“முதல் காதலை துண்டிக்காமலே நடந்த திருமண ஏற்பாடு..” -இளைஞரின் ஆத்திரத்தால் பலியான ஆசிரியை!!

தமிழகத்தில் நாளுக்கு நாள் பெண்கள் எதிர்கொள்ளும் சிக்கல்கள் நாளுக்கு நாள் அதிகரித்து வருகிறது. அதிலும் காதலால் ஏற்படும் சிக்கல்கள் அதிகம். இன்றைய சூழலில் ஒரு காதலில் குறைந்தபட்ச நேர்மையும் இல்லை. பிரிந்து செல்ல சுதந்திரமும் இல்லை. அதன் விளைவுதான் சமூகம் நாள்தோறும் பல வன்முறைகளை சன்னதிது வருகிறது. சில தினங்களுக்கு முன்பு காதல் விவகாரத்தில் 12-வது படிக்கும் மாணவியை இளைஞன் ஒருவன் குத்தி கொன்றான். அந்த சம்பவத்திலிருந்து மீள்வதற்குள்ளாகவே மீண்டும் ஒரு கோர  சம்பவம் அரங்கேறியுள்ளது. தஞ்சாவூர் அருகே பள்ளிக்கு சென்ற ஆசிரியை காதலன் வழிமறித்து கத்தியால் குத்தி கொலை செய்த சம்பவம் அப்பகுதியில்  பரபரப்பை ஏற்படுத்தி உள்ளது.

தஞ்சாவூர் மாவட்டம் மாரியம்மன் கோயில் அருகே மேல களக்கூடிக் கிராமத்தைச் சேர்ந்தவர் புண்ணியமூர்த்தி இவரது மகள் காவியா (26) இவர் ஆலங்குடி அரசு தொடக்கப் பள்ளியில் தற்காலிக ஆசிரியராக பணிபுரிந்து வந்தார். இவர் அதே ஊரைச் சேர்ந்த கருணாநிதி மகன் அஜித்குமார் (29) என்பவரை  கடத்த சில ஆண்டுகளாக காதலித்து வந்ததாக கூறப்படுகிறது.

 இந்த நிலையில் காவியாவின் பெற்றோர் இவர்களின் காதலுக்கு சம்மதம் தெரிவிக்கவில்லை. வீட்டாரின் வற்புறுத்தலின்படி அவரது உறவினர் உடன் சில நாட்களுக்கு முன்பு திருமண நிச்சயதார்த்தம் நடந்துள்ளது. இந்த விவரத்தை காவியா அஜித்குமாருக்கு தெரிவிக்காமல் அவருடன் தொடர்ந்து பேசி வந்ததாக கூறப்படுகிறது. இதே போல்  கடந்த 26 -ஆம் தேதி இரவு 8 மணிக்கு இருவரும் செல்போனில் பேசிக் கொண்டிருந்தபோது தனக்கு நிச்சயதார்த்தம் செய்யப்பட்ட தகவலையும், அதற்கான போட்டோக்களையும் அஜித்குமாருக்கு காவியா காட்டியுள்ளார். இதனால் அஜித் குமார் கோபத்தில் இருந்து உள்ளதாக கூறப்படுகிறது. இந்த நிலையில் இன்று (நவம்பர் 27) காலை காவியா பள்ளிக்கு இருசக்கர வாகனத்தில் செல்லும்போது, மாரியம்மன் கோவில் கொத்தட்டை காலனி ராமகிருஷ்ண மடம் அருகே சென்றபோது அவரை அஜித்குமார் வழி மறித்து அவரிடம் தகராறில் ஈடுபட்டு உள்ளார். ஒருக்கட்டத்தில் தான் மறைத்து வைத்திருந்த கத்தியால் காவியாவை குத்தி கொலை செய்துள்ளார். 

 இதில் பலத்த காயமடைந்த காவியா அதே இடத்தில் உயிரிழந்தார். இச்சம்பவம் குறித்து தகவல் அறிந்ததும் அம்மாபேட்டை போலீஸார் சம்பவ இடத்துக்கு சென்று காவியாவின் உடலை கைப்பற்றி தஞ்சாவூர் மருத்துவ கல்லூரி மருத்துவமனைக்கு அனுப்பி வைத்தனர். இந்த கொலை வழக்கு தொடர்பாக பாபநாசம் காவல்துறை துணை கண்காணிப்பாளர் தலைமையில் விசாரணை நடைபெற்று வருகிறது.

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.