உச்சத்தில் தந்தை - மகன் மோதல்! முகுந்தனுக்காக இந்த முடிவு தேவையா! இது அன்புமணிக்கு வைத்த ஆப்பா? இல்லை கட்சிக்கா?

தமிழ்நாடு அரசியல் களத்தில் பாமக என்றாலே சர்ச்சைகளும், திடீர் திருப்பங்களும் புதிதல்ல. ஆனால், இப்போது நடந்திருக்கும் சம்பவம் கட்சியின் உள்ளேயே ஒரு புயலை கிளப்பியிருக்கு. பாமக நிறுவனர் ராமதாஸ், தனது மகன் அன்புமணியை தலைவர் பதவியிலிருந்து நீக்கி, தானே மீண்டும் தலைவராக அறிவிச்சிருக்கார். இதுக்கு முக்கிய காரணமா பார்க்கப்படுறது, அன்புமணியின் எதிர்ப்பு - அதுவும் தனது சகோதரியின் மகன் முகுந்தனை இளைஞரணி தலைவர் பதவியிலிருந்து நீக்கணும்னு அவர் விரும்பினது தான்.

இந்த முடிவு கட்சிக்கு உள்ளே பெரிய பரபரப்பை ஏற்படுத்தியிருக்கு. இது அன்புமணிக்கு வைத்த ஆப்பா? இல்லை, 2026 சட்டமன்ற தேர்தலுக்கு முன்னாடி கட்சியை ஒரு புது பாதையில கொண்டு போக ராமதாஸ் எடுத்த துணிச்சலான முடிவா?

மோதலுக்கு விதை போட்ட சம்பவம்

இந்த தந்தை-மகன் மோதல் திடீர்னு தலைதூக்கலை. கடந்த சில மாதங்களாவே பாமக-வுல உட்கட்சி பிரச்சினைகள் சூடு பிடிச்சிருக்கு. டிசம்பர் 2024-ல புதுச்சேரியில நடந்த பொதுக்குழு கூட்டத்துல தான் இந்த பிரச்சினை முதன்முதலா வெளிப்பட்டது. ராமதாஸ், தனது மூத்த மகள் காந்திமதியோட மகன் முகுந்தனை இளைஞரணி தலைவரா அறிவிச்சார். ஆனால், அன்புமணி இதை கடுமையா எதிர்த்தார்.

"முகுந்தன் கட்சியில சேர்ந்து நாலு மாசம் தான் ஆகுது, அவருக்கு என்ன அனுபவம் இருக்கு?"னு அன்புமணி கேள்வி எழுப்பினார். இதுக்கு பதிலடியா, "நான் தான் கட்சியை ஆரம்பிச்சேன், என் முடிவு தான் இறுதியானது"னு ராமதாஸ் பிடிவாதமா சொன்னார். அங்கிருந்து தொடங்கிய பனிப்போர், இப்போது அன்புமணியை தலைவர் பதவியிலிருந்து நீக்குற அளவுக்கு வந்திருக்கு.

ராமதாஸ் இப்போ அறிவிச்சிருக்கும் முடிவுல, அவர் தலைவராவும், அன்புமணி செயல் தலைவராவும் இருப்பாங்கன்னு சொல்லியிருக்கார். இது அன்புமணியோட அதிகாரத்தை குறைக்கிற மாதிரி தெரியுது. முகுந்தனை இளைஞரணி தலைவரா வைக்கணும்னு ராமதாஸ் உறுதியா இருக்கார். இது கட்சியோட எதிர்காலத்தை மறுவரையறை செய்யுற முயற்சியா? இல்லை, குடும்ப உறவுகளுக்கு மத்தியில உள்ள உணர்ச்சி மோதலா? என தொண்டர்கள் குழப்பத்தில் உள்ளனர்.

ராமதாஸின் முடிவு: உள்ளார்ந்த நோக்கம் என்ன?

ராமதாஸுக்கு 85 வயசு ஆகுது. ஆனாலும், அவரோட அரசியல் தீர்க்கம் இன்னும் மங்கல. பாமக-வை 1989-ல தொடங்கினவர், வன்னியர் சமூகத்தோட பிரதிநிதியா தன்னை நிலைநிறுத்திக்கிட்டவர். இப்போ மீண்டும் தலைவர் பதவியை எடுத்திருக்கிறது, கட்சியோட கட்டுப்பாட்டை தன் கையில வைச்சிக்கணும்னு அவர் நினைக்கிறதோட சமிக்ஞையா பார்க்கப்படுது.

அன்புமணி கடந்த சில வருஷங்களா கட்சியை தன்னோட பாணியில நடத்தி வந்தார். 2016 சட்டமன்ற தேர்தலுக்கு முதலமைச்சர் வேட்பாளரா அறிவிக்கப்பட்டு, பாமக-வை ஒரு மாற்று சக்தியா முன்னிறுத்த முயற்சி செஞ்சவர் அன்புமணி. ஆனால், அந்த தேர்தல்ல ஒரு சீட் கூட கிடைக்கல. 2021-ல அதிமுக கூட்டணியில 5 சீட் வாங்கினாலும், 2024 லோக்சபா தேர்தல்ல பாஜக கூட்டணியில பெரிய வெற்றி கிடைக்கல.

இந்த சமயத்துல, அன்புமணியோட தலைமையில கட்சி ஒரு புது திசையை நோக்கி போகுதுன்னு ராமதாஸுக்கு தோணியிருக்கலாம். அதுவும், பாஜக கூட்டணியை அன்புமணி ஆதரிச்சது, ராமதாஸுக்கு பிடிக்கலன்னு பலரும் சொல்றாங்க. அதிமுகவோட கூட்டணியை ராமதாஸ் விரும்பினார், ஆனால் அன்புமணி பாஜக பக்கம் சாய்ஞ்சது கட்சியோட பாரம்பரிய வாக்கு வங்கியை பாதிச்சிருக்கலாம்னு அவர் கருதியிருக்கலாம் என்பது அரசியல் விமர்சகர்களின் கருத்தாக உள்ளது.

முகுந்தனை இளைஞரணி தலைவரா கொண்டு வந்து, கட்சியோட எதிர்காலத்தை தன் குடும்பத்தோட மற்றொரு உறுப்பினர் மூலமா பாதுகாக்கணும்னு ராமதாஸ் திட்டமிட்டிருக்கலாம் என்றும் கூறப்படுகிறது.

அன்புமணியின் நிலை:

அன்புமணிக்கு இது பெரிய பின்னடைவு. 2004-ல மத்திய சுகாதார அமைச்சரா பதவி வகுத்தவர், பாமக-வை ஒரு பரந்த அடித்தளம் உள்ள கட்சியா மாற்ற முயற்சி செஞ்சவர். ஆனால், இப்போ தலைவர் பதவியிலிருந்து இறக்கப்பட்டு, செயல் தலைவரா மாற்றப்பட்டிருக்கார். இது அவரோட செல்வாக்கை குறைக்கிற மாதிரி தெரியுது. முகுந்தனை இளைஞரணி தலைவரா ஏத்துக்க மறுத்தது, அவருக்கு கட்சியோட அதிகாரம் தன் கையை விட்டு போயிடுமோன்னு பயத்தை ஏற்படுத்தியிருக்கலாம்.

அதனால தான் பொதுக்குழு கூட்டத்துல அவர் மைக்கை கீழ போட்டு, "பனையூர்ல எனக்கு ஒரு ஆபீஸ் இருக்கு, அங்க வந்து என்னை சந்திக்கலாம்"னு அறிவிச்சார். இது அவரோட அதிருப்தியை காட்டுறது மட்டுமில்லாம, கட்சியோட ஒரு பகுதியை தனியா நடத்துற திட்டமா இருக்கலாம்னு சிலர் யூகிக்கிறாங்க.

2026 சட்டமன்ற தேர்தலுக்கு என்ன ஆகும்?

இந்த முடிவு 2026 சட்டமன்ற தேர்தலுக்கு எப்படி பாதிப்பை ஏற்படுத்தும்னு பார்த்தா, ரெண்டு பக்கமும் வாதங்கள் இருக்கு.

கட்சியோட ஒற்றுமைக்கு சவால்:

பாமக-வோட பலம் வன்னியர் சமூகத்தோட ஒருமித்த ஆதரவு தான். ஆனால், ராமதாஸ் - அன்புமணி மோதல் கட்சியோட தொண்டர்களை பிரிச்சு, வாக்கு வங்கியை பலவீனப்படுத்தலாம். அன்புமணிக்கு ஆதரவா ஒரு பிரிவு தனியா செயல்பட ஆரம்பிச்சா, பாமக-வோட செல்வாக்கு வட தமிழ்நாட்டுல குறையலாம். இது அதிமுக, திமுக போன்ற பெரிய கட்சிகளுக்கு சாதகமா மாறலாம்.

ராமதாஸின் திட்டம் வெற்றி பெறுமா?

ராமதாஸ் மீண்டும் தலைமை எடுத்து, கட்சியை ஒரு புது திசையில கொண்டு போக முயற்சி செய்யலாம். 2021-ல அதிமுக கூட்டணியில 5 சீட் வாங்கின மாதிரி, 2026-ல ஒரு வலுவான கூட்டணியை உருவாக்கி, அமைச்சரவை பதவிகளை பெறலாம்னு அவர் நம்பலாம். முகுந்தனை இளைஞரணி தலைவரா கொண்டு வந்தது, இளைய தலைமுறையை ஈர்க்கிற முயற்சியா இருக்கலாம். ஆனால், இது வெற்றி பெறணும்னா, உட்கட்சி பிரச்சினைகளை முதல்ல சரி செய்யணும்.

கூட்டணி அரசியல் மாறலாம்

பாமக பாஜக கூட்டணியில தொடர்ந்தாலும், ராமதாஸ் அதிமுக பக்கம் சாயலாம். அவரோட பழைய அனுபவமும், அதிமுகவோட பாரம்பரிய உறவும் இதுக்கு வழி செய்யலாம். ஆனால், அன்புமணி பாஜகவை விட மாட்டேன்னு பிடிவாதமா இருந்தா, கட்சி ரெண்டா பிரியுற சூழலும் வரலாம்.

கட்சிக்கு நல்லதா? கெட்டதா?

ராமதாஸோட இந்த முடிவு, குடும்ப அரசியலை தாண்டி, பாமக-வோட எதிர்காலத்தை உறுதிப்படுத்துற முயற்சியா பார்க்கலாம். ஆனால், இது அன்புமணியோட ஆதரவாளர்களை புண்படுத்தி, கட்சியோட ஒற்றுமையை கேள்விக்குறியாக்குது. 2026 தேர்தல்ல பாமக ஒரு முக்கிய சக்தியா உருவெடுக்கணும்னா, ராமதாஸும் அன்புமணியும் ஒரு புரிதலுக்கு வந்து, தொண்டர்களோட நம்பிக்கையை திரும்ப பெறணும். இல்லையேல், இந்த உட்கட்சி சண்டை, பாமக-வை ஒரு பலவீனமான கட்சியா மாற்றி, தமிழ்நாடு அரசியல் களத்துல அதோட செல்வாக்கை குறைச்சிடலாம்.

இப்போதைக்கு, இந்த தந்தை-மகன் மோதல் தமிழ்நாடு அரசியல் களத்துல ஒரு பரபரப்பான பேசுபொருளா மாறியிருக்கு. அடுத்து என்ன நடக்கும்னு பொறுத்திருந்து பார்க்கலாம்!