.png)
காரசாரமான உணவுகளுக்குப் பெயர் போனது நம் ஊர் செட்டிநாடு சமையல். செட்டிநாடு சமையலின் தனித்துவமே அதில் பயன்படுத்தப்படும் மசாலாக்களை அப்போதே வறுத்து அரைத்துச் சேர்ப்பதுதான். முட்டையைப் பொதுவாக அவித்துச் சாப்பிடுவதை விட, இப்படி மசாலாக்களுடன் சேர்த்துத் தொக்காகச் செய்யும்போது அதன் சுவை பலமடங்கு கூடும். இட்லி, தோசை, சப்பாத்தி என அனைத்து உணவுகளுக்கும் ஏற்ற ஒரு மிகச்சிறந்த சைடு டிஷ் இது. குறிப்பாக அவசரமாகச் சமைக்க வேண்டிய நேரங்களில் இது ஒரு வரப்பிரசாதமாக அமையும்.
இந்தத் தொக்கிற்குத் தேவையான மசாலாவைத் தயார் செய்ய மல்லி, காய்ந்த மிளகாய், மிளகு, சீரகம், சோம்பு மற்றும் ஒரு துண்டு பட்டை, லவங்கம் ஆகியவற்றை எண்ணெய் இல்லாமல் வறுத்து மிக்ஸியில் பொடித்துக் கொள்ள வேண்டும். வாணலியில் நல்லெண்ணெய் ஊற்றிச் சோம்பு மற்றும் கறிவேப்பிலை தாளித்து, நிறையப் பொடியாக நறுக்கிய சின்ன வெங்காயத்தைச் சேர்க்க வேண்டும். வெங்காயம் நன்கு வதங்கி சுருங்கி வரும்போது தக்காளி சேர்த்து மசிய வேக வைக்க வேண்டும். இதனுடன் இஞ்சி பூண்டு விழுது சேர்த்து அதன் பச்சை வாசனை போகும் வரை கிளற வேண்டும்.
அரைத்து வைத்திருக்கும் செட்டிநாடு மசாலாவைச் சேர்த்துச் சிறிது தண்ணீர் ஊற்றிக் கொதிக்க விட வேண்டும். மசாலா நன்கு கொதித்து எண்ணெய் பிரிந்து வரும்போது, அவித்த முட்டைகளைச் சிறு கீறல்கள் இட்டு அதில் சேர்க்க வேண்டும். முட்டையின் உள்ளே மசாலா இறங்கும் வகையில் 5 நிமிடங்கள் மிதமான தீயியில் வைக்க வேண்டும். இறுதியில் கொத்தமல்லித் தழைகளைத் தூவி இறக்கினால் நாவூறும் செட்டிநாடு முட்டை தொக்கு தயார். இதில் மிளகு அதிகமாகச் சேர்க்கப்படுவதால் ஜீரணத்திற்கு மிகவும் நல்லது.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.
