வேதாந்தா அனில் அகர்வால் குடும்பத்தில் பெரும் சோகம்! இளம் வயதில் மகன் திடீர் மரணம் - உடைந்து போன தந்தை!

பிரபல தொழிலதிபரான வேதாந்தா குழுமத்தின் தலைவர் அனில் அகர்வாலின் மகன் அக்னிவேஷ் அகர்வால், திடீரென மாரடைப்பால் காலமானார் என்ற செய்தி தொழில்துறை வட்டாரத்தை பெரும் அதிர்ச்சியில் ஆழ்த்தியுள்ளது. தனது வாழ்நாளில் சந்தித்த மிகப்பெரிய இழப்பு இது என்று அனில் அகர்வால் மிகவும் உருக்கமாகப் பகிர்ந்துள்ளார். அமெரிக்காவில் தங்கியிருந்தபோது அக்னிவேஷ் அகர்வாலுக்கு திடீரென உடல்நலக்குறைவு ஏற்பட்டுள்ளது. உடனடியாக மருத்துவமனைக்குக் கொண்டு செல்லப்பட்ட போதிலும், சிகிச்சை பலனின்றி அவர் உயிரிழந்ததாகத் தகவல்கள் தெரிவிக்கின்றன.

அக்னிவேஷ் அகர்வாலுக்கு வெறும் 49 வயதே ஆகிறது என்பது பலரையும் கவலையில் ஆழ்த்தியுள்ளது. இவ்வளவு இளம் வயதில் ஒரு மிகப்பெரிய தொழில் சாம்ராஜ்யத்தின் வாரிசை மரணம் தழுவியது அனைவரையும் சோகத்தில் ஆழ்த்தியுள்ளது. அனில் அகர்வால் தனது சமூக வலைதளப் பக்கத்தில், "என் வாழ்க்கையின் மிகவும் இருண்ட நாள் இது. என் அன்பு மகன் அக்னிவேஷ் எங்களை விட்டுப் பிரிந்துவிட்டான். இந்த வலியை வார்த்தைகளால் சொல்ல முடியாது" என்று தனது மனவேதனையைக் கொட்டித் தீர்த்துள்ளார்.

தொழில்துறையில் அக்னிவேஷ் அகர்வால் ஒரு முக்கியமான ஆளுமையாக வளர்ந்து வந்தார். அவர் வேதாந்தா குழுமத்தின் பல்வேறு முக்கிய பொறுப்புகளில் சிறப்பாகச் செயல்பட்டு வந்தார். குறிப்பாக, துபாயில் உள்ள சில முக்கிய நிறுவனங்களின் தலைவராக இருந்து அந்த நிறுவனங்களை முன்னேற்றப் பாதையில் கொண்டு சென்ற பெருமை அவருக்கு உண்டு. அனில் அகர்வாலுக்குப் பிறகு வேதாந்தா குழுமத்தை வழிநடத்தப் போகும் முக்கிய நபர்களில் ஒருவராக அக்னிவேஷ் பார்க்கப்பட்டார். அவரது இழப்பு வேதாந்தா நிறுவனத்திற்கு மட்டுமன்றி ஒட்டுமொத்த இந்தியத் தொழில்துறைக்கும் ஒரு பெரிய இழப்பாகவே கருதப்படுகிறது.

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.