.png)
நவீன காலத்தில் நமது சமையலறைகள் எவ்வளவோ முன்னேற்றம் அடைந்துவிட்டன என்று நாம் பெருமைப்பட்டுக்கொள்கிறோம் ஆனால் அந்த முன்னேற்றமே நமது ஆரோக்கியத்திற்கு மிகப்பெரிய சவாலாக மாறியுள்ளது என்பதுதான் கசப்பான உண்மை. முந்தைய காலங்களில் நமது முன்னோர்கள் நூறு வயது வரை ஆரோக்கியமாக வாழ்ந்ததற்கு அவர்கள் பயன்படுத்திய மண் பாண்டங்கள் மிக முக்கியமான காரணமாக இருந்தன. இன்று நாம் நேரத்தை மிச்சப்படுத்த பயன்படுத்துகின்ற பிரஷர் குக்கர் மற்றும் அலுமினியப் பாத்திரங்கள் உணவின் சத்துக்களை அழிப்பதோடு பல்வேறு உடல்நலக் கோளாறுகளையும் உண்டாக்குகின்றன. மண்ணில் விளைந்த பொருட்களை மண்ணால் செய்த பாத்திரத்தில் சமைத்து உண்ணும்போது கிடைக்கும் அந்த அபரிமிதமான சத்துக்கள் வேறு எதிலும் கிடைக்காது என்பதை நாம் மீண்டும் உணர வேண்டிய கட்டாயத்தில் இருக்கிறோம்.
மண் பாண்டங்களில் சமைப்பதில் உள்ள மிகப்பெரிய அறிவியல் அதன் வெப்பப் பரிமாற்றம் ஆகும். மண் பாத்திரங்கள் வெப்பத்தை மெதுவாகவும் சீராகவும் உணவிற்குள் கடத்துகின்றன இதன் மூலம் உணவில் உள்ள ஈரப்பதம் மற்றும் இயற்கையான சத்துக்கள் ஆவியாகாமல் அப்படியே தங்கிவிடுகின்றன. அலுமினியப் பாத்திரங்களில் சமைக்கும்போது உணவில் உள்ள ஊட்டச்சத்துக்கள் 70 சதவீதத்திற்கு மேல் அழிந்துவிடுகின்றன. ஆனால் மண் பாண்டத்தில் சமைக்கும்போது 100 சதவீத சத்துக்களும் அப்படியே பாதுகாக்கப்படுகிறது. குறிப்பாக பருப்பு மற்றும் இறைச்சி போன்ற உணவுகளை மண்பானையில் சமைக்கும்போது அதன் சுவை அலாதியானது. இது வெறும் சுவைக்காக மட்டுமல்ல அந்த உணவில் உள்ள புரதங்கள் சிதையாமல் நமக்குக் கிடைப்பதால்தான் அந்த அசாத்திய சுவை கிடைக்கிறது.
நமது உடலின் பிஹெச் அளவைச் சீராக வைப்பதில் மண் பாண்டங்கள் முக்கிய பங்கு வகிக்கின்றன. மண் என்பது இயற்கையிலேயே காரத்தன்மை கொண்டது நாம் சமைக்கும் உணவில் உள்ள அமிலத்தன்மையை இந்த மண் பாண்டங்கள் சமன்படுத்துகின்றன. இதன் காரணமாக மண்பானையில் சமைத்த உணவை உண்பவர்களுக்கு அஜீரணம் நெஞ்செரிச்சல் மற்றும் கேஸ் போன்ற வயிற்று உபாதைகள் ஏற்படுவதே இல்லை. நவீன காலத்தில் பலரையும் வாட்டி வதைக்கும் அல்சர் போன்ற நோய்களுக்கு மண் பாண்ட சமையல் ஒரு சிறந்த மருந்தாக அமைகிறது. மேலும் மண்பானையில் சமைக்கும்போது எண்ணெய் பயன்பாடு மிகக் குறைவாகவே தேவைப்படும் ஏனெனில் அதில் உள்ள நுண்துளைகள் வெப்பத்தைத் தக்கவைத்து உணவைத் தீயவிடாமல் பதமாக வேகவைக்கின்றன.
மண்பானையில் சமைத்த உணவு நீண்ட நேரம் கெட்டுப்போகாமல் இருக்கும் என்பது மற்றொரு ஆச்சரியமான விஷயமாகும். மண்ணுக்கு இயற்கையிலேயே நச்சுக்களை நீக்கும் ஆற்றல் உண்டு அதனால் உணவில் உள்ள தேவையற்ற கிருமிகளை அழித்து அந்த உணவை நீண்ட நேரம் பாதுகாப்பாக வைக்கிறது. கோடைக் காலங்களில் மண்பானையில் வைத்திருக்கும் தண்ணீர் இயற்கையான குளிர்ச்சியைத் தருவதோடு அந்த நீரில் மண்ணின் தாதுக்களையும் சேர்க்கிறது. இது போன்ற நன்மைகளைத் தரும் மண்பானைகளைப் பயன்படுத்துவதை விட்டுவிட்டு நாம் இன்று ரசாயனப் பூச்சு கொண்ட நான்-ஸ்டிக் பாத்திரங்களைப் பயன்படுத்தித் தீராத நோய்களை விலைக்கு வாங்கிக் கொண்டிருக்கிறோம். பழைய முறை என்று ஒதுக்கிவிடாமல் ஆரோக்கியம் தரும் ஒரு வரப்பிரசாதமாக மண்பானைகளை நாம் மீண்டும் கையில் எடுக்க வேண்டும்.
இன்றே உங்கள் சமையலறையில் ஒரு சிறிய மாற்றத்தைச் செய்து பாருங்கள். அலுமினியப் பாத்திரங்களுக்குப் பதிலாக ஒரு மண் சட்டியை வாங்கி அதில் சமைக்கத் தொடங்குங்கள். ஆரம்பத்தில் சிறிது நேரம் கூடுதலாக எடுத்தாலும் அந்த உணவை உண்ணும்போது உங்கள் உடலில் ஏற்படும் புத்துணர்ச்சியை நீங்கள் உணருவீர்கள்.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.
