.png)
காபி குடிப்பது என்பது நம்ம ஊர்ல ஒரு கலாச்சாரமாவே மாறிப்போச்சு. காலையில எழுந்த உடனே ஒரு கப் சூடான காபி குடிச்சாதான் அன்னைக்கு பொழுது விடியுற மாதிரியே பலருக்கும் இருக்கும். ஆனா, இந்த காபியைத் தொடர்ந்து 14 நாட்கள் குடிச்சா நம்ம உடம்புல என்னென்ன அதிசயங்கள் நடக்கும்னு ஹார்வர்டு மற்றும் ஸ்டான்போர்டு பல்கலைக்கழகத்துல பயிற்சி பெற்ற பிரபல இரைப்பை குடலியல் நிபுணர் (Gastroenterologist) டாக்டர் சௌரப் சேதி ஒரு வீடியோல விளக்கியிருக்காரு. அவர் சொன்ன அந்தத் தகவல்கள் இப்போ சமூக வலைதளங்கள்ல பயங்கர வைரலா பரவிக்கிட்டு இருக்கு.
காபி குடிக்கிறதுனால மொதல்ல லாபம் அடையுறது நம்ம கல்லீரல் (Liver) தான் அப்படின்னு டாக்டர் சேதி சொல்றாரு. வழக்கமா காபி குடிக்கிறவங்களுக்கு ஃபேட்டி லிவர் (Fatty liver), ஃபைப்ரோஸிஸ் (Fibrosis) மற்றும் சிர்ரோஸிஸ் (Cirrhosis) போன்ற கல்லீரல் பாதிப்புகள் வர்றதுக்கான வாய்ப்பு ரொம்பக் குறைவு. கல்லீரல்ல வர்ற தழும்புகள் மற்றும் பாதிப்புகளைத் தடுக்க இந்த மார்னிங் காபி ரொம்பவே உதவியா இருக்கு. இது வெறும் பழக்கம் மட்டும் இல்ல, இப்போ டாக்டர்களே பரிந்துரைக்குற ஒரு ஹெல்த் டிப்ஸ்ஸா மாறிடுச்சு.
அடுத்ததா, காபி நம்ம உடம்போட மெட்டபாலிசத்தை (Metabolism) பயங்கரமா பூஸ்ட் பண்ணுது. காபியில இருக்குற குளோரோஜெனிக் அமிலம் (Chlorogenic acid) இன்சுலின் சென்சிடிவிட்டியை அதிகரிக்க உதவுது. குறிப்பா, சர்க்கரை போடாத பிளாக் காபி குடிக்கும் போது நம்ம உடம்புல இருக்குற கொழுப்பு வேகமா கரையுதுன்னு ஆராய்ச்சிகள் சொல்லுது. இது நம்ம பசியையும் கட்டுப்படுத்துறதுனால, தேவையில்லாம கலோரி அதிகமா இருக்குற உணவுகளைச் சாப்பிடுறதை நாம தவிர்த்திடலாம். இதனால உடல் எடையைக் குறைக்கணும்னு நினைக்கிறவங்களுக்கு காபி ஒரு நல்ல சாய்ஸ்.
நம்ம மூளைக்கும் காபி ஒரு சூப்பர் டானிக் மாதிரி வேலை செய்யுது. காபியில இருக்குற காஃபின் (Caffeine) நம்ம கவனத்தையும், சுறுசுறுப்பையும் அதிகரிக்குது. இதனாலதான் பெரிய பெரிய ஆபரேஷன் பண்றதுக்கு முன்னாடி டாக்டர்கள் காபி குடிக்கிறதை நாம பார்த்திருப்போம். தூக்கமின்மையைத் தீர்க்க இது ஒரு குறுக்கு வழி இல்லன்னாலும், மூளையோட பெர்ஃபார்மன்ஸை இது ஒரு குறிப்பிட்ட நேரத்துக்குத் தற்காலிகமா அதிகரிக்குது. முக்கியமான வேலைகள் செய்யும்போது ஒரு கப் காபி குடிச்சா நல்லா போக்கஸ் பண்ண முடியும்.
செரிமானப் பிரச்சனை இருக்குறவங்களுக்கு காபி ஒரு நல்ல மருந்தா அமையுது. காபி குடிச்ச உடனே மலம் கழிக்கணும்னு தோணுதுன்னு சொல்றவங்களுக்குப் பின்னாடி ஒரு அறிவியல் காரணம் இருக்கு. காபியில இருக்குற அமிலங்கள் கேஸ்ட்ரின் (Gastrin) அப்படிங்கிற ஹார்மோனைத் தூண்டி விடுது. இது குடலோட இயக்கத்தை வேகப்படுத்துறதுனால செரிமானம் சீராகுது. இதனாலதான் காபி குடிச்ச 29 சதவீத மக்களுக்கு உடனே பாத்ரூம் போகணும்னு ஒரு ஃபீல் வருது.
ஆனா, எல்லாருக்கும் காபி நல்லதுன்னு சொல்ல முடியாது. ஐபிஎஸ் (IBS - Irritable Bowel Syndrome) அப்படின்ற குடல் பிரச்சனை இருக்குறவங்க காபி குடிக்கும் போது கொஞ்சம் கவனமா இருக்கணும். அவங்களுக்கு வயிறு வலி, உப்பசம் அல்லது வயிற்றுப்போக்கு ஏற்பட வாய்ப்பு இருக்கு. ஒரு நாளைக்கு ஒன்னுல இருந்து மூணு கப் பிளாக் காபி குடிக்கலாம்னு டாக்டர் சேதி பரிந்துரைக்கிறாரு. ஆனா, காபி குடிச்ச உடனே நெஞ்சு படபடப்பு, பதற்றம், நெஞ்செரிச்சல் இல்லன்னா தூக்கமின்மை ஏற்பட்டா காபி குடிக்கிறதை நிறுத்துறது நல்லது.
காபி குடிக்கும் போது முக்கியமான ஒரு விஷயம் என்னன்னா, அதுல அதிகமா சர்க்கரையோ இல்ல பால் பவுடரையோ கலந்து குடிக்கக் கூடாது. அப்படி செஞ்சா காபியோட நன்மைகள் போயிடும். முடிஞ்ச வரைக்கும் சுத்தமான பிளாக் காபி குடிக்கப் பழகுங்க. இயற்கை நமக்குக் கொடுத்த ஒரு வரப்பிரசாதமான இந்த காபியைச் சரியான முறையில பயன்படுத்தினா, 14 நாள்லயே உங்க உடம்புல இருக்குற மாற்றத்தை உங்களால உணர முடியும்.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.
