.png)
மனித வரலாற்றிலேயே மறக்க முடியாத, அதே சமயம் மனதை உலுக்கும் ஒரு கொடூரமான அத்தியாயம் என்றால், அது இரண்டாம் உலகப் போர் சமயத்தில் நடந்த ஹாலோகாஸ்ட் எனப்படும் பெரும் இனப்படுகொலைதான். இதில், ஜெர்மனியின் சர்வாதிகாரி அடால்ஃப் ஹிட்லர் மற்றும் அவருடைய நாஜிக் கட்சி, ஒரு கோடிக்கும் அதிகமான அப்பாவி மக்களை, குறிப்பா யூதர்களைக் கொன்றொழித்தனர். இந்தச் சம்பவம் பல நாடுகளின் வரலாற்றிலும் ஒரு கறை படிந்த பக்கமாக இன்றளவும் நீடிக்கிறது.
இந்தக் கொடூரமான சம்பவம் சுமார் 1941-ஆம் ஆண்டு முதல் 1945-ஆம் ஆண்டு வரை அரங்கேறியது. நாஜிக்கள் யூதர்களை "இழிவான இனம்" என்று முத்திரை குத்தி, அவர்களை உலகை விட்டு நீக்க வேண்டும் என்ற கொடூரமான முடிவுக்கு வந்தனர். இதற்காக அவர்கள் ரகசியமாகச் செயல்பட்டார்கள். யூதர்கள் வசித்த பகுதிகளில் இருந்தெல்லாம் அவர்களைப் பிடித்து, ரயில் வண்டிகளில் அடைத்து, போலந்து போன்ற நாடுகளில் அமைக்கப்பட்டிருந்த மரண முகாம்களுக்கு கொண்டு சென்றனர். இதில் ஆஷ்விட்ஸ் எனப்படும் முகாம் தான் மிகக் கொடூரமானதாக இருந்தது. இந்த முகாம்களுக்குள்ளே சென்றவர்கள் யாரும் திரும்ப வர முடியாது.
மரண முகாம்களுக்கு வந்த யூதர்களை, நாஜிக்கள் மிருகத்தனமாக நடத்தினார்கள். உணவின்றி, உடையின்றி, சுகாதார வசதிகள் எதுவுமின்றி அவர்கள் கொட்டடிக்குள் அடைக்கப்பட்டனர். சிறுவர்கள், பெண்கள், வயதானவர்கள் என யாருக்கும் கருணை காட்டப்படவில்லை. வேலை செய்ய முடியாதவர்களை உடனடியாகப் பிரித்து, வாயு அறைகளுக்குள் அடைத்து விஷ வாயுவைப் பாய்ச்சி கொடூரமாகக் கொலை செய்தனர்.
வேலை செய்ய முடிந்தவர்களை மிகக் கடுமையான பணிகளில் ஈடுபடுத்தி, பட்டினியாலும் நோயாலும் சாகடித்தனர். இது ஒரு திட்டமிட்ட படுகொலையாக, யூத இனத்தையே வேரோடு அழிக்க வேண்டும் என்ற ஒரே நோக்கத்துடன் நடத்தப்பட்டது. இந்தக் கொடூரத்தைப் பற்றி உலகம் தெரிந்து கொண்டபோது, உலக நாடுகள் அதிர்ந்து போயின.
இந்தச் சம்பவம் முடிவுக்கு வந்த பிறகு, இந்தப் போரில் வெற்றி பெற்ற கூட்டுப் படைகள் (Allied Forces) இந்த முகாம்களை விடுவித்தனர். அப்போதுதான், இந்த முகாம்களுக்குள் நடந்த கொடூரங்கள் வெளி உலகிற்குத் தெரிய வந்தன. உணவு, நீர் இல்லாமல் எலும்பும் தோலுமாக உயிரோடு இருந்த சிலரைக் கண்டுபிடித்தனர். இந்தச் சம்பவத்தை நடத்திய நாஜிக்கள் மீது நியூரம்பெர்க் தீர்ப்பு என்ற பெயரில் வழக்குத் தொடரப்பட்டு, பலருக்கு மரண தண்டனை விதிக்கப்பட்டது.
இந்தக் ஹாலோகாஸ்ட் சம்பவம், ஒருபோதும் மனித சமூகத்தில் மீண்டும் நடக்கக் கூடாது என்பதற்காக, வரலாற்றில் ஒரு பாடமாகப் பதிக்கப்பட்டிருக்கிறது. ஒரு இனத்தின் மீது வெறுப்பு கொண்டிருந்த ஒருவனின் வெறித்தனமான செயல், எத்தனை கோடி மக்களின் உயிரைக் குடித்தது என்பதை இந்தச் சம்பவம் நமக்கு உணர்த்துகிறது.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.
