.png)
ஆரோக்கியமான வாழ்க்கை முறைக்கு, சரியான காலை நேர பழக்கங்கள் அவசியம். காலை நேர பழக்கங்கள் வளர்சிதை மாற்றத்தை அதிகரித்து, உடல் எடையை குறைக்க உதவும். இதனால் உடல் எடையை குறைத்து, ஆரோக்கியமான வாழ்க்கையை வாழ நினைப்பவர்கள் காலை நேர நடவடிக்கையாளில் கவனம் செலுத்துவது அவசியம்.
உடல் எடையை குறைக்க ஒரு நாள் அல்லது இரண்டு நாள் முயற்சி மட்டும் போதாது. தொடர்ச்சியான முயற்சி தேவை. சரியான உணவு மற்றும் உடற்பயிற்சி முக்கியம். அதோடு, ஒரு ஒழுங்கான தினசரி பழக்கமும் முக்கியம். குறிப்பாக, காலை நேர பழக்கம் உடல் எடை குறைப்பில் பெரிய பங்கு வகிக்கிறது. காலை நேரத்தில் நல்ல பழக்கங்களை கடைபிடித்தால், உடல் ஆரோக்கியம் மேம்படும். காலை நேர பழக்கங்கள் உடல் எடை குறைப்பில் முக்கியமானவை. காலை 9 மணிக்குள் என்ன செய்ய வேண்டும் என்பதை இப்போது பார்க்கலாம்.
காலையில் செய்ய வேண்டியவை :
காலை எழுந்தவுடன் தண்ணீர் குடிக்க வேண்டும். இது வளர்சிதை மாற்றத்தை அதிகரிக்கும். செரிமானத்திற்கும் உதவும். இரவில் தூங்கி எழுந்ததும் உடல் வறண்டு இருக்கும். தண்ணீர் குடிப்பதால் உடல் மீண்டும் ஈரப்பதமாகும். மேலும், இது உண்மையான பசிக்கும், நீர்ச்சத்து குறைபாட்டினால் ஏற்படும் பசிக்கும் வித்தியாசம் காண உதவும். இதனால், ஆரோக்கியமான உணவை உண்ண முடியும். உணவுக்கு முன்பு தண்ணீர் குடிப்பதால், கலோரி அளவு குறையும். வயிறு நிறைந்த திருப்தி கிடைக்கும். இது உடல் எடை குறைக்க உதவும் ஒரு எளிய வழி.
காலை உணவை தவிர்க்கக் கூடாது. கார்போஹைட்ரேட் உணவுகளை மட்டும் சாப்பிடக் கூடாது. அப்படி செய்தால், உடல் எடை குறையாமல் போகலாம். ஏனென்றால், பிறகு அதிகமாக சாப்பிடத் தோன்றும். புரதம் நிறைந்த காலை உணவு நல்லது. இது பசியை கட்டுப்படுத்தும். ஆரோக்கியமற்ற நொறுக்குத் தீனிகளை தவிர்க்க உதவும். முட்டை, தயிர், பருப்புகள், பயறு வகைகள் மற்றும் புரத சத்து நிறைந்த பானங்களை காலை உணவில் சேர்த்துக் கொள்ளலாம். இவை, நாள் முழுவதும் வயிறு நிறைந்த உணர்வை கொடுக்கும்.
லேசான உடற்பயிற்சி செய்வது நல்லது. உதாரணமாக, நடைப்பயிற்சி மற்றும் stretching செய்யலாம். இது வளர்சிதை மாற்றத்தை தூண்டி, கொழுப்பை எரிக்க உதவும். காலை உடற்பயிற்சி, நாள் முழுவதும் ஆரோக்கியமான உணவு தேர்வுகளை எடுக்க உதவும். இரவில் நல்ல தூக்கம் வரவும் உதவும். இது உடலின் சர்க்காடியன் rhythm-ஐ (circadian rhythms) ஒழுங்குபடுத்தும். மன அழுத்தத்தை குறைக்கும். மேலும், melatonin உற்பத்தியை அதிகரிக்கும்.
Yoga மற்றும் தியானம் செய்வது உடல் எடை குறைக்க உதவும். இவை மன அழுத்தத்தை குறைத்து, கவனத்தை அதிகரிக்கும். ஆரோக்கியமான உணவு பழக்கத்தை உருவாக்க உதவும். மேலும், ஆரோக்கியமற்ற உணவுகளின் மீதுள்ள விருப்பத்தை குறைக்கும். தியானம் basal metabolic rate-ஐ குறைக்கும். உணவை நன்றாக செரிக்க வைக்கும். துரித உணவுகள் மீதுள்ள ஆர்வத்தை குறைக்கும்.
காலை சூரிய ஒளியில் சிறிது நேரம் இருக்க வேண்டும். இது உடல் எடை குறைக்க உதவும். சூரிய ஒளி சர்க்காடியன் rhythm-ஐ (circadian rhythms) ஒழுங்குபடுத்தும். இது வளர்சிதை மாற்றத்தை மேம்படுத்தும். பசியை குறைக்கும். கொழுப்பை எரிக்க உதவும். சூரிய ஒளி vitamin D அளவை அதிகரிக்கும். உடல் எடை குறைவதோடு, உடல் ஆரோக்கியமும் மேம்படும்.
உங்களின் வாழ்க்கை முறையில் திடீரென மாற்றம் செய்ய நீங்கள் விரும்பினால் முதலில் உங்களின் டாக்டரை அணுகி, உங்களின் ஆரோக்கிய நிலையை பரிசீலித்து, அவரின் ஆலோசனையை பெற வேண்டும். உங்களின் வயது, ஆரோக்கியம் ஆகியவற்றை பொருத்து சில விஷயங்கள் மாறுபடலாம். அதனால் ஆரோக்கியத்தை பாதுகாக்க எப்போதும் எந்த ஒரு புதிய முயற்சிக்கு முன்பும் டாக்டரின் ஆலோசனையை பெறுவது மிக அவசியமான ஒன்றாகும். அதே போல் நீங்கள் கடைபிடிக்கும் ஆரோக்கிய வழிமுறைகளை குறைந்த பட்சம் 3 மாதங்களாவது தொடர்ந்து கடைபிடிப்பது அல்லது செய்வது மிக மிக அவசியம். அப்படி செய்தால் மட்டுமே உடல் எடை குறைப்பில் சிறிய அளவிலாவது மாற்றங்களை காண முடியும். சிலருக்கு அதற்கு மேலும் கூட ஆவதற்கு வாய்ப்பு உள்ளது.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்
