.png)
பெங்களூருவில் உள்ள ஒரு மென்பொருள் பொறியாளர், தனது காலணிக்குள் மறைந்திருந்த பாம்பு கடித்து உயிரிழந்திருப்பது சோகத்தை ஏற்படுத்தியுள்ளது.
பெங்களூருவின் ரங்கநாதா லேஅவுட் பகுதியில் வசித்து வந்த மஞ்சு பிரகாஷ் (41) என்ற மென்பொருள் பொறியாளர், அருகில் உள்ள கடைக்குச் சென்றுவிட்டு வீட்டிற்குத் திரும்பியுள்ளார். அப்போது, தனது குரோக்ஸ் செருப்பை (Crocs slippers) அணியும்போது, செருப்புக்குள் மறைந்திருந்த பாம்பு அவரைக் கடித்துள்ளது.
மஞ்சு பிரகாஷுக்கு ஏற்கனவே ஒரு விபத்தின் காரணமாக அவரது காலில் உணர்ச்சித் திறன் குறைவாக இருந்ததால், பாம்பு கடித்ததை அவரால் உணர முடியவில்லை. இந்த நிலையிலேயே, அவரது உடல்நிலை மோசமடையத் தொடங்கியது. சிறிது நேரம் கழித்து, அவரது தாயார் அவரைப் பார்க்கச் சென்றபோது, அவர் வாயில் நுரை வந்த நிலையில், அசைவற்று இருப்பதைக் கண்டு அதிர்ச்சியடைந்துள்ளார்.
உடனடியாக அவரை மருத்துவமனைக்கு அழைத்துச் சென்றனர். ஆனால், அங்கு அவர் ஏற்கனவே இறந்துவிட்டதாக மருத்துவர்கள் தெரிவித்தனர்.
மஞ்சு பிரகாஷின் மரணத்திற்குக் காரணமான பாம்பு, பின்னர் அவரது செருப்புக்குள்ளேயே இறந்து கிடந்தது கண்டுபிடிக்கப்பட்டது. இந்தச் சம்பவம், குடியிருப்புப் பகுதிகளில் பாம்புகளின் நடமாட்டம் குறித்து அப்பகுதி மக்களிடையே அச்சத்தை ஏற்படுத்தியுள்ளது.
மழைக்காலத்தில், பாம்புகள் பெரும்பாலும் உலர்ந்த மற்றும் இருண்ட இடங்களைத் தேடி வீடுகளுக்குள் நுழையும். இது போன்ற சம்பவங்கள் நடக்காமல் இருக்க, காலணிகளை அணிவதற்கு முன் நன்கு உதறிப் பார்த்துக்கொள்ள வேண்டும். மேலும், வீட்டில் உள்ள இருண்ட மூலைகளிலும், சேமிப்புப் பகுதிகளிலும் கூடுதல் கவனம் செலுத்துவது அவசியம்.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.
