.png)
சென்னையில் இருந்து தெற்கே 400 கி.மீ தொலைவில் டிட்வா புயல் மையம் கொண்டுள்ள நிலையில் 8 கி.மீ தொலைவில் சென்னையை நோக்கி நகர்ந்து வருகிறது. நாளை (நவ 30) இந்த புயல் வட தமிழ்நாட்டை நோக்கி நெருங்கும் என இந்திய வானிலை ஆய்வு மையம் அறிவித்துள்ளது. இலங்கையில் நிலை கொண்டிருந்த டிட்வா புயல் தற்போது முழுமையாக நகர்ந்து டெல்டா மற்றும் வட இலங்கை கடல் பகுதியில் நிலை கொண்டிருக்கிறது. தற்போது 65 கி.மீ வேகத்தில் வீசும் புயல் முழுமையாக டெல்டா பகுதியை அடைந்த உடன் மணிக்கு 70 முதல் 80 கி.மீ வேகத்தில் வீசப்படும் என சொல்லப்படுகிறது.
இதன் காரணமாக டெல்டா மற்றும் சென்னையின் வட கடலோர பகுதிகளில் இன்று மற்றும் நாளை கனமழை கொட்டித் தீர்க்கும் என வானிலை ஆய்வாளர்கள் தெரிவித்திருக்கின்றனர். மேலும் விழுப்புரம், செங்கல்பட்டு, மயிலாடுதுறை, கடலூர் ஆகிய இடங்களிலும் புதுச்சேரியில் ஓரிரு இடங்களிலும் கன முதல் அதி கனமழை பெய்யும் என தெரிவித்துள்ளனர். குறிப்பாக டெல்டா பகுதிகளில் குறுகிய காலத்திலேயே அதிக மழை கொட்டி தீர்க்கும் எனவே முன்னெச்சரிக்கையுடன் இருக்க வேண்டும் என தெரிவித்துள்ளனர்.
மேலும் மயிலாடுதுறை, விழுப்புரம், கடலூர், செங்கல்பட்டு, வேலூர், தஞ்சாவூர், புதுக்கோட்டை,திருவாரூர், நாகப்பட்டினம், திருச்சி, அரியலூர், பெரம்பலூர், சேலம், திருவண்ணாமலை, கள்ளக்குறிச்சி, நாகப்பட்டினம், காஞ்சிபுரம், நாமக்கல், ராணிப்பேட்டை, சென்னை, திருப்பத்தூர், கிருஷ்ணகிரி, தர்மபுரி, கரூர் ஆகிய மாவட்டங்களிலும் புதுச்சேரியில் ஓரிரு இடங்களிலும் கனமழை பெய்யும் என கூறியுள்ளனர். எனவே மீனவர்களை கடலுக்கு செல்ல வேண்டாம் என எச்சரிக்கை விடுத்துள்ளனர்.
தற்போது சென்னைக்கு 8 கி.மீ தொலைவில் உள்ள புயல் எந்த திசையை நோக்கி நகர்கிறது, எவ்வளவு வேகத்தில் நகர்கிறது என்பதை வைத்தே புயல் எங்கு கரையை கடக்கும் என்பதை கணிக்க முடியும் என வானிலை ஆய்வாளர்கள் தெரிவித்துள்ளனர். மேலும் இந்த புயல் தாக்கமாக நாளையும் சென்னையின் ஓரிரு இடங்களில் கனமழை பெய்ய கூடும் என தெரிவித்திருக்கின்றனர்.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.
