.png)
நம்முடைய சமையலறையில் தவிர்க்க முடியாத ஒரு பொருள், அதுதான் பச்சை மிளகாய். இது உணவுக்கு காரத்தையும், தனிச்சுவையையும் கொடுப்பதுடன், நம்முடைய உடலின் ஆரோக்கியத்துக்கும் பல நன்மைகளைத் தருகிறது. மிளகாய் என்றாலே காரம்தான் நினைவுக்கு வரும். ஆனால், அந்தக் காரத்துக்குப் பின்னால் எத்தனை மருத்துவ ரகசியங்கள் புதைந்து கிடக்கின்றன என்பது பலருக்கும் தெரிவதில்லை. மிளகாயில் இருக்கும் கெப்சாய்சின் (Capsaicin) என்ற வேதிப்பொருள் தான் இந்த காரத்துக்குக் காரணம். இந்தக் கெப்சாய்சின்தான் நம்முடைய உடலுக்குப் பல வியக்க வைக்கும் ஆரோக்கிய நன்மைகளை வாரி வழங்குகிறது.
பச்சை மிளகாயின் மிக முக்கியமான நன்மை என்னவென்றால், அது நம்முடைய உடலில் சர்க்கரையின் அளவைக் கட்டுப்படுத்த உதவுகிறது என்பதுதான். குறிப்பாக, சர்க்கரை வியாதி இருப்பவர்கள் தினமும் உணவில் ஒரு பச்சை மிளகாயை சேர்த்து வந்தால், அவர்களின் உடலில் இன்சுலின் சுரப்பு சீராக இருக்கும். மேலும், சாப்பிட்ட பிறகு திடீரென இரத்தத்தில் சர்க்கரையின் அளவு அதிகமாவதை இந்த மிளகாய் தடுக்கிறது.
இந்த கெப்சாய்சின், ரத்தத்தில் சர்க்கரையின் அளவை சரியாக வைத்துக்கொள்ள உதவி செய்வதால், நாளடைவில் சர்க்கரை வியாதி இருப்பவர்களுக்கு அந்த நோயின் தீவிரம் குறைவதாக ஆய்வுகள் சொல்கின்றன. இதனால், திடீரென ஒருநாள் நீங்கள் சர்க்கரை வியாதியில் இருந்து விடுபடவும் வாய்ப்பு உள்ளது. ஆனால், மிளகாய் சாப்பிடுவதால் மட்டுமே நோய் முற்றிலும் குணமாகாது, அதற்கு சரியான மருந்து சாப்பிடுவதும், உணவுக்கட்டுப்பாடும் முக்கியம். ஆனால், இந்த மிளகாய் ஒரு துணை மருந்தாக செயல்படுகிறது.
பச்சை மிளகாயில் வைட்டமின் சி சத்து நிறைய இருக்கிறது. இது ஆரஞ்சு பழத்தில் இருப்பதை விடவும் அதிகம் என்று சொன்னால், நம்புவீர்களா? இந்த வைட்டமின் சி நம்முடைய உடலில் நோய் எதிர்ப்பு சக்தியை அதிகரிக்கிறது. எந்த நோய் வந்தாலும், அதை எதிர்த்துப் போராட இந்த சத்துதான் நம் உடலுக்கு உதவுகிறது. அதனால், தினமும் பச்சை மிளகாயைச் சாப்பிட்டால், சளி, காய்ச்சல் போன்ற சாதாரண நோய்கள் கூட நம்மை நெருங்காது. மேலும், இந்தப் பச்சை மிளகாய் ஒரு இயற்கையான ஆன்டி-ஆக்ஸிடன்ட் ஆக செயல்படுகிறது. இது நம் உடலில் இருக்கும் தேவையற்ற நச்சுப் பொருட்களை வெளியேற்றி, உடலின் செல்கள் சேதமாவதைத் தடுக்கிறது.
நம்முடைய இதய ஆரோக்கியத்துக்கும் பச்சை மிளகாய் ரொம்பவே நல்லது. இது இரத்தத்தில் இருக்கும் கெட்ட கொழுப்பைக் குறைக்க உதவுகிறது. இதனால், நம்முடைய இரத்த நாளங்களில் அடைப்புகள் ஏற்படுவது தடுக்கப்படுகிறது. மேலும், இது ரத்த ஓட்டத்தைச் சீராக்குவதால், மாரடைப்பு வரும் வாய்ப்பு வெகுவாகக் குறைகிறது. அதனால், உங்கள் உணவில் தினமும் கொஞ்சம் பச்சை மிளகாயைச் சேர்த்துக்கொண்டால், உங்கள் இதயம் ஆரோக்கியமாக இருக்கும். பச்சை மிளகாயை சாப்பிடும்போது, நம்முடைய உடலில் இருந்து வெப்பம் வெளியேறும். இந்த வெப்பம் வெளியேறும்போது, நம்முடைய உடலில் இருக்கும் அதிகப்படியான கொழுப்பும் கரைக்கப்படுகிறது. இதனால், உடல் எடை குறைய நினைப்பவர்களுக்கு இது ஒரு நல்ல உணவுப் பொருளாகும். இதைச் சாப்பிட்ட பிறகு, உடலில் மெட்டபாலிசம் என்ற வளர்ச்சிதை மாற்றம் அதிகரிக்கிறது. இது அதிக கலோரியை எரிக்க உதவுகிறது.
பொதுவாக மிளகாய் சாப்பிடும்போது, வயிற்றில் புண் வந்துவிடுமோ என்று சிலர் பயப்படுவார்கள். ஆனால், மிளகாயில் உள்ள கெப்சாய்சின், நம்முடைய வயிற்றுப் புண்களை குணப்படுத்த உதவுகிறது என்றும், அது அல்சர் வராமல் பாதுகாக்கிறது என்றும் சமீபத்திய ஆய்வுகள் தெரிவிக்கின்றன. மேலும், இது நம்முடைய செரிமான மண்டலத்தின் இயக்கத்தை சீராக்குகிறது. சாப்பிட்ட உணவு சரியாக ஜீரணம் ஆகவும், வயிற்றில் இருக்கும் வாயுத் தொல்லை நீங்கவும் இந்த பச்சை மிளகாய் உதவி செய்கிறது. இறுதியாக, பச்சை மிளகாயில் இருக்கும் வைட்டமின் ஏ சத்து, நம்முடைய கண்களுக்கு ரொம்பவே நல்லது. கண்பார்வை தெளிவாக இருக்கவும், கண் சம்பந்தப்பட்ட நோய்கள் வராமல் இருக்கவும் இந்தச் சத்து உதவுகிறது. அதனால், பச்சை மிளகாயின் காரத்தைப் பற்றி பயப்படாமல், அதனுடைய ஆரோக்கிய நன்மைகளை முழுமையாகப் பெற்று ஆரோக்கியமாக வாழ முயற்சி செய்யுங்கள்.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.
