.png)
திருவள்ளூர் மாவட்டம் எண்ணூர் மூன்றாவது தெரு இந்திரா நகரில் வசித்து வந்தவர் மரியம் பிபி இவர் கடந்த 2004 ஆம் ஆண்டு தனது வீட்டில் தாஜுதீன் என்பவர் கழுத்தறுத்து கொலை செய்யப்பட்டிருப்பதாக எண்ணூர் காவல் நிலையத்திற்கு போன் செய்து தகவல் கொடுத்திருக்கிறார். தகவல் அறிந்து சம்பவ இடத்திற்கு விரைந்த போலீசார் இறந்தவரின் உடலை கைப்பற்றி பிரேத பரிசோதனைக்கு அனுப்பிவைத்தனர். பின்னர் இது குறித்து வழக்குப்பதிவு செய்து விசாரணை மேற்கொண்டதில் பல திடுக்கிடும் தகவல்கள் வெளியாகின, மரியம் பிபி என்பவர் அவரது வேட்டை ராஜேந்திரன் என்பவருக்கு வாடகைக்கு விட்டுள்ளார்.
ராஜேந்திரன் ரசூல் பிபி என்ற இஸ்லாமிய பெண்ணை காதலித்து திருமணம் செய்து கொண்டு அவரும் இஸ்லாமியராக மாறி ரபீக் என்ற பெயரில் வாழ்ந்து வருகிறார். பின்னர் இருவரும் சேர்ந்து மரியம் வீட்டை வாடகைக்கு எடுத்து அங்கே தங்கி பெண்களை வைத்து பாலியல் தொழில் செய்து வந்ததாக சொல்லப்படுகிறது. அப்போது ரபீக் நண்பரான தாஜுதீன் ரபீக்கிற்கு உதவியாக அவரது வீட்டிலேயே தங்கி வேலை செய்து வந்திருக்கிறார், எனவே தினமும் இரவு இருவரும் ஒன்றாக அமர்ந்து மது அருந்துவதை வாடிக்கையாக வைத்திருந்துள்ளனர்.
வழக்கம்போல ஒரு நாள் இருவரும் அமர்ந்து மது அருந்திக் கொண்டிருந்த நிலையில் தாஜுதீன் ரபீக்கின் மனைவியை பற்றி தவறாக பேசியுள்ளார். இதனால் இருவருக்கும் இடையே வாக்குவாதம் ஏற்பட்டுள்ளது. இதில் ஆத்திரமடைந்த ரபீக் வீட்டில் இருந்த கத்தியை எடுத்து தாஜுதீன் கழுத்தை அறுத்து கொலை செய்துவிட்டு அப்பகுதியில் தப்பிச் சென்றிருக்கிறார். இதனை தொடர்ந்து ராஜேந்திரன் மீது வழக்கு பதிவு செய்த போலீசார் அவரை தனிப்படை அமைத்து தேடிவந்தனர். குற்றவாளியின் பெயர் ராஜேந்திரன் மற்றும் அவரது தந்தை பெயர் பரமேஸ்வரன் என்ற தகவல்களை தவிர அவரது புகைப்படம் உள்ளிட்ட வேறு எந்த ஆதாரமும் காவல்துறைக்கு கிடைக்காமல் இருந்துள்ளது.
இந்த நிலையில் கிட்டத்தட்ட 21 ஆண்டுகள் பிறகு ராஜேந்திரன் என்கின்ற ரபீக் கடலூர் மாவட்டத்தில் அவரது இரண்டாவது மனைவியான லட்சுமி என்பவரிடம் வாழ்ந்து வருவதாக தகவல் கிடைத்துள்ளது. அதன் பேரில் கடலூர் மாவட்டத்திற்கு சென்ற போலீசார் இதுவரை அவரது புகைப்படம் இல்லாத நிலையில் வெறும் ராஜேந்திரன் என்ற பெயரையும் அவரது தந்தையின் பெயர் பரமேஸ்வரன் என்ற தகவலை வைத்துக்கொண்டு தேடுதலில் ஈடுபட்டனர்.அப்போது தேர்தல் ஆணையம் எஸ் ஐ ஆர் படிவத்தை வைத்து தேடியிருக்கின்றனர் அதில் கடலூர் மாவட்டத்தில் மட்டும் 10 மேற்பட்ட ராஜேந்திரன் தந்தையின் பெயர் பரமசிவன் என்கின்ற பெயரின் வசித்து வருகின்றனர் என்ற தகவல்கள் கிடைத்துள்ளன.
இதனை வைத்து விசாரணை செய்த போலீசாருக்கு குற்றவாளியான ராஜேந்திரன் தற்போது பெங்களூருவில் வசித்து வருவதாக கிடைத்த தகவலை தொடர்ந்து தனிப்படை போலீசார் பெங்களூரில் உள்ள மாண்டி வாலா மார்க்கெட்டில் வைத்து அவரை கைது செய்தனர். 21 ஆண்டுகளுக்கு பிறகு கொலை குற்றவாளி கைது செய்யப்பட்ட சம்பவம் கடலூர் மக்களிடையே பெரும் பரபரப்பை ஏற்படுத்தியுள்ளது.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.
