருகருகே அமைந்துள்ளதால் காரணமே இல்லாமல் இருவரும் சந்திக்கும் போதெல்லாம் இருவருக்கும் இடையே வாக்குவாதம் ஏற்பட்டுவந்துள்ளது. இந்நிலையில் பரமன் மாடுகளை வாங்கி அவற்றிற்கு தனது வீட்டின் அருகே கொட்டகை அமைத்து வளர்த்து வந்துள்ளார். மாடுகளின் சாணம் மற்றும் தீவன கழிவுகளால் அப்பகுதியில் கொசு தொல்லை அதிகரித்து உள்ளது.

இதனால் ஆத்திரம் அடைந்த கிரண் பலமுறை கொட்டகையை சுத்தமாக வைத்துக் கொள்ளுமாறு பரமனிடம் வாக்குவாதம் செய்துள்ளார். இருப்பினும் பரமன் தொடர்ந்து சரியான முறையில் கொட்டகையை பராமரிக்காமல் இருந்துள்ளார். இந்நிலையில் கொட்டகையை காரணமாக வைத்து பரமன் மற்றும் கிரானுக்கு இடையே மீண்டும் வாக்குவாதம் ஏற்பட்டுள்ளது. இருவருக்கும் இடையே வாக்குவாதம் முற்றிய நிலையில் கிரண் தனது வீட்டில் இருந்த அரிவாளை எடுத்து வந்து பரமனை சரமாரியாக வெட்டியுள்ளார். இதில் பலத்த காயமடைந்த பரமன் சம்பவ இடத்திலேயே பரிதாபமாக உயிரிழந்தார்.

இதனை பார்த்த அக்கம் பக்கத்தினர் போலீசாருக்கு தகவல் அள்ளித்தா நிலையில் சம்பவ இடத்திற்கு வந்த போலீசார் பரமனின் உடலை கைப்பற்றி பிரேத பரிசோதனைக்கு அனுப்பிவைத்துள்ளனர். மேலும் இது குறித்து பரமனின் மனைவி சுபா அளித்த புகாரின் பேரில் வழக்கு பதிவு செய்த போலீசார் பரமனை கொலை செய்து விட்டு தப்பி சென்ற கிரணை தேடி வருகின்றனர். மாட்டு கொட்டகையால் ஏற்பட்ட தகராறில் ஒருவர் வெட்டிக் கொல்லப்பட்ட சம்பவம் அப்பகுதி மக்களிடையே பரபரப்பைஏற்படுத்தியுள்ளது. 

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.

logo
Malaimurasu Seithikal
www.malaimurasu.com