.png)
இன்றைய நவீன உலகில் பலருக்கும் இருக்கும் மிகப்பெரிய கவலை தொப்பை மற்றும் உடல் எடை அதிகரிப்பதுதான். ஒரே இடத்தில் அமர்ந்து வேலை செய்வது, முறையற்ற உணவுப் பழக்கம் மற்றும் உடற்பயிற்சி இல்லாமை போன்ற காரணங்களால் உடல் எடை ராக்கெட் வேகத்தில் உயர்கிறது. எடையைக் குறைக்க வேண்டும் என்று நினைத்தவுடனேயே பலரும் ஜிம்முக்குச் செல்வது அல்லது பட்டினியாக இருப்பது போன்ற முடிவுகளை எடுக்கிறார்கள். ஆனால், கடுமையான உடற்பயிற்சிகளை விட நாம் சாப்பிடும் உணவில்தான் 70 சதவீத உடல் குறைப்பு ரகசியம் ஒளிந்திருக்கிறது. நம்முடைய சமையலறையிலேயே கிடைக்கும் சில எளிய இயற்கை உணவுகளைச் சரியான முறையில் உட்கொண்டாலே, எந்தவிதப் பக்கவிளைவுகளும் இன்றி உடல் எடையை மிக வேகமாகப் பாதியாகக் குறைக்க முடியும்.
உடல் எடையைக் குறைக்க உதவும் முதல் மற்றும் மிக முக்கியமான உணவு "வெதுவெதுப்பான எலுமிச்சை மற்றும் தேன் கலந்த நீர்". தினமும் காலையில் வெறும் வயிற்றில் இதனை குடித்து வந்தால், உடலில் உள்ள நச்சுக்கள் (Toxins) வெளியேறும். எலுமிச்சையில் உள்ள சிட்ரிக் அமிலம் செரிமானத்தைச் சீராக்குவதுடன், உடலில் தேங்கியுள்ள தேவையற்ற கொழுப்பைக் கரைக்க உதவுகிறது. இது உங்கள் உடலின் வளர்சிதை மாற்றத்தை (Metabolism) அதிகரித்து, நாள் முழுவதும் நீங்கள் சுறுசுறுப்பாக இருக்க வழிவகுக்கும். இதனைத் தொடர்ந்து குடித்து வருபவர்களுக்குத் தொப்பை குறைவதுடன், சருமமும் பளபளப்பாக மாறும். இது மிகவும் செலவில்லாத மற்றும் சக்திவாய்ந்த ஒரு இயற்கை மருந்தாகும்.
அடுத்ததாக, நார்ச்சத்து அதிகம் உள்ள "ஓட்ஸ் மற்றும் சிறுதானியங்கள்" எடையைக் குறைக்கப் பெரிதும் உதவுகின்றன. காலையில் இட்லி, தோசைக்குப் பதிலாகக் கேழ்வரகு, கம்பு அல்லது ஓட்ஸ் போன்ற உணவுகளை எடுத்துக் கொள்ளலாம். இவற்றில் நார்ச்சத்து அதிகமாக இருப்பதால், இவற்றைச் சாப்பிட்டவுடன் வயிறு நிறைந்த உணர்வு ஏற்படும். இதனால் தேவையற்ற நொறுக்குத் தீனிகளைச் சாப்பிடும் எண்ணம் வராது. குறிப்பாகச் சிறுதானியங்கள் இரத்தத்தில் உள்ள சர்க்கரையின் அளவைக் கட்டுக்குள் வைப்பதோடு, உடலில் கெட்ட கொழுப்பு சேருவதைத் தடுக்கும். அரிசி உணவுகளைக் குறைத்துக்கொண்டு, ஒருவேளை உணவாகச் சிறுதானியங்களைச் சேர்த்துக் கொண்டாலே சில வாரங்களில் உங்கள் எடையில் நல்ல மாற்றம் தெரிவதை உணரலாம்.
மூன்றாவதாக, நம் அன்றாட உணவில் சேர்த்துக் கொள்ள வேண்டிய ஒன்று "பச்சை காய்கறிகள் மற்றும் கீரைகள்". குறிப்பாக நீர்ச்சத்து அதிகம் உள்ள சுரைக்காய், பூசணிக்காய் மற்றும் வெள்ளரிக்காய் போன்றவை உடல் எடையைக் குறைக்க விரும்புபவர்களுக்குப் பிடிச்சமான உணவாக இருக்க வேண்டும். இவற்றில் கலோரிகள் மிகக் குறைவு, ஆனால் வைட்டமின்கள் மற்றும் தாதுக்கள் அதிகம். மதிய உணவில் பாதியளவு காய்கறிகளையும், மீதிப் பாதியளவு சாதத்தையும் வைத்துக் கொண்டால் உடல் எடை ஏறவே ஏறாது. அதேபோல் வாரத்தில் மூன்று முறையாவது முருங்கைக்கீரை அல்லது பசலைக்கீரை போன்றவற்றைச் சேர்த்துக் கொள்வது ரத்த சோகையை நீக்கி, உடலைத் தேஜஸாக மாற்றும்.
நான்காவதாக, "புரதம் நிறைந்த உணவுகள்" உடல் எடையைக் குறைப்பதில் முக்கியப் பங்கு வகிக்கின்றன. முளைகட்டிய பயறுகள், கொண்டைக்கடலை மற்றும் சோயா போன்ற உணவுகளில் புரதம் அதிகம் உள்ளது. இவை தசைகளை வலுவாக்கி, கொழுப்பை எரிக்க உதவுகின்றன. மாலை நேரத்தில் சமோசா, பஜ்ஜி போன்ற எண்ணெய் பலகாரங்களுக்குப் பதிலாக, சுண்டல் அல்லது முளைகட்டிய பயறுகளைச் சாப்பிடுவது மிகச்சிறந்த மாற்றாகும். இது உங்களுக்கு நீண்ட நேரம் பசி எடுக்காமல் பார்த்துக்கொள்ளும். அசைவம் சாப்பிடுபவர்கள் முட்டையின் வெள்ளைக்கரு அல்லது வேகவைத்த மீன் போன்றவற்றைச் சேர்த்துக் கொள்ளலாம். புரதச் சத்து உணவுகள் உங்கள் உடலின் எனர்ஜியை குறையாமல் பாதுகாக்கும்.
எல்லாவற்றையும் விட, "தண்ணீர்" குடிப்பது உடல் எடையைக் குறைக்க ஒரு மேஜிக் போலச் செயல்படும். ஒரு நாளைக்குக் குறைந்தது 3 முதல் 4 லிட்டர் தண்ணீர் குடிப்பது அவசியம். உணவிற்கு அரை மணி நேரத்திற்கு முன்பும், பின்பும் தண்ணீர் குடிப்பது செரிமானத்தை எளிதாக்கும். தண்ணீரைச் சரியாகக் குடித்தாலே உடலில் உள்ள கழிவுகள் வெளியேறி உடல் எடை குறையத் தொடங்கும். இதனுடன் தினமும் 30 நிமிடம் நடைப்பயிற்சி மேற்கொள்வது இன்னும் விரைவான பலனைத் தரும்.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.
