பச்சிளம் குழந்தை என்றும் பாராமல் சீரழித்த இளைஞன் - நாயையும் விட்டுவைக்காத கொடூரம்.. ஆபாச வீடியோ எடுத்து ரசித்த அவலம்!

பிரிட்டனைச் சேர்ந்த 35 வயதான ஏட்ரியன் வேரிங், பச்சிளம் குழந்தையை இரண்டு முறை பாலியல் வன்கொடுமை செய்த குற்றத்திற்காகவும், அத்துடன் பாலியல் தாக்குதல், குழந்தைகளின் ஆபாசப் படங்களை உருவாக்குதல், அதிதீவிர ஆபாசப் படங்களை வைத்திருத்தல் மற்றும் உயிருள்ள நாயுடன் மிருகப்புணர்ச்சியில் ஈடுபடுதல் ஆகிய குற்றச்சாட்டுகளையும் ஏட்ரியன் ஒப்புக்கொண்டுள்ளார்.

மெர்சிசைட் காவல்துறையின் துப்பறியும் தலைமை ஆய்வாளர் கிறிஸ் சைடி, வேரிங்கின் செயல்களைப் பற்றி இவ்வாறு கூறினார், "வேரிங் பாதிக்கப்பட்டவர் மீது நிகழ்த்திய கொடூரத்தையும் வக்கிரத்தையும் புரிந்துகொள்ளவே முடியவில்லை. முற்றிலும் தனது சொந்த வக்கிரமான திருப்திக்காக, ஒரு அப்பாவி குழந்தையை மிகவும் துன்பத்திற்கு அவர் உள்ளாகியுள்ளார்" என்று அவர் கூறியுள்ளார். இங்கிலாந்தின் செயின்ட் ஹெலன்ஸைச் சேர்ந்த வேரிங், கடந்த பிப்ரவரியில் லிவர்பூல் கிரவுன் நீதிமன்றத்தில் ஆஜர்படுத்தப்பட்டு, அவருக்கு மொத்தமாக 22 ஆண்டுகள் மற்றும் எட்டு மாதங்கள் சிறைத்தண்டனை விதிக்கப்பட்டது. அவர் 14 ஆண்டுகள் மற்றும் எட்டு மாதங்கள் சிறைத் தண்டனையையும், மீதமுள்ள எட்டு ஆண்டுகளை பிணை விடுதலையிலும் கழிப்பார் என்று கூறப்பட்டுள்ளது.

நீதிமன்றம் காலவரையற்ற தடையுத்தரவையும், காலவரையற்ற பாலியல் தீங்கு தடுப்பு உத்தரவையும் பிறப்பித்ததோடு, வேரிங் வாழ்நாள் முழுவதும் பாலியல் குற்றவாளியாகப் பதிவு செய்துகொள்ள வேண்டும் என்று கூறப்பட்டுள்ளது. மேலும், "அவர் ஏற்படுத்திய தீங்கையும் துன்பத்தையும் எந்தச் சிறைத் தண்டனையும் சரிசெய்யாது என்றாலும், தனது கொடூரமான குற்றங்களுக்காக அவர் இப்போது பல ஆண்டுகள் சிறையில் கழிப்பது சரியானதே. மேலும், அவர் செய்த சேதங்களைப் பற்றி அவர் சிந்தித்துப் பார்ப்பார் என்று நான் நம்புகிறேன்" என்று காவல்துறை ஒருவர் கூறியுள்ளார்.

இளம் வயதினரைப் பாதுகாப்பதையும், குற்றவாளிகளை நீதியின் முன் நிறுத்துவதையும் பிரதான நோக்கமாகக் கொண்ட, குழந்தைகள் மற்றும் குற்றவியல் பாலியல் சுரண்டலுக்கென ஒரு பிரத்யேகக் குழு அமைக்கப்பட்டுள்ளதாகவும், எந்த விதமான பாலியல் வன்கொடுமைக்கும் ஆளானவர்கள் தயவுசெய்து இதனை காவல்துறையிடம் புகாரளிக்குமாறு கேட்டுக்கொள்வதாக அதிகாரிகள் கூறியுள்ளனர். குழந்தைகள் மற்றும் குற்றவியல் பாலியல் சுரண்டல் குழு என்ற ஒரு சிறப்புப் பிரிவு, பாதிக்கப்படக்கூடிய இளம் வயதினரைப் பாதுகாப்பதிலும், குற்றவாளிகள் மீது வழக்குத் தொடரப்படுவதை உறுதி செய்வதிலும் மட்டுமே கவனம் செலுத்துகிறது. பாலியல் வன்கொடுமையால் பாதிக்கப்பட்டவர்கள் முன்வர வேண்டும் என அதிகாரிகள் வலியுறுத்துகின்றனர். மேலும், சிறப்பாகப் பயிற்சி பெற்ற அதிகாரிகள் அவர்களது வழக்குகளை ஆரம்பம் முதல் இறுதி வரை கவனத்துடனும் பரிவுடனும் கையாளுவார்கள் என்றும் அவர்களுக்கு உறுதியளித்துள்ளனர்.

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்