.png)
சென்னை: இந்திய ரயில்வேயில் காலியாக உள்ள 9,970 உதவி லோகோ பைலட் (ALP) பணியிடங்களை நிரப்புவதற்கான விண்ணப்ப பதிவு தொடங்கியுள்ளது. மத்திய அரசின் கீழ் இயங்கும் ரயில்வே துறையில் பணியாற்ற வேண்டும் என்பது பல இளைஞர்களின் கனவாக உள்ளது.
இந்த அறிவிப்பு, வேலைவாய்ப்பை எதிர்பார்க்கும் தேர்வர்களுக்கு மகிழ்ச்சியான செய்தியாக அமைந்துள்ளது. குறிப்பாக, தெற்கு ரயில்வேயில் 510 பணியிடங்கள் உட்பட மொத்தம் 9,970 பணியிடங்களுக்கு விண்ணப்பிக்கலாம். இந்தப் பணியிடங்களுக்கு எவ்வாறு விண்ணப்பிப்பது, கல்வித் தகுதி, தேர்வு முறை மற்றும் முக்கிய விவரங்கள் குறித்து இங்கு விரிவாகப் பார்க்கலாம்.
பணியிடங்களின் விவரங்கள்:
இந்திய ரயில்வேயின் பல்வேறு மண்டலங்களில் உள்ள காலியிடங்கள் பின்வருமாறு அறிவிக்கப்பட்டுள்ளன:
மத்திய ரயில்வே: 376
கிழக்கு ரயில்வே: 868
தெற்கு ரயில்வே: 510
மேற்கு ரயில்வே: 885
தென் கிழக்கு ரயில்வே: 921
வடக்கு ரயில்வே: 521
வடகிழக்கு எல்லை ரயில்வே: 125
கிழக்கு மத்திய ரயில்வே: 700
வட மத்திய ரயில்வே: 508
மேற்கு மத்திய ரயில்வே: 759
தென் கிழக்கு மத்திய ரயில்வே: 568
தென் மத்திய ரயில்வே: 989
வடகிழக்கு ரயில்வே: 100
வடமேற்கு ரயில்வே: 679
மெட்ரோ ரயில்வே, கொல்கத்தா: 225
மொத்தம் 9,970 பணியிடங்கள் இந்த அறிவிப்பின் மூலம் நிரப்பப்பட உள்ளன. தமிழகத்தை உள்ளடக்கிய தெற்கு ரயில்வேயில் 510 பணியிடங்கள் உள்ளன, இது தமிழக இளைஞர்களுக்கு மிகப்பெரிய வாய்ப்பாக அமைகிறது.
விண்ணப்பிக்கும் முறை:
இந்தப் பணியிடங்களுக்கு விண்ணப்பிக்க, ரயில்வே ஆட்சேர்ப்பு வாரியத்தின் (RRB) அதிகாரப்பூர்வ இணையதளமான https://www.rrbchennai.gov.in/ மூலம் ஆன்லைனில் விண்ணப்பிக்க வேண்டும். தேர்வர்கள் தேவையான விவரங்களைப் பூர்த்தி செய்து, கேட்கப்பட்ட ஆவணங்களைப் பதிவேற்றம் செய்ய வேண்டும். விண்ணப்பப் பதிவு தொடங்கியுள்ள நிலையில், மே 11, 2025 ஆம் தேதி விண்ணப்பிக்க கடைசி நாளாகும். எனவே, தகுதியுள்ளவர்கள் இந்த வாய்ப்பைப் பயன்படுத்திக்கொள்ள உரிய நேரத்தில் விண்ணப்பிக்க வேண்டும்.
கல்வித் தகுதி:
10-ஆம் வகுப்பு தேர்ச்சி பெற்றிருக்க வேண்டும்.
துறைசார்ந்த பிரிவில் ஐடிஐ (ITI) பயிற்சி முடித்திருக்க வேண்டும்.
மெக்கானிக்கல், எலக்ட்ரிக்கல், எலக்ட்ரானிக்ஸ், ஆட்டோமொபைல் என்ஜினியரிங் உள்ளிட்ட பிரிவுகளில் மூன்று ஆண்டு டிப்ளோமா அல்லது என்ஜினியரிங் பட்டம் பெற்றவர்கள் விண்ணப்பிக்க தகுதியானவர்கள்.
வயது வரம்பு:
விண்ணப்பதாரர்கள் 18 முதல் 30 வயதுக்குள் இருக்க வேண்டும். இந்த வயது வரம்பு ஜூலை 1, 2025 அன்று அடிப்படையாகக் கொள்ளப்படும். மத்திய அரசு விதிகளின்படி, பிற்படுத்தப்பட்ட வகுப்பினர், பட்டியலினத்தவர், மாற்றுத்திறனாளிகள் போன்ற பிரிவினருக்கு வயது வரம்பில் தளர்வு வழங்கப்படும்.
விண்ணப்பக் கட்டணம்:
பொது மற்றும் ஓபிசி பிரிவினர்: ரூ.500. இவர்கள் முதல் கட்ட கணினி வழித் தேர்வில் (CBT) பங்கேற்றால், ரூ.400 திருப்பி வழங்கப்படும்.
எஸ்.சி, எஸ்.டி, மாற்றுத்திறனாளிகள் மற்றும் பிற தகுதியான பிரிவினர்: ரூ.250. இந்தத் தொகை முழுமையாகத் திருப்பி வழங்கப்படும்.
விண்ணப்பக் கட்டணத்தை ஆன்லைன் முறையில் செலுத்த வேண்டும்.
தேர்வு முறை
முதல் கட்ட கணினி வழித் தேர்வு (CBT 1):
75 MCQ கேள்விகள் இடம்பெறும்.
கணிதம், பொது அறிவு, பொது அறிவியல், பகுத்தறிவு ஆகிய பாடப்பிரிவுகளில் இருந்து கேள்விகள் கேட்கப்படும்.
ஒவ்வொரு தவறான பதிலுக்கும் நெகட்டிவ் (Negative)ங்கப்படும் (1/3 மதிப்பெண் கழிக்கப்படும்).
தேர்வு நேரம்: 60 நிமிடங்கள்.
இரண்டாம் கட்ட கணினி வழித் தேர்வு (CBT 2):
இது இரண்டு பகுதிகளாக (பார்ட் A மற்றும் பார்ட் B) நடைபெறும்.
பார்ட் A: 100 கேள்விகள், 90 நிமிடங்கள். இதில் கணிதம், பொது அறிவு, அடிப்படை அறிவியல் மற்றும் பகுத்தறிவு ஆகியவை இடம்பெறும்.
பார்ட் B: 75 கேள்விகள், 60 நிமிடங்கள். இது தொழில்நுட்ப அறிவு சார்ந்த கேள்விகளை உள்ளடக்கும். இந்தப் பகுதியில் தேர்ச்சி பெறுவது கட்டாயம்.
நெகட்டிவ் மதிப்பெண்கள் இதிலும் பொருந்தும்.
சான்றிதழ் சரிபார்ப்பு மற்றும் மருத்துவப் பரிசோதனை:
CBT 1 மற்றும் CBT 2 தேர்வுகளில் தேர்ச்சி பெற்றவர்கள் சான்றிதழ் சரிபார்ப்பு மற்றும் மருத்துவப் பரிசோதனைக்கு அழைக்கப்படுவார்கள்.
மருத்துவப் பரிசோதனையில் உடல் தகுதி மற்றும் பார்வைத் திறன் ஆகியவை முக்கியமாகக் கருதப்படும்.
தேர்வுக்கு தயாராவது எப்படி?
தேர்வர்கள் CBT 1 மற்றும் CBT 2 தேர்வுகளுக்கு தயாராக, கணிதம், பொது அறிவு, அறிவியல் மற்றும் தொழில்நுட்ப அறிவு ஆகியவற்றில் கவனம் செலுத்த வேண்டும். முந்தைய ஆண்டு வினாத்தாள்களைப் பயிற்சி செய்வது க்கியம். தொழில்நுட்பப் பிரிவு கேள்விகளுக்கு, ஐடிஐ அல்லது டிப்ளோமா பாடத்திட்டத்தை முழுமையாகப் படிப்பது அவசியம்.
முக்கிய தேதிகள்
விண்ணப்பப் பதிவு தொடக்கம்: ஏப்ரல் 14, 2025
விண்ணப்பிக்க கடைசி நாள்: மே 11, 2025
தேர்வு தேதிகள்: பின்னர் அறிவிக்கப்படும்
இந்திய ரயில்வேயில் உதவி லோகோ பைலட் பணியானது நிலையான வேலைவாய்ப்பு மற்றும் சமூக மரியாதையை வழங்கும் ஒரு சிறந்த வாய்ப்பாகும். தகுதியுள்ள இளைஞர்கள் இந்த அறிவிப்பைப் பயன்படுத்தி, குறிப்பிட்ட காலக்கெடுவிற்குள் விண்ணப்பிக்க வேண்டும். முறையான தயாரிப்பு மற்றும் உறுதியுடன் இந்தத் தேர்வில் வெற்றி பெற முடியும். மேலும் விவரங்களுக்கு, RRB இணையதளத்தைப் பார்வையிடவும்.
குறிப்பு: தேர்வு அறிவிப்பு மற்றும் வழிகாட்டுதல்களை முழுமையாகப் படிக்க https://www.rrbchennai.gov.in/ இணையதளத்தைப் பார்க்கவும்.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்
