.png)
கடந்த செப்டம்பர் 27ஆம் தேதி கரூரில், நடிகர் விஜய்யின் தமிழக வெற்றிக் கழகம் (TVK) நடத்திய கூட்டத்தில் ஏற்பட்ட கூட்ட நெரிசலில் 41 பேர் உயிரிழந்தனர். இந்தக் கோரச் சம்பவம் குறித்த அரசியல் மோதல், இன்று புதன்கிழமை காலை தமிழ்நாடு சட்டமன்றத்தில் வெடித்தது. முதலமைச்சர் மு.க.ஸ்டாலின், இந்தத் துயரச் சம்பவத்துக்கு நடிகர் விஜய் மற்றும் அவரது கட்சியை (TVK) பொறுப்பாக்கிக் கடும் குற்றச்சாட்டுகளை முன்வைத்தார்.
இதுகுறித்து அவர் பேசுகையில், "கூட்டத்தை மாலை 3 மணி முதல் ஐந்து மணி நேரம் நடத்த அனுமதி கோரப்பட்டிருந்த நிலையில், பின்னர் நண்பகல் 12 மணிக்கே விஜய் நிகழ்விடத்தை அடைவார் என்று கட்சி கூறியது. இதனால், காவல்துறையினர் பாதுகாப்பு ஏற்பாடுகளை மாற்ற வேண்டியிருந்தது. ஆனால், விஜய் ஏழு மணி நேரம் தாமதமாக வந்துள்ளார். இந்தத் தாமதம்தான் கூட்ட நெரிசலுக்கு ஒரு முக்கியமான காரணம். விஜய் வந்தபோது ஏற்பட்ட மக்கள் நெரிசலால் அவரது பேருந்து கூட நகர முடியாமல் ஸ்தம்பித்தது.
கூட்டத்தை ஏற்பாடு செய்த தமிழக வெற்றிக் கழகத்தினர், குடிநீர் மற்றும் பெண்களுக்கு போதுமான கழிவறைகள் போன்ற அடிப்படை வசதிகளைக் கூட உறுதிப்படுத்தத் தவறிவிட்டனர். காயமடைந்தவர்களுக்கு உதவ முயன்ற இரண்டு ஆம்புலன்ஸ் ஓட்டுநர்களை த.வெ.க. தொண்டர்கள் தாக்கினார்கள். இதில், அவசர சேவை ஊழியர்கள் காயமடைந்தனர், அவர்களின் வாகனங்களும் சேதப்படுத்தப்பட்டது" என்றார்.
மேலும், குழப்பத்தை அதிகரிப்பதற்காக அரசு மின்சார விநியோகத்தை நிறுத்தியதாக த.வெ.க. வைத்த குற்றச்சாட்டுக்கு பதிலளித்த ஸ்டாலின், மேலும் விபத்துகள் ஏற்படுவதைத் தவிர்க்கவே ஜெனரேட்டர் நிறுத்தப்பட்டது என்று விளக்கமளித்தார்.
த.வெ.க. மற்றும் எதிர்க்கட்சிகளின் நிலைப்பாடு:
இந்த மரணங்களுக்கு தி.மு.க.வை குற்றம் சாட்டியதோடு, தேர்தலுக்கு முன்னதாக தனது அரசியல் எதிராளியை முடக்குவதற்கான முதலமைச்சரின் 'பழிவாங்கல் நடவடிக்கை' இது என்றும் குற்றம் சாட்டினர். மேலும், உள்ளூர் அதிகாரிகள் மற்றும் காவல்துறையின் தவறான நிர்வாகமே இந்தக் குழப்பத்திற்குக் காரணம் என்றும் விஜய் குற்றம் சாட்டினார். இந்த குற்றச்சாட்டுகளுக்கு சில நாட்களுக்குப் பிறகு, தமிழக அரசு விரிவான மறுப்பை வெளியிட்டது, போதுமான பாதுகாப்பு மற்றும் மருத்துவ ஏற்பாடுகள் செய்யப்பட்டதாக வலியுறுத்தியது. இன்று சட்டமன்றத்தில் ஸ்டாலினும் அந்த மறுப்புகளை எதிரொலித்தார்.
அனுமதி மறுக்கப்பட்ட பகுதிகள்: "லைட்ஹவுஸ் கார்னர் மற்றும் உழவர் சந்தை ஆகிய பகுதிகளில் பேரணிக்கு அனுமதி மறுக்கப்பட்டது. ஏனெனில் அவை அதிக கூட்டம் நிறைந்த, பெரிய அரசியல் கூட்டங்களுக்கு பொருத்தமற்ற இடங்கள்," என்று ஸ்டாலின் விளக்கினார்.
பாதுகாப்பு ஏற்பாடுகள்: கரூர் மைதானத்தில் 11 நிபந்தனைகளுடன் அனுமதி வழங்கப்பட்டதாகவும், முந்தைய கூட்டங்களின் அடிப்படையிலும், சுமார் 10,000 பேருக்கு மேல் கூட்டம் வர வாய்ப்புள்ளதால், 500க்கும் மேற்பட்ட காவலர்கள் மற்றும் வெளியூரிலிருந்து வரவழைக்கப்பட்ட சுமார் 100 போலீசார் உட்பட, காவல்துறையினர் போதுமான ஏற்பாடுகளைச் செய்திருந்தனர் என்றும் கூறினார்.
காவல்துறையினர் 20,000 பேர் வரை கூடுவதைக் கருத்தில்கொண்டு ஏற்பாடு செய்திருந்தும், நெரிசலுக்குப் பிந்தைய மதிப்பீடுகளில், கூட்டத்தின் எண்ணிக்கை 25,000 ஆக இருந்ததால், எதிர்பார்ப்புகளைத் தாண்டி கூட்டம் திரண்டபோது தடுப்புகள் உடைக்கப்பட்டு குழப்பம் ஏற்பட்டதாக முதலமைச்சர் கூறினார்.
பாரதிய ஜனதா கட்சியின் தலைமையிலான தேசிய ஜனநாயகக் கூட்டணியின் (NDA) நாடாளுமன்ற உறுப்பினர்களும் இந்த சம்பவத்துக்கு விஜய் மற்றும் த.வெ.க.வை குற்றம் சாட்டியுள்ளனர். அவர்களால் சமர்ப்பிக்கப்பட்ட அறிக்கை, இந்தத் துயரத்திற்கு 'முழுமையான நிர்வாகத் தோல்வியே' காரணம் என்று கூறியுள்ளது. தி.மு.க.வும் தவறான நிர்வாகத்திற்காகக் குற்றம் சாட்டப்பட்டது. இதற்கிடையே, உச்ச நீதிமன்றம் இந்தச் சம்பவம் மற்றும் அதன் காரணங்கள் குறித்து மத்திய புலனாய்வுத் துறை (CBI) விசாரணைக்கு உத்தரவிட்டுள்ளது. இந்த உத்தரவை த.வெ.க. வரவேற்றுள்ளது. முன்னாள் உச்ச நீதிமன்ற நீதிபதி அஜய் ரஸ்தோகி தலைமையிலான மூன்று பேர் கொண்ட குழு இந்த சிபிஐ விசாரணையை மேற்பார்வையிடும்.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.
